Joshua 21
21
1Inyinga yeyo yavo mitwe gyetsiyumba tsyavaguga va Valevi va tsia ku Eleazaru musalisi, na ku Joshua mwana wa Nuni, noku yavo ava veye mitwe gyetsinyumba tsyavaguga vetsihiri tsyavana va Israeli; 2na va va volera ha Shilo mu kivala kya Kanani, ni va vola, Yahova ya laga nomukono gwa Musa, kwinye ku hebwe amadala ku duke kumenya mu, halala notudala twekyayiru kyemitugu gyetu. 3Na avana va Israeli va haana ku Valevi amadala yaga halala notudala twago twekyayiru kutwula ku miyandu gyavo, kuli lilaga lya Yahova.
4Na kidieli kya loleka kuva kyobwiko bwa Vakohathu: navana va Haruni musalisi, ava veye mu Valevi va nyola madala likumi na gavaka ku ikura mu ihiri ya Yuda, na mu ihiri ya Simeon, nomu ihiri ya Benjamini.
5Vakohathu vandi va tigala va nyola ku ikura mu bwiko bwehiri ya Efiraim, na mu ihiri ya Dan, na mu inusu yehiri ya Manase, amadala likumi.
6Navana va Gerishon va nyola ku ikura mu bwiko bwehiri ya Isakari, nomu ihiri ya Asheri, nomu ihiri ya Nafitali, nomu inusu yehiri ya Manase mu Bashan, amadala likumi na gavaka.
7Avana va Merari kuli ubwiko bwavo va nyola mu ihiri ya Rubeni, nomu ihiri ya Gadi, nomu ihiri ya Zebuloni, madala likumi na gaviri.
8Navana va Israeli va haana ku Valevi kuikura amadala yago halala notudala twago twekyayiru, kuli Yahova ya laga nomukono gwa Musa. 9Na va haana kuvo kutwula ku ihiri yavana va Yuda, nomu ihiri yavana va Simeoni, amadala yago aga talwa yaha na ameta gago: 10nago ga li gavana va Haruni ku ubwiko bwa Vakohathu, ava li avana va Levi; kigira kidieli kyokutanga kya li kyavo. 11Navo va ha Kiriathuarba, Arba uyu u a li dada wa Anaki (li veye Hebironi), mu kivala kyevigulu vya Yuda, halala navyayiru vyalyo tsimbega tsyosi. 12Navutswa milimi gyelidala, notudala twalyo, va haana ku Kalebu mwana wa Jeiune kuva miyandu gyigye.
13Na va haana ku avana va Haruni musalisi Hebironi halala nobwayiru bwalyo, lidala lyomulumindi yirukira mu, na Libina halala nobwayiru bwalyo, 14na Jatiru halala nobwayiru bwalyo, na Eshitemo halala nobwayiru bwalyo, 15na Holon halala nobwayiru bwalyo, na Debiri halala nobwayiru bwalyo, 16na Ain halala na bwayiru bwalyo, na Juta halala nobwayiru bwalyo, na Bethshemeshi halala nobwayiru bwalyo; amadala gatano na gane mu tsihiri tsiviri yitsyo. 17Nomu ihiri ya Benjamini, Gibeon halala nobwayiru bwalyo, na Geba halala nobwayiru bwalyo, 18na Anathothu halala nobwayiru lwalyo, na Alimon halala nobwayiru bwalyo; madala gane. 19Madala gosi gavana va Haruni, vasalisi, ga li madala likumi na gavaka, halala nobwayiru bwago.
