Ezekieli 21
21
1Na likuva lya Yahova lya duka ku inze, kuvola, 2Ive mwana womundu, u henzidze mmoni mumwo ku luvega lwa Yerusalemi, u tsome likuva lilyo ku luvega lwa hatakatifu, u profete ku kivala kya Israeli; 3u volere kivala kya Israeli, Yahova a vola ndi: Henza, mbeye umusigu ku ive, na nda somola kivavi kyange mu Iwula, nda twulidza ku ive avalungi navadamano. 4Kunangwa ki gira nda twulidza ku ive valungi navadamano, kigira yaga kivavi kya nge ki la somoka mu Iwula lwakyo ki ve ku vemibiri vosi kutwula kusini kuduka kasikasini: 5navemibiri vosi va la manya inze, Yahova, nsomoye kivavi kyange; si ki lirana kandi mba. 6Kunangwa kigira yaga u kenye, ive mwana womundu; ku livunika lyekikenge kikyo nelitsunwa u la kenya imbiri wetsimoni tsyavo. 7Na ga la va, lwa va ku teva, Kigira ki u kenyanga? Hene yaho u la va volera, Kigira amakuva, kigira gadzanga, nomwoyo sa mulala gu la yenguka, namakono gosi ga la va madedekere, na roho sa mulala gu la kudza, na masigamo gosi ga la va madedekere kuli amadzi: henza, gadzanga, na ga la kolwa, Mwami Nyasaye a vola.
8Likuva lya Yahova lya duka ku inze kuvola, 9Ive mwana womundu profeta, u vole, Yahova a vola: Vola, Ni kivavi, ni kivavi, ki hyagaywi, kandi ki siyeywi; 10ki hyagaywi ki kole ubwiiti; ki siyeywi ki duke kuva kuli luheni: kunangwa ga ku dukira ku sangale? Impimbo yomwana wange, i suye misala gyosi. 11Na i haaneywi i duke kusiywa, i duke kutumekirwa: kivavi ki hyagaywi, yee, ki siyeywi, kuhaanwa mmukono gwomwiiti. 12U lire u kupe tsikwili, ive mwana womundu; kigira kivavi ki veye ku avandu vange, ki veye ku avanene vosi va Israeli: va haaneywi va ve avekivavi halala navandu vange, kunangwa wekong'onde kwitango. 13Kigira ha veye neligeridzwa; ga la va ndi ni i va kali impimbo ya sula i la vula kuva ho kandi? Mwami Nyasaye a vola. 14Kunangwa, ive mwana womundu, profeta, u kong'onde amakono; kivavi ki medwe hali kaviri hali kavaka, kivavi kya yavo avaatswa tsing'oma tsyokuviita; nekivavi kyomulala munene waatwa tsing'oma tsyokumwiita, kingiranga mu vigodola vyavo. 15Mmali kuvika isonga yekivavi imbiri weviribwa vyavo vyosi, myoyo gyavo gyi duke ku yenguka, lyekigitala lyavo li medeke: O ki koleywi kuva kuli uluheni, ki vikeywi isonga ki duke kwiita. 16Mu vunge halala, mu tsie ku luvega lwomukono mulungi, mwetegeke, mu tsie ku luvega lwomukono mmosi, wommoni mumwo mu henza. 17Inze kandi nda kong'onda amakono gange, na ndigutidza ubutima bwange: Inze, Yahova mboye likuva yili.
18Kandi likuva lya Yahova lya duka ku inze kandi, kuvola, 19Kandi ive, mwana womundu, welombere tsinzira tsiviri, kivavi kyomwami wa Babuloni ki duke kuudza; vombi va la twula mu kivala kilala: na u teme ulutala hango, u la teme ha mutwe gwenzira yelidala. 20U la laga inzira, kivavi ki duke Raba lyavana va Amon, kandi ku Yuda mu Yerusalemi lyetsingaga. 21Kigira mwami wa Babuloni ya singira ha bwavukaniru bwetsinzira, ha mutwe gwetsinzira tsiviri, kutumekira ubusegetiri bwibwe: ya sung'usa mibano yiyi neyiyi, na a teva ku vifwananyi, ya henza ku likudumani. 22Mu mu kono gwigwe mulungi ya li nobusegetiri bwa Yerusalemi, kuvika vindu vyokusambula, kukunula munwa mu liita, nokuginga mwoyo mu lihanzuka, kuvika vindu vyokusambula imbiri weviribwa, kukola vitumi, kwombaka tsimpinga. 23Inkuva yiyi i la va kuvo kuli busegetiri bwa vutswa imbiri wetsimoni tsyavo, ava visuhira; navutswa a la leta ubudamano bwidzulirwe, va duke kugumirwa.
24Kigira yaga Mwami Nyasaye a vola ndi: Kigira mwinye mwa kola ubudamano bwenyu bwidzulirwe, kuli ndiyo mahyolo genyu ga lang'aminywa, kali ga duki kuva, mu vikolwa vyenyu vyosi ubwoni bwenyu bu loleki; kigira mwinye mwidzulidzeywi, mu la gumirwa nomukono. 25Ive, mudamano watwa tsing'oma tsyokwiita, munene wa Israeli, welidiku lilye li duki, ku inyinga yobudamano bwekiheri; 26Mwami Nyasaye a vola: Twulidza igudwa, navula itaji; yivi si vi la va kuli vya li kandi mba; ginga ki veye hasi, yikidza kyeginga. 27Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu. 28Na ive, mwana womundu, profeta, u vole, Mwami Nyasaye a vola ndi ku makuva gavana va Amon, noku makuva gelinyega lyavo; u vole Kivavi, kivavi ki somoywi, ki siyeywi kigira ubwiiti ki dukidzwe kulia ligali, ki ve kuli oluheni; 29hali kanyingi va mu lolera malola ga vutswa, hali kanyingi va segitiranga ku ive ububehi, kukwalira mmagoti gavadamano avatwa tsing'oma tsyokuviita, avelidiku lyavo li duki ku inyinga yobudamano bwekiheri. 30U kiranye mu Iwula lwakyo, Ha va lomberwa, mu kivala kya wivulwa mu, ha zana ni ho ha ndi ku kalagira. 31Nda tsuka ubutima bwange ku ive; nda ku huudza ku ive nomuliru gwobutima bwange; nda ku vika mu mukono gwavandu va veye kuli tsinyama, avasidza vokudividza. 32U la va tsinku ku muliru; masahi gogo ga la va hagati hekivala yikyo; u la vula kwidzulitswa kandi; kigira inze Yahova mboye likuva yili.
Currently Selected:
Ezekieli 21: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
