Ezekieli 30
30
1Na likuva lya Yahova lya duka ku inze kandi, kuvola, 2Ive mwana womundu, profeta, u vole, Mwami Nyasaye a vola ndi: Mu kupe tsikwili, O bayaye ku lidiku yilyor 3Kigira lidiku yilyo li veye ahimbi lidiku lya Yahova li veye ahimbi; li veye lidiku lyamalesi, i la va inyinga yetsihiri. 4Na kivavi ki la duka ku Egepeti; nelitsunwa li la va ku Ethiopia, lya yavo aviitwa va gwa mu Egepeti; na va la twulidza ubunyingi bwavandu veve, na imise gyigye gyi la sambulwa. 5Ethiopia, na Putu, na Ludu, navandu vosi ava hambana, na Kubu navana vekivala ki veye mu lilagana, va la gwa ku kivavi halala navo.
6Yahova a vola: Yavo vosi ava diranga Egepeti va la gwa; nobwegingiri bwobunyali bwibwe bu lika hasi: kutwula ku kitaladzi kya Sevene va la gwa muye ku kivavi, Mwami Nyasaye a vola. 7Na va la va ha tswa hagati hevivala vi veye hatswa, na madala gege ga la va hagati ha madala ga kolwa vyanyi. 8Na va la manya inze mbeye Yahova, lwa ndiakidza umuliru mu Egepeti, na vosi ava mu konyanga va mali kudiva. 9Ku lidiku yilyo avatumwa va la twula imbiri wange mu amato kutihidza Avaethiopia ava ta li neli ganagana: na ha la va nelitsunwa kuvo kuli ku lidiku lya Egepeti; kigira, henza, lidzanga.
10Mwami Nyasaye a vola ndi: Kandi nda heridza ubunyingi bwavandu va Egepeti, nomukono gwa Ne bukadirezaru, mwami wa Babuloni. 11Uyu navandu veve halala, avatihidzi vetsihiri, va la letwa vingire kwononnya kivala; na va la somola vivavi vyavo va lwane na Egepeti, na va lizulitsa kivala aviitwa. 12Na nda kaminya migera, nokugulidza kivala ki ve mu makono gavandu vadamano; nda kola kivala hatswa, na vosi ava veye mukyo na makono ga vageni: inze, Yahova mmali kuvola likuva yili.
13Mwami Nyasaye a vola ndi: Nda dividza vifwananyi vyavo, na nda heridza vifwananyi vya vutswa mu Nofu; a la vula kunyoleka munene u twulanga mu kivala kya Egepeti: nda vika ubutii mu kivala kya Egepeti. 14Na nda kola Pathrosi kuva hatswa, na ndiakidza umuliru mu Zoan, nokukola likalaga mu No. 15Na nda tsuka ubutima bwange mu Sini, impinga ya Egepeti, na nda twulidza ubunyingi bwavandu va No. 16Na ndiakidza muliru mu Egepeti, Sini i la va mu litsunwa linene, na No li la donnywa vidonye; na Nofu li la va navadambidzi mu inyinga yombasu. 17Avasoleli va Aven na Pibesethu va la gwa ku kivavi: na madala yaga ga la tsia mbutugwa. 18Ha Tahafenesi kandi ubulavu bu la gwa kisundi, lwa ndi vunannya tsinira tsya Egepeti, nobwegingiri bwobunyali bwibwe bu la hera muye: mu makuva gege, lilesi li la mu ku nika, na avakana veve va la tsia mu butugwa. 19Ni ndiyo ndi kalaga mu Egepeti: na va la manya inze mbeye Yahova.
20Kandi ga duka mu muhiga gwe likumi na mulala, ku mweli gwokutanga, ku lidiku lya gatano na gaviri lyomweli, likuva lya Yahova lya duka ku inze, kuvola, 21Ive mwana womundu, mmali kuvunannya mukono gwa Farao mwami wa Egepeti; henza, gu vuli kubohererwa, nokuvikwa ku tsinyasi tsyokuhonnya, gu vuli kunazwa nekitambaya, gu duke kuva netsingulu tsyokugumira kivavi. 22Kigira yaga Mwami Nyasaye a vola: Henza, inze mbeye musigu ku Farao mwami wa Egepeti, nda vuna nnya amakono gege, agetsingulu, nogwa li ni gwa vunannywa; nda kola kivavi kunozoka mmukono gwigwe. 23Na nda salannya Avaegepeti hagati hetsihiri, nokuvasalannya mu vivala ihale ne inale. 24Na nda vika tsingulu ku makono gomwami wa Babuloni, nda vika kivavi kyange mmukono gwigwe: navutswa amakono ga Farao nda ga vunannya, naye a la kenya imbiri wewe, likenya lyomundu watiywi ulugoma lwokwiita. 25Nda dira amakono gomwami wa Babuloni; na amakono ga Farao ga la tonya hasi; na va la manya inze mbeye Yahova, lwa mbika kivavi kyange mmakono gomwami wa Babuloni, naye a la ki nyira ku kivala kya Egepeti. 26Nda salannya Avaegepeti hagati he tsihiri, nokuvasalannya mu vivala ihale ne ihale; na va la manya inze mbeye Yahova.
Currently Selected:
Ezekieli 30: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
