Vikolwa 28
28
1Lwa kwa hona, hene yaho kwa manya kisulu kya langwa Malita. 2Avayovoyi va ku kolera tsimbabasi tsi ta li tsyamadiku gosi: kigira va lwana muliru, ni va kwi ngiridza kwosi, kigira imbula i kupanga, kandi kigira ubukindu. 3Na Paulo lwa ya mala kutenya lukanya lwetsinku na a tsi vika ku muliru, inzoka ya twula mu tsinku kigira muliru ni i mu luma ku mukono. 4Avayovoyi lwa va lola kindu kidamano kyelera ku mukono gwigwe, va volerana avene, Ligali mundu uyu a veye mwiiti, kali a hona mu inyanza, bulungi si bu mu leka a ve mwoyo. 5Navutswa mwene yuha kindu mu muliru, kandi si ya lola kivi. 6Navutswa va mu henza a la vimba, kinga a la gwa hasi bwangu ndi a la kudza: navutswa lwa va mu henzerera inyinga inene si va lola kivi kuye, va girunkana ni va vola, a veye nyasaye.
7Ahimbi na ha zana ha li nemilimi gyomundu munene wekisulu, wa langwa Publio; naye ya kwingiridza na a ku kola avageni veve madiku gavaka bulahi. 8Kandi ise wa Publio ya li na a lwala uluhuudza nelikengyi: Paulo yingira ha veye na a saala Nyasaye, na a vika makono gege kuye na a mu honnya. 9Yaga lwa ga kolwa, avandi ava li nobu lwaye mu kisulu vadza ni va honnywa: 10navo va kwidzominya nelidzominya linene; kandi lwa kwa tsia va ku manula vindu vya kwenya, ni va vi vika ku bwato.
11Inyima yemveli gyivaka kwa tsia mu bwato bwa Alekisanderia bwa menya mu kisulu inyinga yobukindu, bwa langwa Amwavo Amalongo. 12Kwa duka Surakusa, ni ku menya madiku gavaka. 13Kutwula yaho kwa vodonkana ni ku duka Regio: inyima yelidiku lilala imbuudza yakusini ya huudza, nelidiku li kola gaviri kwa duka Potiolo; 14ha kwa nyola avamitu, navo va kwenya ku menye navo madiku gatanu na gaviri: ni ndiyo kwa duka Romi. 15Kutwula yaho avamitu va Romi lwa va hulira amakuva getu, vadza kukuvuganira ha Kitu kya Apio na ha Vigono vivaka. Paulo lwa ya va lola ya santidza Nyasaye na a lema mwoyo.
16Lwa kwa duka Romi, munyampara ya vika avahambi mu mukono gwomunene wavalindi: navutswa Paulo ya hebwa munwa kumenya yeng'ine nomusikari wa mu linda. 17Kandi, inyima yamadiku gavaka ya langa avanene va Vayuda va vugane: lwa va mal, kuvugana ya va volera, Inze, Avamitu, kali si nda kola kindu ku vandu, kinga ku miima gyavaguga vetu, nda vikwa muha mbe mu makono ga Varomi kutwula Yerusalemi. 18Yava lwa va nzizodza, venya kumboholola, kigira si va lola kindu ku inze kya nziitirwa. 19Navutswa Avayuda lwa vamba kana, nda nigwa kwanira ku Kaisari; si nda li nelikuva lyokuyalira ihiri yange. 20Ku yaga ndenya mwinye mudze kundola ku volerane: kigira mboheywi nomunyororo yigu kigira lisuuvira lya Israeli. 21Navo va mbolera, Kwinye si kwa nyola tsiba ruwa tsya Vayuda ku makuva gogo, kandi si ha v eve nomulala ku vamitu vadza hano kuvuula nokuvola kindu kidamano ku ive. 22Navutswa kwenya kuhulira ku ive aga u vola: kigira ku lyahuka yili, ku manya li hangalidzwa hosi.
23Lwa va mala kulagana lidiku, avanyingi ligali vadza kuye mu inyumba yeye mwa ya menya; ya va vuulira na a lolekidzira amakuva gobwami bwa Nyasaye, na a va goonva ligali ku makuva ga Yesu mu lihlga lva Musa nomu ritabu vyavaprofeti, kutwula mugamba kuduka mgolova. 24Avalala va suuvira vindu vya volwa, navandi si va suuvira mba. 25Kandi lwa va vula kuhuliridzana avene, va tsia, inyima ya Paulo ya mala kuvavolera likuva lilala: Roho Mutakatifu ya volera avaguga venyu bulahi nomunwa gwomuprofeti Isaya, 26na a vola,
U tsie ku vandu yava, u va volere,
Lihulira mu la hulira, ligali si mu li manya;
Lilola mu la lola, ligali si mu li manya:
27Kigira mwoyo gwa vandu yava gu gwiye mudamano,
Kandi amatu gavo ga hani,
Kandi tsimoni tsyavo va mwolidzi;
Gase va la lola netsimoni tsyavo,
Kandi gase va la hulira namatu gavo,
Kandi gase va la manya nomwoyo gwavo, Veganire, Mba honnye.
28Kunangwa ga manyekane ku mwinye, ubuhonnyi, yibu bwa Nyasaye bu hilwa ku vandu ve Tsihiri: navo va la bu hulira. 29Lwa ya va volera makuva yaga, Avayuda va tsia, ni va veye nelihangalidwna linene.
30Kandi ya menya mihiga gyiviri mu inyumba ya ya tunga mwene, ni yingiridza vosi avingira ha ya li, 31ni yegidza amakuva go Mwami Yesu Kristo nobuluviriri bwosi, si ha li nowa mu gaya.
Currently Selected:
Vikolwa 28: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
