Ayubu 26
26
1Hene yaho Ayubu ya tivula, na a vola
2U konyi ndi uyu u ta veye netsingulu
U konyi ndi umukono gu ta veye nobunyali
3U volera ndi uyu u ta veye nobu geeri,
Nokwilwadza ubugeeri bweligali bunyingi
4Wa volera bwaha makuva?
Nomwoyo gwa bwaha gu twula ku ive?
5Yavo avakudzu va degera
Isi wamadzi manene, na ava menyi mugo;
6Kihadisi ki veye kyere imbiri wewe,
Ubwoneku si bu veve nelikunika.
7Ya vambuula kasikasini igulu wobwiyangu bu ta veye ne kindu,
Nokusunga lirova mu ki ta veye nekindu.
8A bohanga madzi mu malesi gege maliduhu;
Na lilesi zana si Ii tandulwa isi wago mba.
9A visanga mmoni mwentebe yeye,
Nokuvambuula lilesi lilye kuyo.
10Ya vika lwako igulu mmoni mwamadzi manene,
Kuduka ku kiheri kyobulavu nekisundi.
11Tsitiru tsyomwigulu tsi degeranga
Na tsi genyanga ku ligondoka lilye.
12A buluganyanga inyanza nobunyali bwibwe
A tumitanga Rahabu nobugeeri bwibwe.
13Ya syahira ligulu na Roho wewe;
Na mukono gwigwe gu tumiti inzoka yetsimbiru.
14Henza, yitsi ni litanga vutswa lyetsinzira tsitsye:
Navutswa nasindi limonya likekeke lya ku huliranga mmakuva gege
Navutswa ni bwaha u nyala kumanya lihirigana lyetsingulu tsitsye?
©Bible Society of Kenya, 1967