2 Vakorintho 5
5
1Kigira ku manya inyumba yetu ya hasi hano kali ni yononywa, ku veye nelyombakwa li twulanga ku Nyasaye, inyumba i ta lombwa namakono, yemihiga nemihiga, migulu. 2Kigira ligali mu yiyi kwi nye ku kenya ni ku kayirwa kuvikwa lyombakwa lyetu li twula migulu: 3ni ku va ni ku vikwa, ku ta loleka kuva kyahonyo. 4Kigira kwinye ligali ava ku veye mu lyombakwa yili ku kenyanga, kigira ku minika; si ga li kigira kwenya kunavulwa, navutswa kwenya kuvikwa ligali yigu gwelikudza, livamwoyo li duke kugumira. 5Uyu wa ku kola kigira likuva lyene yili a veye Nyasaye, wa ku ha kihambiriru kya Roho. 6Madiku gosi ku veye nekilema mwoyo, kandi ku manya, ni ku veye mu mubiri si ku veye ku Mwami 7(kigira ku genda nelisuuvira, si ku genda nelilola); 8mbola ku veye nekilema mwoyo, kandi ku yanza ligali ku vuli kuva mu mubiri, ku ve hango halala no Mwami. 9Kigira yaga kwiguluhidza, ni ku va ni ku veye ho, kinga ni ku ta veye ho, ku ve avandu ava yanzeka kuye. 10Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.
11Kunangwa kigira ku manya litibwa lyo Mwami, ku girunkannya myoyo gyavandu, navutswa ku lang'aminyeywi ku Nyasaye; na inze nsuuvira ku lang'aminyeywi mu myoyo gyenyu kandi. 12Si kwiidzominya ku mwinye kandi, navutswa ku wla kuli ku hedza mwinye kya mwiidzominyira kigira kwinye, mu ve nekyokuvativulira aviidzominya ku vi lolekanga, ni vi ta li vyomu mwoyo. 13Kigira ubugeeri bwetu ni bu va ni bu goti, ga veye ku Nyasaye; naho ni ku va ni ku veye nobugeeri bwetu bwosi, ga veye ku mwinye. 14Kigira ubuyanzi bwa Kristo bu ku niganga kigira ku ganagana ndi, mulala na a va ni ya kudzira vosi, vosi va kudza; 15uyu ya kudzira vosi, ava veye mwoyo va tekolera vyavo avene, navutswa va kolere uyu wa va kudzira na a simuguka kandi. 16Kunangwa kutwula kalunu kwinye si ku manya mundu kali mulala ku lugano lwomubiri: kali kwa manya Kristo ku lugano lwomubiri, navu tswa kalunu si ku mu manya kandi ndiyo. 17Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya. 18Navutswa vindu vyosi vi twula ku Nyasaye, wa ku hambannya kuye mwene kigira Kristo kandi ya ku ha ubutumwa yibu bwokuhambannya; 19kuli Nyasaye ya li mu Kristo na a leta avomkivala kuhambana naye, si a validza lihyola lyavo kuvo, na a vika ku kwinye likuva lyokuhambannya.
20Kunangwa ku veye avatumwa kigira Kristo, kuli Nyasaye a goonyanga neminwa gyetu: ku goonya mwinye kigira Kristo, mu hambannywe na Nyasaye.. 21Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.
Currently Selected:
2 Vakorintho 5: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
