Joeli 1
1
1Makuva ga Yahova aga duka ku Joeli mwana wa Pethueli. 2Mu hulire yaga, mu inye avasakulu, mu tegidze amatu, mwinye vosi ava menyanga mu kivala yiki. Inkuva yiyi ya li mu madiku genyu, kinga mu madiku ga vaguga venyu? 3Mu gi vole ku avana venyu, na avana venyu va volere avana vavo, na avana vavo va volere kisukululwi kindi. 4Yiki kyobutsiriri bwa leka, isigi ya lia; na kyesigi ya leka, liharing'ang'a lya lia; na kyeliharing'ang'a lya leka, ingedza ya lia.
5Mu vuke, mwinye avahambiki, mu lire; na mu kupe tsikwili, mwinye vosi ava nwedzanga iwaini; kigira iuaini impya; kigira i twulidzeywi ku minwa gyenyu. 6Kigira ihiri i twulira kivala kyange, yetsingulu, i ta li nelivalidzwa; amino gayo ga veye amino geking'ang'a, nayo i veye na amino matambi geking'ang'a kikali. 7Yononnyi muzabibu gwange, nokukuvula musala gwamakuyu guange: i kuvuye magodo gagwo ligali, nokugusyuva ihale, tsitsya tsyagwo tsi koleywi tsindavu.
8U syome kuli mukana mugima wa vikwa tsingubo tsyamagunia kigira musatsa wolukana lwilwe. 9Kihaanwa kyobusie, na kihaanwa kyokunwa vi twulidzeywi ku inyumba ya Yahova; avasalisi, avatumekiri va Yahova, va svomanga. 10Mulimi gwoneki, kivala ki syomanga; kigira ubuswage bwoneki, iwaini impya yumi, na maguta ga gehi. 11Mu ve netsisoni mwinye avalimi, mu syome, mwinye avalindanga mizabibu, ku ingano noku ishaii; kigira ligesa lyomulimi lyoneki. 12Muzabibu gu niaye, na mukuyu gwumi; mukomamanga, na ligemu, kandi muchungwa, kali misala gyosi gyemilimi gyi niaye: kigira ubusangali bu niaye kutwula ku avana va avandu.
13Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu. 14Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.
15O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi. 16Vyokulia si vi twulidzwa imbiri wetsimoni tsyetu? Yee, ubuyanzi na ubusangali bu twu lidzeywi ku inyumba ya Nyasaye wetu? 17Bugutsa bu gundanga mu marova, videra vyoneki, na magungi ga tsomeywi hasi; kigira vya tagwa vi niaye. 18Tsinyama tsi kenya ndi? Vyayo vyetsing'ombe vi genya, kigira si vi veye ne kyayiru, yee, vyayo vyamagondi vi lekeywi vutswa, 19O Yahova, nzanira ive; kigira muliru gu sambi vyayiru vyomu ligendanyama, na ulumemo lwomuliru lu sambi misala gyosi gyomulimi. 20Yee, tsinyama tsyomwigendanyama tsi heerana ku ive; kigira migera gya amadzi gyi kami, no muliru gu sambi vyaviru vyomwigendanyama.
Currently Selected:
Joeli 1: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
