Hosea 1
1
1Likuva lya Yahova lya duka ku Hosea mwana wa Beeri, mmadiku ga Uzia, Jotham, Ahazu na Hezekia, avami va Buyuda, nomu madiku ga Jeroboam mwana wa Joashu, mwami wa Israeli.
2Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova. 3Ma ya tsia na a kwa Gomeri mukana wa Dibilaim; naye ya vereka na yivula mwana muyai. 4Na Yahova ya mu volera, U mu gulike lieta lilye Jezireeli; kigira i kikiri inyinga inkekeke, nda vanza kisalya amasahi ga Jezireeli ku inyumba ya Jehu, na nda heridza ubwami bwenyumba ya Israeli. 5Na ga la duka ku lidiku zana, nda vunannyira ubuta bwa Israeli mu livona Iva Jezireeli. 6Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali. 7Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi. 8Kunangwa mukali uyu lwa ya luguhidza Loruhama, ya vereka kandi, ni yivula mwana muyai. 9Yahova ya vola, U mu gulike lieta lilye Loammi; kigira mwinye si mu veye avandu vange mba, na inze si nda va Nyasaye wenyu mba.
10Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo. 11Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.
Currently Selected:
Hosea 1: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
