Joshua 15
15
1Na kidieli kyavana va Yuda kuli ubwiko bwavo kya duka ku lwako lwa Edom, kuduka ku kyangalangwi kya Zin ku luvega lwa kusini, ku kiheri kyakusini. 2Na lwako lwavo lwekusini lwa li kutwula ku kiheri kya Inyanza yo Munyu, ki henza kusini; 3lwa tsia ku luvega lwa kusini wokwanegira Akirabim, no kuvita Zin, no kuvita luvega lwa kusini wa Kadeshibarnea, nokuvita Heziron, nokuduka Adari, nokukumberidza Karika; 4nokuvita Azimon, nokutwula ku mugera gwa Egepeti; na kiheri kyolwako zana kwa li ku inyanza: yilu nilwo lwako lwenyu lwa kusini. 5No lwako lwoluvega lwevugwi lwa li Inyanza yo Munyu, kuduka ku kiheri kya mugera kwa Yordani. Na lwako lwoluvega lwa kasikasini lwa li kutwula ha kiheri kya inyanza, ki veye ku kiheri kyomugera gwa Yordani; 6nolwako lwa tsia kuduka Bethhogila, nokuvita ku luvega lwa kasikasini wa Betharaba; nolwako zana lwa vita kuduka ku ligina lya Bohan mwana wa Rubeni; 7na lwako zana lwa duka kuvita Debiri kutwula livona lya Akori, kuvita ku luvega lwa kasikasini, kuhenza Gilgali, ikagata ku kyanegiru hutsia Adumim, ki veye ku luvega lwokusini lwomugera; nolwako zana lwa vita kuduka ku madzi ga Enshemeshi, ne kiheri kyalwo ki veye ha Enrogeli; 8nolwako lwa vita mulivona lyomwana wa Hinom kuduka mbalu mwo Mujebusi ku luvega lwa kusini (nayo ni Yerusalemi); nolwako lwa vita ku isonga yekigulu kikagata ku livona lya Hinom ku luvega lwemadioli, li veye ha kiheri kvelivona lya emindu ku luvega lwa kasikasini; 9nolwako lwa gerwa kutwula ku isonga ye kigulu kuduka ku mugera gwa madzi ga Nefitoa na lwa tsia kuduka mmadala gekigulu kya Eironi; nolwako lwa gerwa kutwula Baala (li veye Kiriathu jearim); 10kandi lwako zana lwa vodonkana kutwula Baala kuvita ku luvega lwemadioli kuduka ku kigulu kya Seiru na lwa vita kuduka ku luvega lwa kigulu kya Jearim ku luvega lwa kasikasini (ki veye Kesalon), na lwasulunguta Bethshemeshi nokuvita himbi na Timina; 11nolwako lwa twula kuduka ku luvega lwa Ekiron ku luvega lwa kasikasini; nolwako lwa gerwa kuduka Shikeron no kuvita ku kigulu kya Baala, na lwa twulira ha Jabineeli; nekiheri kyalwo ki veye ha inyanza. 12No lwako lwemadioli lu veye inyanza inene, noluginga lwayo. Yilu lu veye lwako lwa avava va Y uda ku livodonkana hosi kuli bwiko bwavo.
13Na ya haana ku Kalebu mwana wa Jeiune kidieli hagati ha vana va Yuda, kuli lilaga lya Yahova ya volera Joshua, kuli Kiriathuarba, uyu Arba ua li ise wa Anaki (yili li veye Hebironi). 14Kalebu ya kunga ha zana avana vavaka va Anaki: Sheshai, na Ahiman, na Talmai, avana va Anaki 15Ma yanegira kutwula ha zana kuduka ku avandu va Debiri: na lieta lya Debiri ku matsyambiri lya li Kiriathuseferi. 16Na Kalebu ya vola, Uyu u li kuya Kiriathuseferi, nokulivugula, nda mu ha Akisa mukana wange a ve mukali wewe. 17Na Othinieli mwana wa Kenazu, amwavo wa Kalebu, ya li vugula; naye ya mu ha Akisa mukana wewe a ve mukali vewe. 18Na ga duka, lwa mukali uyu ya tsia kuye, ya mu volera a saale umulimi ku dada wewe: na yika ku isukiri yeye; na Kalebu ya mu teva, Wenya ki? 19Naye ya vola, Mbe ubugasu; kigira u mbiki mu kivala kya Kusini, u mbe kandi visenukiru vyamadzi. Naye ya mu ha visemukiru vyamadzi vyolugulu nevyomusi.
