Esther 5
5
1Kunangwa ku lidiku lya kavaka, Esther yevika tsingubo tsitsye tsyobwami, na a singira mu mugidzi gwomugati gwenyumba yomwami, hi mbi nenyumba yomwami: na mwami yikala ku intebe yeye yobwami mu inyumba yobwami, himbi na ho kwingira henyumba. 2Hene yaho mwami lwa ya lola Esther mukali wewe u singiye mmugidzi, ya verwa imbiri wewe; na mwami ya sona Esther nempimbo yethahabu yo bwami ya li mmukono gwigwe. Ma Esther yesunda himbi na a dira isonga yempimbo yobwami. 3Na mwami ya mu teva, Wenya ki, Esther mukali womwami? Wenya kuteva ki? U la hebwa kali ni i va inusu yobwami. 4Na Esther ya vola, Ive mwami nu u va nu u yanza, ive mwami na Haman muudze lero ku lilia lya nombeye uyu mwami.
5Kunangwa mwami ya vola, Mu tsuve Hnman, a kole bwangu, ga kolwe kuli Esther a voye. Kunangwa mwami na Haman va tsia ku lilia lya Esther ya lomba. 6Na mu lilia lyewaini, mwami yn teva Esther, Lyenya lilyo li veye ki? Na u la hebwa: na liteva lilyo li veye ki? Kali kuduka ku inusu yobwami, li la kolwa. 7Kunangwa Esther ya ti vula, na a vola, Lyenya lyange neli teva lyange ni yili: 8Inze ni mba ni nyoye liveru a imbiri womwami, kandi ive mwami nu u va nu u yanza kumbugirira likuva lya nsaala, noku ndukidzira lyenya lyange, mwami na Haman muudze ku lilia lya nda mu lombera, na mugamba nda kola kuli mwami a voye.
9Kunangwa Haman ya twula lidiku yilyo nobusangali neliyanza mmwoyo gwigwe: navutswa Haman lwa ya lola Mordekai mu kiribwa kyomwami, na a vuli kusingira, kinga kumwesundira, yizula ubutima ku Mordekai.
10Navutswa Haman yegaya mwene, na a tsia yengo; na ya tuma kulanga avalina veve na Zereshu mukali wewe. 11Na Haman ya va volera ubukumi bwobutugi bwibwe, nobunyingi bwa avana veve na makuva gevindu vyosi vyomwami ya mu nenehidza kuvyo, kandi kuli mwami ya mu ha ubunene kuvita avanene na vatumekiri vomwami. 12Kuvita yaga Haman ya vola, Yee Esther mukali womwami, si ya bugi rira musatsa ku vosi kwingira halala nomwami mu lilia lya ya lomba, na a ta li inze tsyeng'ine: kandi a nanga kuudza mugamba halala nomwami. 13Navutswa yaga gosi si ga nkonya kindu, inyinga ndola Mordekai Mu yuda ni yikaye mu kiribwa kyomwami. 14Ma Zereshu mukali wewe, na avalina veve vosi va mu volera, Gu lombwe mwinuya gwoku sunga gweligera lya makono makumi gatano ubutambi bwagwo, na mu gamba u volerane nomwami, Morde kai a sungwe ku mwinuya: ma ive wingire mu lilia nobusangali halala nomwami. Na likuva yili lya yanzidza Haman; na ya laga musala gu lombwe.
©Bible Society of Kenya, 1967