Ezekieli 2
2
1Naye ya mbolera, Ive mwana womundu, u singire nevirenge vivyo, na nda volerana nive. 2Na lwa ya volera inze, Roho yingira mu inze, nokunsingeridza nevirenge vya nge; na nda hulira uyu wa volera inze. 3Na ya mbolera, Ive mwana womundu, inze nku tumanga u tsie ku avana va Israeli, ku tsihiri tsyebaala, tsyebaala ku inze; yava na vaguga vavo va hyola ku inze kuduka lidiku lya lero. 4Navana avommoni mu ta li netsisoni navemyoyo midinyu: nku tumanga u tsie ku vandu yava; na u la va volera, Mwami Nyasaye a vola ndi. 5Yavo kandi ni i va va la hulira, naho ni i va si va la hulira (kigira yavo va veye inyumba yebaala), navutswa va la manya ya li ho muprofeti hagati havo. 6Na ive, mwana womundu, u ta tia avandu yavo mba, kandi u ta tia amakuva gavo mba, kali amafwa nolutavati ni vi veye halala nive, na ive u menya nga hagati ha tsing'e: u ta tia amakuva gavo, kandi u ta timuka enkola kigira lifwana lyavo, kali ni va veye inyumba yebaala. 7U la va volera makuva gange, ni i va va la hulira, kinga ni i va si va la hulira: kigira va veye nobwebaali ubunene.
8Navutswa ive, mwana womundu, hulira likuva lya nku volera; u ta va mwebaali, kuli inyumba yeyo yebaala: kunula munwa gugwo, u lie kya nku ha. 9Lwa mbenza, henza, mukono gwa nyirwa ku inze: kandi henza, lilingwa lyekitabu kya gumirwa nomukono zana; 10naye ya ki kunula imbiri wange; nakyo kya ng'odwa musi negulu; na ga ng'odwa mukyo lisyoma nobuverereri neli.
Currently Selected:
Ezekieli 2: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
