Ezekieli 27
27
1Likuva lya Yahova lya duka ku inze kandi, kuvola, 2Na ive, mwana womundu, u syomere Turo; 3u volere Turo, O ive wa menyanga ha bwingiriru bwenyanza, ive u veye mukoli welikirannya lyavandu kuduka visulu vinyingi, Mwami Nyasaye a ku volera ndi: Ive, Turo, u voye, Inze mbeye mudukiru wobulahi. 4Tsinzako tsitsyo tsi veye hagati homwoyo gwenyanza; avombaki vovo va mali kudukidza ubulahi bubwo. 5Tsimbao tsitsyo tsyosi va tsi lomba nemisala gyemiberosi gyoku Seniru, va vugula mutaragwa ha Lebanon kukulombera mulage gwengu bo yeliato. 6Va lomba vivango vyobwato vivyo vyemisala gya Bashan; na vyokwikala vivyo va vi lomba na amino genzogu, ga twulanga mu ki sulu lya Kitim. 7Na ingubo yokugendidza yoyo ya li yekatani indahi yobung'olang'ole i twulanga Egepeti, i duke kuva ibendera ku ive; iblue nekiforosadi vi twulanga mu visulu vya Elisha lya li tsyokwe'inga kikyo. 8Ava menyanga Sidone na Arivadi nivo avaluganga amato gogo: avandu vovo avobugeeri, Ive Turo, va li mu ive, nivo ava li avimiriri vovo. 9Avasakulu va Gebali navandu veve avobugeeri va li mu ive avokuhomera ihula: amato gosi genyanza halala na avonyanza vago va li mu ive kutumekira vyokukirannya vivyo. 10Avanda ua Persia, na Ludi, na Putu, va veye avandu vovo avelihe avandu vovo vobulwani: va sunga ingavo nekigudu mu ive; va lolekidza ligondo lilahi lilyo. 11Avasatsa va Arivadi halala nelihe lilyo va li ku madigi gogo tsimbega tsyosi, avaluviriri va li ku vitaladzi vivyo; va sunga tsingavo tsyavo ku madigi gogo tsimbega tsyosi; va dukidzi ubulahi bubwo.
12Tarshishi ya li mukirannyi wowo kigira ubunyingi bwobutugi bwetsing'ano netsing'ano: va kola vyokukirannya ku ifetha, na kivya, na libang'a, na lisasi, kunyola vindu vivyo vya gulidzwa. 13Javan, na Tubali, na Mesheki, yavo va li avakirannyi vovo: va gulidza mibiri gyavandu, neviju vyomugasa kuva vyokukira nnya vivyo. 14Yavo avenyumba ya Togarima va leta tsiparasi, na tsiparasi tsyobulwani, na tsinyumba kunyola viju vivyo vyokugulidzwa. 15Avandu va Dedan va li avakira nnyi vovo; visulu vinyingi vya li kitu kyomukono gugwo: va ku letera ami no getsinzogu nomuhaya kukirannya. 16Siria ya li mukirannyi wevindu vivyo kigira bunyingi bwevindu vivyo bwobusidza bwamakono gogo ga lomba: va leta amagina ga zumaradi, na kiforosadi, na tsingubo tsyobung'olang'ole, na katani indahi, na vigege vyomunyanza vyakanyu, na amagina makanyu kugula vindu vivyo. 17Yuda, na kivala kya Israeli va li avakirannyi vovo: va leta ingano ya Minithu, na vibagaga, na ubwuki, na amaguta, na ubani. 18Damasko ya li mukirannyi wowo kigira bunyingi bwevindu vivyo vyobusidza bwomukono gugwo gwa lomba, kigira ubu tugi tsing'ano netsing'ano; halala na waini ya Helibona, na bwoya bwama gondi bulavu. 19Vedan na Javan va leta ubugongo kugula vindu vivyo: kivya kya tulwa, na kida, na omudalasini, vya li mu vyokukirannya vivyo. 20Dedan ya li mukirannyi wowo wetsingubo tsyobuguli budinyu tsyokuninira ku iparasi. 21Arabia, na avanene vosi Vakedari, va li avakirannyi vomukono gugwo; mu vana va magondi, na amagondi makole, na tsimbuli, va li vakirannyi vovo mu vivyo. 22Avakirannyi va Sheba na Raama, va li avakirannyi vovo; va leta vyafunyanga muhomo mulahi kuvita vyosi, na amagina gobuguli bu dinyu ku tsing'ano tsyosi, nethahabu, kugula vindu vivyo. 23Harani na Kane, na Edeni, avakirannyi va Sheba, na Ashuru na Kilimadi, va li avakirannyi vovo. 24Yavo va li avakirannyi vovo mu viju vya li vi tovole, mu tsingubo tsyokwiyuhira tsyeblue netsingubo tsing'olang'ole, namasanduku getsingubo tsyobuku mi, aga bofwa nemigoye, nokulombwa nemisala gyemitaragwa, mu vyokukirannya vivyo. 25Amato ga Tarshishi ga li avagingi vokuginga vyokukirannya vivyo: na vizula du nokukuminywa ligali mu mwoyo gwenyanza.
26Avalugi vovo vamato va ku leta mu amadzi manene: imbuudza yevugwe i mali kukuvunanyira mu mwoyo gwenyanza. 27Ubutugi bubwo, neviju vivyo, nevyokukirannya vivyo, navo avenyanza vovo, navimiriri vo vo, navahomi vovo, na ava tumekiranga mu vyokukirannya vivyo, navandu vovo velihe vosi, ava veye hagati hoho, halala ne lihe lilyo lyosi li veye mu ive, va la gwa mu mwoyo gwetsinyanza mu lidiku lyelidiva lilyo. 28Tsisoma tsitsyo tsi la degera ku lwanga lwelilira lyavimiriri vovo. 29Navo ava tumekira kivango, avenyanza, navimiriri vosi vomunyanza va lika kutwula mu mato gavo; va la singira mkivala kyumu, 30na va la kola myoyo gyavo gyi hulirwe ku ive, na va la lira nobululu, nokweyuhira ulugukyi ku mitwe gyavo; va la galagala mu ligoke: 31va lekola avene avevyole kigira ive, no kweboha tsingubo tsyamagunia mu vikenge, nokukulirira nobululu bwomwoyo nelisyomalyobululu. 32Na mu lilira lyavo va la syomera ive, ni va vola, Ni bwaha u veye kuli Turo, kuli uyu wa kiring'anywa hagati he nyanza? 33Lwa viju vivyo vya twula mu inyanza, lwa wizulitsa avandu vanyingi; wa kola avatugi yavo avami velirova ku bunyingi bwobutugi bubwo nevyokukirannya vivyo. 34Inyinga inyanza ya ku vunannya mu luliva lwa madzi manyingi, vyokukirannya vivyo nelihe lilyo vyosi vya gwa hagati hoho. 35Avamenyi mu visulu vosi va genya kigira ive navami vavo va tia ligali; va veye nekivi mu ligondo lyavo. 36Avakirannyi hagati ha vandu va ku ku nukiranga: u gwiye litihidza, na si u la va ho kandi mihiga nemihiga mba.
Currently Selected:
Ezekieli 27: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
