Vafeso 1
1
1Paulo, mutumwa wa Kristo Yesu ku bulaliri bwa Nyasaye, ibaruua yange yiyi i duke ku vatakatifu ava veye mu Efeso, kandi ku avasuuvirifu mu Kristo Yesu; 2Tsimbabasi tsi ve ku mwinye nemirembe gyi twulanga ku Nyasaye Dada wetu, noku Mwami Yesu Kristo.
3Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo: 4kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi. 5Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe, 6kuduka ku lidzominya lyobukumi bwetsimbabasi tsitsye, tsya ya ku kululira mu Muyanze 7muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye, 8tsya ya kola tsinyingi kukira ku kwinye mu bugeeri bwosi nelimanya. 9Na a ku mannya agaviswa gobulaliri bwibwe, kuli liyanza lilye lilahi lya ya saavira muye, 10kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola. 11Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe; 12ku duke kuva lidzominya lyobukumi bwibwe, kwinye ava kwa tanga kusuuvira Kristo. 13Muye mwinye kandi, lwa mu mali kuhulira likuva lyeligali, nalyo nevangeli yobuhonnyi bwenyu, lwa mwa mala kumusuuvira mwa vikwa muhuri gwa Roho Mutakatifu welisuuviridza, 14uyu niye hihambiriru kyemiyandu gyetu, kuduka ku litungira lyobwamehi bwibwe mwene, kuduka ku lidzominya lyobukumi bwibwe.
15Kigira yaga, inze kandi, lwa nda hulira lisuuvira lyenyu lya mu veye nalyo ku Mwami Yesu, kandi ubuyanzi bwa mu veye nabwo ku vatakatifu vosi, 16si ndeki kusantidza kigira mwinye, kandi nokumutala mu lisaala lyange. 17Nyasaye wo Mwami wetu Yesu Kristo u veye Dada wobukumi, a he mwinye roho gwobugeeri nogwelivuula lyokumumanya; 18tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu, 19kandi lugano lwobunene kuvita bwetsingulu tsitsye ku kwinye ava suuviri, kuli likola lyobunene bwetsingulu tsitsye, 20lya ya kola ku Kristo, lwa ya mu simugukidza kutwula mu vakudzu, nokumwikalidza ku mukono mulungi gwigwe migulu, 21igulu wobunene bwosi, neminwa, netsingulu, nelyameha, kandi wameta gosi aga talangwa, si mu li mu tsinyinga yitsi tsyeng'ine navutswa mu tsinyinga tsidzanga kandi. 22Kandi ya vika vindu vyosi isi wevirenge vivye, kandi ya mu haana kuva mutwe ku vindu vyosi ku livugana, 23li veye mubiri gwigwe, nalyo ni lizula lilye wizulitsanga vindu vyosi mu vyosi.
Currently Selected:
Vafeso 1: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
