Jeremia 46
46
1Likuva lya Yahova lya duka ku Jeremia muproieti ku tsihiri. 2Ku Egepeti: ku lihe lya Faraoneko mwami wa Egepeti, lya li himbi nomugera gwa Farati mu Karkemishi, lya Nebukadirezaru mwami wa Babuloni, ya kuya mu muhiga gwe gyine gwelyameha lya Jehoiakim mwana wa Josia, mwami wa Yuda.
3Mu lombe ingavo na ikuti, mwisunde himbi ku bulwani. 4Mu lombe tsiparasi, na mu nine, mwinye ava ninanga ku tsiparasi, mu singire netsigudwa tsyenyu; mu siye ma timu, mwivike tsisalamba tsyevivya. 5Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola. 6Avetsimbiru va vule kunya gula, kinga muliviriri a hone; ku luvega lwa kasikasini himbi nomugera gwa Farati vikigitaye nokugwa. 7Ni bwaha uyu u vukanga kuli mugera gwa Nile, gwa madzi gagwo gedudanga kuli migera? 8Egepeti ki vukanga kuli mugera gwa Nile, na madzi gakyo gedudanga kuli migera: naye a volanga, Inze nda vuka, noku kunika lirova; nda dividza madala na yavo ava menyanga mugo. 9Mwanegire, mwinye tsiparasi; mwi gingire, mwinye magari gobulwani; avaluviriri; va tsie kyova: Kushi na Putu, ava tumekiranga tsikuti; na Valudim, ava tumekiranga ubuta, nokubunyira. 10Kigira lidiku yilyo li veye lidiku lya Yahova, uyu Yahova wa mahe, li veye lidiku lyokuvanza kisalya, a duke kwevanzira kisalya ku vasigu veve: kivavi ki la lia na ki liguta, na ki la nwa amasahi gavo nokuhambika; kigira Mwami, Yahova wa mahe, a veye nekihaanwa kikye mu kivala ku luvega lwa kasikasini himbi nomugera gwa Farati. 11Yanegira u tsie Gileadi, u nyole lunyasi O mukana mugima wa Egepeti: ive u tumekiranga tsinyasi tsinyingi vutswa; si ha veye neliho nnywa ku ive. 12Tsihiri tsi huliye tsisoni tsitsyo, nelirova lizuyi lilira lilyo; kigira muluviriri wikigitaye ku muluviriri wakye, va gwiye vombi halala.
13Likuva lya Yahova ya volera Jeremia muprofeti, kuli Nebukadirezaru mwami wa Babuloni a ladza nokukuya kivala kya Egepeti.
14Mu landidze amakuva mu Egepeti, mwilwadze mu Migidoli, nokwilwadza mu Nofu nomu Tahapenesi: mu vole, Singira, wetegeke, kigira kivavi ki mali kulia ku tsimbega tsitsyo. 15Kigira ki avandu vovo vetsingulu va hilwa nokutwulidzwa? Si va singira mba, kigira Yahova ya va kunga. 16Yikigitalidza avanyingi, yee, va gwirirana avene navene: na va vola, Gende ku vuke, ku tsie kandi ku avandu vetu, ku kivala kya kwivulwa mu, kwiruke kivavi ki ku dambidzanga. 17Va kupira yo tsikwili, Farao mwami wa Egepeti a veye liyoga vutswa; inyinga ya laganwa u gi leki kuvita vutswa. 18Kuli inze mbeye mwoyo, Mwami a vola, welieta lilye li veye Yahova wa mahe, ligali kuli liva lya Taboru mu vigulu, kandi kuli liva lya Karimeli himbi nenyanza, ni ndiyo uyu a lidza. 19O mwana wange u menyanga ha Egepeti, welombe mwoyo gugwo kwetegeka u tsie mu lyadikidzwa; kigira Nofu li la va hatswa, na li la hya nomuliru, li la vula kuva nomundu u menya mu. 20Egepeti li veye iroli indahi ligali; navutswa ubudivi bu twulanga ku luvega lwa kasikasini bu mali kuudza. 21Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo. 22Mwoyo gwigwe gu la mola kuli inzoka; kigira va la tsia nelihe, va ladza kuye netsimbadzi, kuli avatemagi vemisala. 23Va la temaga mulitu gwigwe, Yahova a vola, kaliva ni gu ta veye nobulolero; kigira va veye vanyingi kuvita tsisigi, si va valika mba. 24Uyu mukana wa Egepeti a la leganywa; a la vikwa mmakono gavandu voluvega lwakasikasini. 25Yahovawamahe, Nyasaye wa Israeli, a vola: Henza, nda haana amageli ku Amon wa No, na Farao, na Egepeti, halala navanya saye vakyo, navami vakyo; Farao na yavo ava suuviranga kuye: 26nda va vika mmakono ga yavo avenyanga myoyo gyavo, nomu makono ga uyu Nebukadirezaru, mwami wa Babuloni, nommakono gavatumekiri veve; na inyima wa yago ki la menywa navandu kandi, kuli ga li mu madiku ga matsyambiri, Yahova a vola. 27Navutswa u ta tia mba, O Yakobo mutumekiri wange, kandi u ta timuka inkolo, O Israeli: kigira, henza, nda ku honnya kutwula ihale ligali, nekisukululwi kikyo ki twule mu kivala kyobutugwa bwakyo; na Yakobo a lirana, naye a lehodzeridza nokusosa, kandi si ha veye nowoku mutihidza. 28Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.
Currently Selected:
Jeremia 46: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
