Ezekieli 40
40
1Mu muhiga gwa makumi gaviri na gyitano gwelyadikidzwa lyetu, mu litanga lyomuhiga, ku lidiku lyelikumi lyomweli, mu muhiga gwelikumi na gyine kutwula ku likuywa lyelidala, ku lidiku zana yilyo, mukono gwa Yahova gwa li ku inze, na ya mbila nokundeta yo. 2Mu malola ga Nyasaye ya ndeta mu kivala kya Israeli, nokunsingeridza mu kigulu kitambi ligali, ikya li mu nelyombakwa lyelidala ku luvega lwa kusini. 3Na ya ndeta yo; na, henza, ya li ho mundu musatsa, wa lifwana lilye lya li kuli lifwana lyomugasa, naye ya li nomugoye gwekatani mmu kono gwigwe, nekidundu kyokugera; na ya singira mu kiribwa. 4Na mundu zana ya mbolera, Ive mwana womundu, henza netsimoni tsitsyo, hulira na amatu gogo, na u vike mwoyo gugwo ku yaga gosi aga ndi ku mannya; kigira ive wa letwa hano nduke kukumannya yaga: wilwadze gosi aga u lola ku inyumba ya Israeli.
5Na, henza, lya li ho lidigi kyova wenyumba tsimbega tsyosi, na mmukono gwomundu zana ya li nekidundu kyokugera kyobutambi bwakyo bwa li ligera lyamakono gatano na mulala mukono sa mulala na kigalo: ma ya gera ubuliduhu bwelyombakwa, kidundu kilala; na ubudiguluku bwalyo, kidundu kilala. 6Ma ya duka ku kiribwa ki henza ivugwe, nokunina ku vikaa vyakyo: na ya gera mukingi gwekiribwa, ubugalamu bwagwo bwa li kidundu kilala: na mukingi gundi ubugalamu bwagwo bwa li kidundu kilala. 7Na vigodola vyo tuyumba twavalindi sa kilala kya li nobutambi bwekidundu kilala, na ubugalamu kidundu kilala; na ubwiyangu bwa li hagati hotuyumba zana bwa li ligera lyamakono gatano; na mukingi gwekiribwa kya li ahimbi nolusimbu lwe kiribwa ku luvega lu henza ku inyu mba gwa li kidundu kilala. 8Kandi ya gera lusimbu lwekiribwa ku luvega lu henza ku inyumba, kidundu kilala. 9Ma ya gera lusimbu lwekiribwa, ligera lyamakono gatano na gavaka; na vigutu vyakyo, ligera lyamakono gayiri; na lusimbu lwekiribwa lwa henza ku inyumba. 10Na vigodola vyavalindi vyekiribwa ku luvega lwevugwe vya li vivaka ku luvega yilu, na vivaka ku luvega lundi; vyosi vivaka vya li nekigero kilala: na vigutu vya li nekigero kilala ku luvega yilu noku luvega lundi. 11Na ya gera ubugalamu bwobwiyangu bwekiribwa, ligera lyamakono likumi; na ubuta mbi bwekiribwa, ligera lyamakono likumi na gavaka; 12na imbiri wevigodola vyavalindi ha li na lukigiti lwe, ligera lyomukono ku luvega yilu, na lukigiti lwe ligera lyomukono mulala ku luvega yilwo; na vigodola vyavalindi, ligera lyamakono gatano na mulala ku luvega yilu, na ligera lyamakono gatano na mulala ku luvega yilwo. 13Na ya gera kiribwa kutwula ku ligama lyekigodola kilala kyavalindi kuduka ku ligama lye kindi, ubugalamu bweligera lyamakono makumi gaviri na gatano; mmuliango gu henzana na muliango. 14Na ya lomba vigutu vyeligera lyamakono makumi gatano na lilala; na mugidzi gwa duka ku vigutu kukumbiridza kiribwa. 15Na kutwula ha imbiri hekiribwa ha bwingiriru, ha imbiri holusimbu lwomugati mwekiribwa, ha li nobwiyangu bweligera lyamakono makumi gatano. 16Na vigodola vyavalindi vya li namadirisha ga hanwa, noku vigutu vyakyo ku luvega lwomugati lwekiribwa tsi mbega tsyosi, noku magwalo gavyo kandi; na madirisha ga li ku luvega lwomugati tsimbega tsyosi; na ha li na makindu ku kigutu sa kilala.
