Ezekieli 46
46
1Mwami Yahova a vola ndi: Kiribwa kyomugidzi gwomugati gyoluvega lwevugwi ki la hanwa mu madiku gatano na lilala agemigyiviri ku lidiku lyelikumi na gatano lyomweli, mu lisavo, a la mweli muhya ki ligulwa. 2Na munene a lingirira ku inzira yolusimbu lwekiribwa ku luvega lwekyova, naye a la singira ahimbi nekigutu kyekiribwa; navasalisi va la lomba kihaanwa kikye kyokusambwa, nevihaanwa vivye vyemirembe, na a la sigamira ha mukingi gwekiribwa; hene yaho a la tsia kyova; navutswa kiribwa ki la vula kuhanwa kuduka mgolova. 3Na avandu vekivala va la sigamira imbiri wekiliango kyekiribwa zana imbiri wa Yahova mu madiku gelisabato nomu madiku gomweli muhya. 4Na kihaanwa kyokusambwa kyomunene a haana ku Yahova ku liduku lyelisabato ki la va avana vamagondi vatano na mulala avadu kiru, neligondi likole lilala lidukiru; 5nekihaanwa kyobusie ki la va efa indala ku ligondi likole, nekihaanwa kyobusie ku avana vamagondi ki la va kigero kuli kya a nyala kuhaana, na ihin indala yamaguta ku efa indala.
6Na ku lidiku lyomweli muhya ki la va kimoli kigiriki kidukiru, navana vamagondi vatano na mulala, neligondi likole lilala; gosi ga la va amadukiru: 7naye a la tegekidza kihaanwa kyobusie, efa indala ku igiriki, na efa indala ku ligondi likole, noku avana vamagondi kuli kigero kya a nyala kuhaana, na ihin indala yamaguta ku efa indala. 8Na munene lwa yingira, a lingira ku inzira yolusimbu lwekiribwa, na a la twulira ku inzira zana.
9Navutswa avandu vekivala lwa va vugana imbiri wa Yahova ku masavo aga lagwa, uyu wingirira ku inzira yekiribwa kyoluvega lwa kasikasini kusigamira, a la twulira ku inzira yekiribwa kyoluvega lwa kusini; na uyu wingirira ku inzira yekiribwa kyoluvega lwa kusini, a la twulira ku inzira yekiribwa kya kasikasini: si a liranira ku inzira yekiribwa kya yingeriye mu mba, navutswa a la tsia bulungi imbiri wewe. 10Na munene, lwa vingira, a lingira halala navo hagati havo; navo lwa va twula kandi, va la twula vosi halala. 11Na ku masavo mu madiku ga lagwa kihaanwa kyobusie ki la va efa indala ku kimoli kilala, na efa indala ku ligondi likole lilala, noku avana vamagondi kigero kuli kya a nyala kuhaana, na ihin indala yamaguta ku efa indala. 12Na lwa munene yenya kulomba kihaanwa kyobuyanzi, kihaanwa kyokusambwa kinga vihaanwa vyemirembe kuva vihaanwa vyokuhaana ku Yahova vyobuyanzi, mulala a la mwigulira kirihwa kyevugwe; naye a la lomba kihaanwa kikye kyokusambwa nevihaanwa vivye vyemirembe, kuli a kolanga ku lidiku lyelisabato: hene yaho a la twula; na inyima welitwula lilye mundu mulala a la haana kiribwa.
13Na ive u la lomba mwana weligondi mulala womuhiga mulala mudukiru kuva kihaanwa kyokusambwa kazozo ku Yahova: mugamba na mugamba u ia ki lomba. 14Na u la lomba kihaanwa kyobusie halala nomu ana u eligondi mugamba na mu gamba, kidieli kyevitano na kilala kya efa, na kidieli kyevivaka kya ihin yamaguta, kutsuka halala no busie ubunyuki kihaanwa kyobusie ku Yahova kazozo kuva lilaga lyemihiga nemihiga. 15Ni ndiyo va la lomba mwana weligondi, nekihaanwa kyobusie, namaguta, mugamba na mugamba, kuva kihaanwa kyokusambwa kya kazozo. 16Mwami Nyasaye a vola ndi: Munene na a va na a haana kihaanwa ku mulala ku avana veve, ki veye miyandu gyigye, gyi la va gya avana veve; gyi veye miyandu gyavo gya va hebwa. 17Navutswa na a haana kidieli kyoku miyandu gyigye ku mutumekiri wewe, ki la va kikye kuduka ku muhiga gweliboholola; ma ki lirana ku munene; navutswa ku makuva gemiyandu gyigye gyi la va gyavayai veve.
18Kandi munene a la vula kuvugula ku miyandu gyavandu, kuvasindika nokuvatwulidza mu miyandu gyavo; a la ha avayai veve miyandu mu vindu vivye mwene, avandu vange va vule kusalanywa sa mulala kutwula mu miyandu gyigye. 19Hene yaho ya mbitidza mu bwingiriru, bwa li haluvega lwekiribwa, nokumbika mu vigodola vitakatifu vyavasalisi, vi henza ku luvega lwa kasikasini: kandi, henza, bwa li ho ubugono ku luvega lwentangu lu henza madioli. 20Na ya mbolera, Hano na ha bugono bwavasalisi va la deka kihaanwa kyamahyolo nekihaanwa kyobwoni, na ha vominya kihaanwa kyobusie; va ta vi leta kyova mmugidzi gwekyova, kutakasa avandu.
21Ma ya ndeta mmugidzi gwekyova, na ya mbitidza ahimbi netsikona tsine tsyomugidzi; na, henza, mu ikona sa indala yomugidzi gwa li ho mugidzi mukekeke. 22Mu tsikona tsine tsyomugidzi twa li ho utugidzi tukekeke twebwa ulugaga, ubutambi bwalwo bwa li ligera lyamakono makumi gane, nobugalamu bwalwo ligera lyamakono makumi gavaka: utugidzi tune mu tsikona twa li twekigero kilala. 23Kandi lwa li ho luvaso lwe lyombaka lwa vodonkana tsimbega tsyosi mugati mwalwo, lwa kurnbiridza tugidzi tune, na ha lombwa amahiga isi wetsimbaso tsimbega tsyosi. 24Ma ya mbolera, Yitsi netsinyumba tsyokudekera mu, tsya vatumekiri venyumba va dekera mu vihaanwa vyavandu.
Currently Selected:
Ezekieli 46: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