20Nobwiko bwavana va Kohathu, Valevi, avana vandi va Kohathu va tigala, va li namadala gekidieli kyavo mu ihiri ya Efiraim. 21Navo va va ha Shekem halala nobwayiru bwalyo mkivala kyevigulu kya Efiraim, lidala lyomulumindi yirukira mu, na Gezeri halala nobwayiru bwalyo, 22na Kibizaim halala nobwayiru bwalyo, na Bethhoron halala nobwayiru lwalyo madala gane. 23Nokutwula ihiri ya Dan, Eliteke halala nobwayiru bwalyo, na Gibethon halala nobwayiru bwalyo, 24na Aijalon halala nobwayiru bwalyo, na Gathrimon halala nobwayiru bwalyo; madala gane. 25Nokutwula ku inusu yehiri ya Manase, Taanaka halala nobwayiru bwalyo, na Gathrimon halala nobwayiru bwalyo; madala gaviri. 26Amadala gosi getsihiri tsyavana va Kohathu va tigala ga veve madala likumi halala nobwayiru bwago.
27Na ku avana va Gerishon, mu bwiko bwa Valevi, kutwula ku inusu yehiri ya Manase va ha Golan mu Bashan halala nobwayiru bwalyo lidala lyomulumindi yirukira mu, na Beeshitera halala nobwayiru bwalyo; madala gaviri. 28Nokutwula ku ihiri ya Isakari, Kishion halala nobwayiru bwalyo, Daberathu halala nobwayiru bwalyo, 29Jaramuthu halala nobwayiru bwalyo, na Enganim halala nobwayiru bwalyo madala gane. 30Nokutwula ku ihiri ya Asheri, Mishali halala nobwayiru bwalyo Abidon halala nobwayiru bwalyo 31Helikathu halala nobwayiru bwalyo, na Rehobu halala nobwayiru bwalyo; madala gane. 32Nokutwula ku ihiri ya Nafitali, Kedesh mu Galilaya halala nobwayiru bwalyo, lidala lyomulumindi yirukira mu, na Hamothudori halala nobwayiru bwalyo, na Karitan halala nobwayiru bwalyo; madala gavaka. 33Amadala gosi aga Vagerishon kuli bwiko bwavo ga li amadala likumi na gavaka halala nobwayiru bwago.
34Naku bwiko bwavana va Merari, Yalevi ava tigala, mu ihiri ya Zebuloni, Jokineam halala nobwayiru bwalyo na Karita halala nobwayiru bwalyo 35Dimina halala nobwayiru bwalyo, na Nahalali halala nobwayiru bwalyo; madala gane. 36Nokutwula ku ihiri ya Rubeni, Bezeru halala nobwayiru bwalyo, na Jahazu halala nobwayiru bwalyo, 37Kedemothu halala nobwayiru bwalyo, na Mefaathu halala nobwayiru bwalyo; madala gane. 38Nokutwula ku ihiri ya Gadi Ramothu mu Gileadi halala nobwayiru bwalyo, lidala lyomulumindi yirukira mu, na Mahanaim halala nobwayiru bwalyo, 39na Heshibon halala nobwayiru bwalyo, na Jazeri halala nobwayiru bwalyo; gosi ga veye madala gane. 40Yaga gosi ga li madala gavana va Merari kuli ubwiko bwavo bu veye ubwiko bwa Valevi va tigaia nekidieli kyavo ki veye madala likumi na gaviri.
41Madala gosi ga Valevi hagati hemiyandu gyavana va Israeli ga li madala makumi gane na gatano na gavaka halala nobwayiru bwago. 42Madala yaga gosi ga li halala, nobwayiru bwalyo bwa kumberidza tsimbega tsyosi: ga li ndiyo ku madala yaga gosi.
43Kunangwa Yahova ya ha Israeli kivala kyosi kya yisuha a la ha avaguga vavo; navo va ki gumira, ni va menya mu. 44Na Yahova ya va ha bwelemeridzi ku tsimbega tsyakyo tsyosi, kuli yaga gosi aga yesuhira avaguga vavo: na ku vasigu vavo vosi mundu kali mulala si ya singira imbiri wavo; Yahova ya vika vasigu vavo vosi mmakono gavo. 45Ku makuva gosi malahi ga Yahova ya volera avenyumba ya Israeli, likuva kali lilala si lya vula kukolwa; gosi ga dukidzwa.
©Bible Society of Kenya, 1967