Isaya 51
51
1Mu hulire inze, mwinye avalondanga ubulungi, mwinye avenyanga Yahova: mu henze lwanda lwa mwa twula ku nelivadzwa, na lilina lyobogo bwa mu twulidzwa mu neliyavwa. 2Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi. 3Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.
4Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu. 5Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange. 6Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.
7Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo. 8Kigira isere i la va lia kuli i litsanga ingubo, na ing'ende i la va lia kuli i litsanga ubwoya bweligondi; navutswa ubulungi bwange bu la va bwemihiga nemihiga, nobuhonnyi bwange bu la duka ku makula gosi.
9Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani? 10Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo? 11Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.
12Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi; 13nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha? 14Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba. 15Kigira inze mbeye Yahova Nyasaye wowo, u goyanyanga inyanza, kuduka viguvuli vyayo vi bume: lieta lilye li veye Yahova wa mahe. 16Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.
17Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula. 18Si ha veye nomulala mu vayai vosi ava wivula wa limirira; kandi si ha veye nomulala wa mu gumira mukono mu vayai vosi ava u leri. 19Vindu yivi vyombi vi ku gwiye; ni bwaha u li vererera ive? Lyeseganwa nobwo neku, nenzala, nekivavi; nda ku lemi nya mwoyo kuli ndi? 20Avayai vovo va kudza myoyo, va gonanga mu viheri vyamahasi gosi, kuli imboongo mu mutego; vizuye ubutima bwa Yahova, ligondoka lya Nyasaye wowo. 21Kunangwa kigira yaga hulira likuva yili, ive wokusaliridzwa, wa hambika, navutswa si ga veye newaini: 22Mwami wowo Yahova, Nyasaye wowo u verera avandu veve makuva gavo, a vola, Henza, inze ntwulidzi ku mukono gugwo kikombe kyokudegeridza, na maseke gekikombe kyobutima bwange; ive si u la nwa ku yiki kandi mba: 23nda ki vika mu makono ga yavo ava dambidzanga ive, ava volera mwoyo gugwo, Yinama hasi, kuduka ku sirire ku ivena ive u vike mugongo gugwo kuli marova, kuli inzira, ku yavo ava vitanga ku ive.
©Bible Society of Kenya, 1967