2 Avami 7
7
1Ndirira Yahova kandi? Na Elisha ya vola, Mu huliri likuva lya Yahova: Yahova a vola, Mugamba inyinga kuli yiyi, kigero kyobusie bunyuki ki la gulidzwa ishekeli nevigero viviri vyeshairi ishekeli mu kiribwa kya Samaria. 2Hene yaho munyampara womwami yedira ku mukono gwigwe ya tivulira mundu wa Nyasaye, na a vola, Yahova na a va na a kola madirisha mwigulu, inkuva yiyi i nyala kuva ho? Na ya mu volera, Henza ive u la lola netsimoni tsitsyo, navutswa si u la lia ku mba.
3Va li ho avandu vane avobugere ha bwingiriru bwekiribwa: va volerana avene navene, kigira ki kwikala hano kuluhe kukudze? 4Ni ku vola, Ku lingira mu lidala, inzala i veye ho mu lidala, ku la kudzira mu; ni kwikala hano, ku la kudza ndiyo. Kunangwa kalunu, genda ku tsie kwivika mu lihe lya Vasiria: ni va ku leka mwoyo, ku la va mwoyo; naho ni va kwiita, li veye likudza lilala lyere. 5Ma va vuka isi ni kikiri imwamu, va tsia kuduka mu hokusosa ha Vasiria; na lwa va duka mu hokusosa ha Vasiria ho kutangira, henza, si ha veye ho nomundu. 6Kigira Yahova ya li na a mala kuvuulira Vasiria muliviti gwelige nda lyamagari, nomuliviti gwetsi parasi, kuli muliviti gwelihe linene ligali: na va volerana avene navene Henza, mwami wa Israeli u lagani navami va Vahiti, navami va Egepeti, litungwa vadze kulwana na kwinye. 7Hene yaho va vuka ni viruka isi ni i kikiri imwamu, na va leka mahema gavo, netsiparasi tsyavo, netsisukiri tsyavo, nohokusosa havo kuli ha veye, na viruka va duka kwehonnya avene. 8Avobugere yavo lwa va duka mu hokusosa ho kutangira, vingira mu lihema lilala, ni va lia nokunwa, ni va vugula if etha, nethahabu, netsingubo, ni va tsia kutsivisa; na virana, ni vingira mu lihema lindi, ni va vugule vindu kandi, ni va tsia navyo kuvi visa.
9Hene yaho va volerana avene navene, Aga ku kolanga si ga veye malahi mba; lidiku lya lero yili nl lidiku lya makuva malahi, na kwinye ku kiring'ani: ni ku lindagira bu luhe bu kye, ubudamano bu la ku nyola; kunangwa genda ku tsie, ku volere avandu venyumba yomwami. 10Ma vadza ni va langa mulindi welidala; ni va mu volera, Kwa duka mu hokusosa ha Vasiria, na, henza, si ha veye nomundu yo, kinga mwoyo gwomundu, navutswa tsiparasi tsi boheywi, netsisukiri tsi boheywi, na mahema gavo kuli ga li. 11Naye ya langa avalindi; navo va volera avandu venyumba yomwami. 12Na mwami ya vuka ubudiku, na a volera avatumekiri veve, Kalunu nda mu mannya aga Vasiria va ku koleye. Va manya ku veye nenzala; kunangwa va twula mu hokusosa havo kwivisa mmulimi, ni va vola, Lwa va twula mu lidala, ku la va gumira ni va veye mwoyo, na ku lingira mu lidala. 13Na mulala ku vatumekiri veve ya tivula na a vola, Mwadza, avandu valala va vugule tsiparasi tsitano tsya tigala, kutsyo tsya tigala mu lidala (henza, tsi gwiye kuli kiduma kyosi kya Israeli va tigala mulyo; tsi veye kuli kiduma kyosi kya Israeli va diva); na ku tume ku duke kulola. 14Ma va vugula magari gaviri netsiparasi tsyago; na mwami ya tuma avandu va londerere lihe lya Vasiria, na a vola, Mu tsie kulola. 15Na va va londerera kuduka Yordani: na, inzira yosi yizula tsi ngubo neviju, vya Vasiria va ta mu liruka bwangu lyavo. Navatumwa virana, ni va volera mwami.
16Na avandu va twula mu lidala, ni va lanya hokusosa ha Vasiria. Ma kigero kyobusie bunyuki kya gulidzua ishekeli, nevigero viviri vyeshairi vya gulidzwa ishekeli, kuli livola lya Yahova. 17Na mwami ya vika munyampara wa yedira ku mukono gwigwe, a ve mulindi wekiribwa: navandu va mu duvagira ha kiribwa, na a kudza kuli livola lyo mundu wa Nyasaye, ya vola lwa mwami ya sulunguta kuye. 18Ga duka, kuli mundu wa Nyasaye ya volera mwami, lwa ya vola, Vigero viviri vyeshairi ishekeli, nekigero kilala kyobusie bunyuki bu la duka ishekeli, ni ndiyo ga la va mugamba mu kiribwa kyelidala lya Samaria inyinga kuli yiyi; 19na munya mpara zana ya tivulira mundu wa Nyasaye, na a vola, Kalunu, Yahova na a va na a lomba madirisha mwigulu, inkuva yiyi i nyala kuva ho? Na ya mu volera, Henza, u la lola netsimoni tsitsyo, navutswa si u la lia ku mba: 20ga duka kuye kuli ndiyo; kigira avandu va mu duvagira mu kiribwa, na ya kudza.
©Bible Society of Kenya, 1967