20Yigyi nigyo miyandu gyehiri ya avana na Yuda kuli ubwiko bwavo.
21Na amadala mahereridzi agehiri va avana va Yuda ku luvega luhenza ya avana va Yuda ku luvega luhenza ku lwako lwa Edom mu kivala kya Kusini ga veye Kabezeeli, na Ederi, na Jaguri, 22na Kina, na Dimona, na Adada, 23na Kedesh, na Hazoru, na Ithinan, 24na Zifu, na Telem, na Bealothu, 25na Hazoruhadata, na Keriothuheziron (li veye Hazoru), 26Amam, na Shema, na Molada, 27na Hazargada, na Heshimon, na Bethpeletu, 28na Hazarshuali, na Beersheba, na Biziothia, 29Baala, na Iyim, na Ezem, 30na Elitoladi, na Kesili, na Horma, 31na Ziklagu, na Madimana, na Sanisana, 32na Lebaothu, na Shilihim, na Ain, na Rimon: madala yaga gosi ga li mal umi gaviri na gatano na gane, halala notudala twago.
33Na mu kivala kyekereremu Eshitaoli, na Zora, na Ashina, 34na Zanoa, na Enganim, na Tapua, na Enam, 35Jaramuthu, na Adulam, na Soko, na Azeka, 36na Shaaraim, na Adithaim, na Gedera, na Gederothaim; amadala likumi na gane halala notudala twago.
37Zenan, na Hadasha, na Migidalgadi, 38Dilean, na Mizipe, na Jokitheeli, 39Lakishi, na Bozikathu, na Egilon, 40na Kabon, na Lahamam, na Kitilishi, 41na Gederothu, Bethdagon, na Naama, na Makeda; amadala likumi na gatano na lilala halala notudala twago.
42Libina, na Etheri, na Ashan, 43na Ifita, na Ashina, na Nezibu 44na Keila, na Akizibu na Maresha amadala gatano na gane halala notudala twago.
45Ekiron, halala na madala galyo notudalatwalyo; 46kutwula Ekiron kuduka ku inyanza, gosi aga li ku luvega lwa Ashidodi, halala notudala twago.
47Ashidodi, madala galyo notudala twalyo; Gaza, na madala galyo notudala twalyo; kuduka ku mugera gwa Egepeti, nenyanza inene, nolwako lwayo.
48Mu kivala kyevigulu, Shamiru, na Jatiru, na Soko, 49na Dana, na Kiriathusana (li veye Debiri), 50na Anabu, na Eshitemo na Anim 51na Goshen, na Hoion, na Gilo, amadala likumi ne lilala halala notudala lwago.
52Arabu, na Duma, na Eshean, 53na Janim, na Bethtapua, na Afeka, 54na Humita, na Kiriathuarba (li veye Hebironi), na Zioru; amadala gatano na gane halala notudala twago.
55Maon, na Karimeli, na Zifu, na Juta, 56na Jezireeli, na Jokideam na Zanoa, 57Kaini, Gibea, na Timina; amadala likumi halala notudala twago.
58Halihulu, na Beth-zuru, na Gedoru, 59na Maarathu, na Bethanothu, Elitekon; amadala gatano na lilala halala notudala twago.
60Kiriathu-baala (li veye Kiriathujearim), na Raba; amadala gaviri halala notudala t vago.
61Mu kyangalangwi, Beth-araba, na Midin, na Sekaka, 62na Nibishan, na Lidala lyo Munyu, na Engedi; amadala gatano na lilala halala notudala twago.
63Na ku makuva ga Vajebusi, avamenya Yerusalemi, avana va Yuda si va nyala kuvatwulidza: navutswa Vajebusi va menya halala na avana va Yuda ha Yerusalemi kuduka lero.
©Bible Society of Kenya, 1967