Isaya 62
62
1Kigira liva lya Zioni si nda v girunkana mba, na kigira liva lya Yerusalemi si nda sosa mba, kuduka ubulungi bwalyo bu lang'aminywe kuli ubung'ereng'anu, nobuhonnyi bwalyo kuli itaya yaakanga. 2Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika. 3Na u la va igudwa yobulahi mu mukono gwa Yahova, na itaji yo bwami mu mukono gwa Nyasaye wowo. 4Si u la langwa kandi Lilekwa; kandi kivala kikyo si ki la langwa kandi Kyere: navutswa u la langwa Hefiziba (livola li Deye ubusangali bu ange bu veye mu uyu), nekivala kikyo ki la langwa Beula (li vola li veye Ira ku ehu a); kigira Yahova a sangalira ive, nekivala kikyo ki la kwebwa. 5K gira kuli musoleli a kwedzanga mukana, ni ndiyo avayai vovo va la kwa ive; na kuli woserereywi a sangaliranga umwiha, ni ndiyo Nyasaye wowo a la sangalira ive.
6Mbiki avahenzi ku madigi golugaga lulwo, O Yerusalemi; si va la kiring'ana mba mbasu kinga budiku: mwinye ava mu veye avokwidzulitsa Yahova, mu ta sosa mba, 7kandi mu ta mu ha lisosa, kuduka lwa a dinyeridza, nokukola Yerusa lemi kuva lidzominywa mu lirova. 8Yahova wisuhi nomukono gwigwe mulungi, nomukono gwetsingulu tsitsye, Ligali inze si nda haana kandi ku vasigu vovo ubuswage bubwo kuva vyokulia vyavo; avageni si va la nwa iwaini yoyo, ya mwinye mwa yinzira: 9navutswa avagesa va la bu lia, nokwidzominya Yahova; na va vungidza va la nwa mu migidzi gya hata katifu hange.
10Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera. 11Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe. 12Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.
©Bible Society of Kenya, 1967