17Ma ya mbila kuduka mu mugidzi gwekyova; na, henza, vya li ho vigodola na lyaalwa lyamagina, lya lomberwa umugidzi hosi: na vya li ho vigodola makumi gavaka ku lyaalwa lyamagina. 18Na lyaalwa lya li mbalu mweviribwa, lya leng'ana ubutambi bwalyo nobutambi bwekiribwa, lyaalwa lya hasi. 19Ma ya gera ubugalamu kutwula ku luvega lwembiri womigidzi lwomugati ku luvega lwekyova, ligera lya makono mia, ku luvega lwevugwe, noku luvega lwa kasikasini. 20Na kiribwa kyomugidzi gwe kyova kyelihenza li veye kasikasini, ya gu gera ubutambi bwagwo na ubugalamu bwagwo. 21Na vigodola vyagwo vyavalindi vya li vivaka ku luvega yilu na vivaka ku luvega yilwo; na vigutu vyagwo na magwalo gagwo ga leng'ana nekigero kyekiri bwa kyokutanga: ubutambi bwa li ligera lyamakono makumi gatano, na ubugalamu bwa li ligera lyamakono makumi gaviri na gatano. 22Madirisha gavyo, na magwalo gavyo, na makindu gavyo, vya leng'ana nekigero kyekiribwa kyelihenza lyakyo li veye ivugwe; na vanegira kukyo ku vikaa vitano na viviri; na magwalo gakyo ga li imbiri wavyo. 23Na ha li nekiribwa kyomugidzi gwomugati ki henzana nekiribwa kindi, ku luvega lwa kasikasini noku luvega lwevugwe; naye ya gera kutwula ku kiribwa kuduka ku kiribwa, ligera lyamakono mia.
24Na ya ndeta ku luvega lwa kusini; na, henza, kya li ho kiribwa ku luvega lwa kusini: na ya gera vigutu vyakyo na magwalo gakyo kuli ligera yili. 25Na ga li ho madi risha mukyo nomu magwalo gakyo hosi, kuli madirisha yago: ubutambi bwakyo bwa li ligera lyamakono makumi gatano, na ubugalamu bwakyo bwa li ligera lyamakono makumi ga viri na gatano. 26Na ha li ne vikaa vitano na viviri kunina kukyo, na magwalo gakyo ga li imbiri wakyo; na kya li na makindu, lilala ku luvega yilu na lindi ku luvega yilwo, ku vigutu vyakyo. 27Na mugidzi gwomugati gwa li nekiribwa kyagwo ku luvega lwa kusini: naye ya gera kutwula ku kiribwa kilala kuduka ku kiribwa kindi ku luvega lwa kusini ligera lyamakono mia.
28Ma ya ndeta kuduka mmugidzi gwomugati gu veye ahimbi ku kiribwa kya kusini: na a gera kiribwa kya kusini, kuli ligera yili; 29na vigodola vyavalindi vyakyo, na vigutu vyakyo, na magwalo gakyo, kuli ligera yili: na kya li namadirisha mukyo, nomu magwalo gakyo tsimbega tsyosi; butambi bwakyo bwa li ligera lyamakono makumi gatano, na bugalamu bwakyo ligera lyamakono makumi gaviri na gatano. 30Nakyo kya li namagwalo kukumbiridza tsimbega tsyosi, butambi bwago bwa li ligera lyamakono makumi gaviri na gatano, na ubugalamu bwago bwa li ligera lyamakono gatano. 31Na magwalo gakyo ga li ku luvega lwo mugidzi gwekyova; na makindu ga li ku vigutu vyakyo: na linina lyakyo lya li nevikaa vitano na vibaka. 32Na ya ndeta mu mugidzi gwomugati gu henza ku luvega lwevugwe: naye ya gera kiribwa kuli ligera yili; 33Na vigodola vyavalindi vyakyo, na vigutu vyakyo, na magwalo gakyo, kuli ligera yili: nakyo kya li namadirisha mukyo nomu magwalo gakyo hosi; butambi bwakyo bwa li ligera lyamakono makumi gatano, na bugalamu bwakyo bwa li ligera lyamakono makumi gaviri na gatano. 34Na magwalo gakyo ga henza ku luvega lwomugidzi gwekyova; na makindu ga li ku vigutu vyakyo, ku luvega yilu nomu luvega yilwo: na linina lyakyo lya li nevikaa vitano na vivaka.
