Ayubu 7
7
1Mundu si a veye nenyinga yeye yokulwana ku lirova?
Na madiku gege si ga veye kuli madiku gomundu a tungangwa?
2Kuli mutumekiri u kayirangwa Iigali kiriri,
Kuli u tungangwa u henzanga kunyola amadanyi gege:
3Ni ndiyo inze mbebeywi myeli gyavutswa,
Mbebeywi ubudiku bweliluhidza.
4Lwa ngona hasi, ntevanga,
Nda twula inyinga ki? Navutswa ubudiku bu vedzanga ubutambi
Na nzitsuyi ligomogoma yiyi na yiyi bu luhe bu kye.
5Umbiri gwange gu vikeywi tsing'ende na makindi gamarova:
Ligodo lyange li boheywi, kandi li yabuguki.
6Madiku gange ga nyagulanga kuvita kinaviru kyomunavi
Nago ga vitanga bugira lisuuviridza.
7Mwidzulitse livamwoyo lyange li veye kuli imbuudza:
Imoni yange si i la lola ubulahi kandi mba.
8Imoni ya uyu u ndolanga si i la ndola kandi mba;
Tsimoni tsitsyo tsi la henza ku inze, navutswa si nda va ho mba.
9Kuli lilesi lya dividzwa nokugota,
Ni ndiyo uyu wikanga mu Kihadisi si a li senuka kandi mba.
10Si a lirana kandi mu inyumba yeye mba
Kandi hango hehe si ha la mu manya kandi mba.
11Kigira yaga si nda gaya munwa gwange mba;
Nda vola mu busalisi bwomwoyo gwange;
Nda vola mu litsunwa lya mbeye nalyo mu mwoyo gwange.
12Inze mbeye inyanza, kinga inze mbeye inyama inene yo mu inyanza,
U duke kuvika ku inze mulindi?
13Lwa mbolanga, Kisero kyange ki la neminya mwoyo,
Kitali kyange ki la ngehidzira likenya lyange
14Hene yaho u ntihidzanga namaloto,
Nokuntihidza na malola:
15Kuduka mwoyo gwange gu tovoye kumigwa,
Nokutovola likudza kuvita vigumba vyange.
16Mbihirirangwa livamwoyo lyange; si nyenya kuva mwoyo madiku gosi:
U ndeke tsyeng'ine, kigira madiku gange ga veye mwika vutswa.
17Mundu a veye ki, u duke kumukuminya,
Nokumuvika mu mwoyo gugwo,
18Nokumuluta mugamba nomugamba, Nokumugeridza idagika nedagika?
19U la vula kulola livula kulungika lyange kuduka inyinga ki, Nokundeka tsyeng'ine, mmire amate gange?
20Ni mba ni nkoli ubwoni, nkolera ki ive O ive umlindi wavandu?
Kigira ki u mbiki kuva kya u henzera ku
Kuduka ngwiye musigo ku mwoyo gwange?
21Kandi kigira ki u vula kusameha mahyolo gange, nokutwulidza budamano bwange?
Kigira kalunu nda gona hasi mu lugukyi?
Na ive u la nyenya ligali, navutswa si nda va ho mba.
©Bible Society of Kenya, 1967