Ezekieli 6
6
1Likuva lya Yahova lya duka ku inze, kuvola, 2Ive mwana womundu, henzidza mmoni mumwo ku vigulu vya Israeli, na u profete kuvyo, 3u vole, Mwinye vigulu vya Israeli, mu hulire likuva lyo Mwami Nyasaye: Mwami Nyasaye a volera vigulu notugulu, nemigera namavona: Henza, inze, kali inze, nda leta kivavi ku mwinye, nokwononnya hadiguluku henyu. 4Na bwali bwenyu bu la gwa hatswa, nevifwananyi vyenyu vyeliuva vi la vunika; na nda tula hasi avandu vovo aviitwa imbiri wevifwananyi vyenyu. 5Na nda vika mibiri mikudzu gyavana va Israeli imbiri wevifwananyi vyavo; nevigumba vyenyu nda vi salannya ku tsintulu tsyobwali bwenyu. 6Hosi ha mu menyanga madala ga la kolwa vyanyi, hadiguluku ha la va hatswa; ubwali bwenyu bu duke kukolwa vyanyi, nokukolwa hatswa, nevifwananyi vyenyu kuvunanywa nokuhera, nevifwananyi vyenyu vyeliuva vi la temagwa, nemiyinzi gyenyu gyi la dividzwa ligali. 7Na viitwa va la gwa hagati henyu, na mu la manya inze mbeye Yahova.
8Navutswa nda tigalidza litigala, li vola li veye mu la va na valala va li hona ku kivavi mu tsihiri, lwa mu li salannywa mu vivala ihale nehale. 9Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi. 10Va la manya inze mbeye Yahova: si mbola vutswa nda va kolera ubudamano yibu bwosi.
11Mwami Nyasaye a vola: Kong'onda nomukono gugwo, kandi duya hasi nekirenge kikyo, u vole, O bayaye kigira kivihiri kidamano kyosi kyenyumba ya Israeli: kigira va la gwa ku kivavi, nenzala, nobulwaye. 12U veye ihale ligali a la kudza ku bulwaye zana; na u veye himbi a la gwa ku kivavi; na u tigala nokwigalirwa mu lidala a la kudza kigira inzala: ni ndiyo ndi twekidza ubutima bwange kuvo. 13Na mu la manya inze mbeye Yahova, lwa avandu vavo aviitwa va duka kuva hagati he vifwananyi vyavo ku tsintulu tsyobwali bwavo, ku tugulu twosi, noku tsintongi tsyevigulu, na isi wemisala gyosi mivisi, na isi wemisala gyosi gyo muduguyu, ha va li ni va vuyidziranga vimuli vilahi ku vifwananyi vyavo vyosi. 14Na nda nyira mukono gwange kuvo, na nda kola kivala hatswa na kyanyi, kutwula mwigendanyama ku luvega lwa Dibila, nokuvita hokumenya havo hosi; na va la manya inze mbeye Yahova.
Currently Selected:
Ezekieli 6: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