35Na ya ndeta kuduka ku kiribwa ki henza ku luvega lwa kasikasini: na ya ki gera kuli ligera yili; 36vigodola vyakyo vyavalindi, na vigutu vyakyo, na magwalo gakyo: nakyo kya li namadirisha mukyo hosi; buta mbi bwakyo bwa li ligera lyamakono makumi gatano, na bugalamu bwakyo ligera lyamakono makumi gaviri na gatano. 37Na vigutu vyakyo vya nenza ku luvega lwomugidzi gwekyova; na makindu ga li ku vigutu vyakyo, ku luvega yilu, noku luvega yilwo: na linina lyakyo lya li nevikaa vitano na vivaka.
38Na kigodola na kiliango kyakyo kya li himbi ne vigutu vyeviribwa; ha zana vogidzira kihaanwa kyokusambwa. 39Na mu lusimbu lwekiribwa tsya li ho tsimeza tsiviri ku luvega yilu, na tsimeza tsiviri ku lundi tsyokwiitira ku kihaanwa kyokusambwa, na kihaanwa kyobwoni, na kihaanwa kyamahvolo. 40Kandi ku luvega lwekyova, ku buniniru bwo bwingiriru bwekiribwa ku luvega lwa kasikasini, tsya li ho tsimeza tsiviri; noku luvega lundi lwolusimbu lweki ribwa, tsya li ho tsimeza tsiviri. 41Tsimeza tsine tsya li ku luvega yilu, na tsimeza tsine tsya li ku luvega lundi ahimbi nekiribwa; tsimeza tsitano na tsivaka tsya viitira ku vihaanwa. 42Na tsya li ho tsimeza tsine tsyekihaanwa kyokusambwa, tsya li tsyamagina ga vadzwa, ubutambi bwatsyo bwa li ligera lyomukono mulala ne inusu, na ubugalamu bwatsyo bwa li ligera lyomukono mulala ne inusu, na budiguluku bwatsyo bwa li ligera lyomukono mulala; ku tsyo va vika mibano gya va tumekira kwiita kihaanwa kyokusambwa na kihaanwa kindi. 43Na tsinzago tsyobutambi bwekigalo kilala, tsya kupirwa mukyo hosi: na tsinyama tsyekihaanwa tsya li ku tsimeza zana.
44Kandi ku luvega lwekyova lwekiribwa kyomugati, vya li ho vigodola vya avokwimba avomugidzi gwomugati, gwa li ku luvega lwekiribwa kyoluvega lwa kasikasini; na lihenza lyavyo lya henza kusini; kilala kya li ahimbi nekiribwa kyevugwe lihenza lyakyo lya henza kasikasini. 45Naye ya mbolera, Kigodola yiki ki henza ku luvega lwa kusini, ki veye kyavasalisi, ava lindanga inyu mba; 46na kigodola kya henzanga ku luvega lwa kasikasini ki veye kyavasalisi, ava lindanga ubwali: yava navana va Zadoku, ava li ku avana va Levi, avesunda himbi ku Yahova kumutumekira. 47Naye ya gera mugidzi ubutambi bwagwo bwa li ligera lyamakono mia, na bugalamu bweligera lyamakono mia, gwa li mu leng'anu; na ubwali bwa henza ku inyumba.
48Ma ya ndeta kuduka ku lusimbu lwenyumba, na ya gera vigutu vyolusimbu sa kilala, ligera lyamakono gatano ku luvega yilu, na ligera lyamakono gatano ku luvega yilwo: na ubugalamu bwekiribwa bwa li ligera lyamakono gavaka ku luvega yilu, na makono gavaka ku luvega yilwo. 49Ubutambi bwolusimbu bwa li ligera lyamakono makumi gaviri, na ubugalamu bwalwo bwa li ligera lyamakono likumi na mulala; ku vikaa vya va niniranga ku: kandi tsya li ho tsitiru ahimbi ku vigutu, indala ku luvega yilu, na yindi ku luvega yilwo.
Currently Selected:
Ezekieli 40: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
