2 Kyetsinyinga 8
8
1Na ga duka lwa mihiga makumi gaviri gya vita, gya Solomoni yombaka inyumba ya Yahova, nenyu mba yeye mwene, 2Solomoni ya digulula amadala ga Huram ya ha Solomoni, ya vika mu avana va Israeli.
3Solomoni ya tsia Hamathuzoba, na a li guuta. 4Yombaka Tadi mori mwigendanyama, na madala gosi gokuvika mu akiba, aga yombaka mu Hamathu. 5Kandi yombaka Beth horon lyelugulu, na Bethhoron lye munzi, ga veye madala getsingaga tsyamadigi, neviribwa, nemiluguyu; 6na Baalathu na madala gosi goku vika mu akiba aga Solomoni ya li nago, na madala gosi gamagari gege, na madala ga avokunina ku tsiparasi, nelyombaka lyosi lya Solomoni ya kayirwa kwombakira liyanza lilye mu Yerusalemi, nomu Lebanon, nomu kivala kyosi kyelyameha lilye.
7Nomu makuva gavandu vosi va tigala ku Vahiti, na Vaamori, na Vaperizi, na Vahivi, na Vajebusi, ava ta li mu Israeli; 8ku avana va yavo ava tigala inyima wavo mu kivala, ava avana va Israeli va vula kudividza, mu yavo Solomoni ya solola mu avavikwa ku miyirtzi gyo butugwa kuduka lero. 9Navutswa ku avana va Israeli, Solomoni si ya va kola avatugwa ku miyinzi gyigye mba; yavo va li avandu vobulwani, navanene ku vanyampara veve, nemi twe ku magari gege, navokunina ku tsiparasi aveve. 10Na yavo va li avanene vomwami Solomoni, va li tsimia tsiviri na makumi gatano, avameha ku avandu.
11Solomoni yanegeridza mukana wa Farao kumutwulidza mu lidala lya Daudi yadze mu inyumba ya ya mwombakira; kigira ya vola, Mukali wange a ta menya mu inyumba ya Daudi mwami wa Israeli mba, kigira ha veye hatakatifu, helisanduku lya Yahova lingira.
12Ma Solomini ya haana ku Yahova vihaanwa vyokusambwa, ku bwali bwa Yahova, bwa yombaka imbiri wolusimbu, 13kuli lyenya lyemiluka gyamadiku gosi, lihaana kuli lilaga lya Musa, mu masabato, nomu litanga lyemyeli, namasavo ga lagwa, ku muhiga hali kavaka, nago ga veye amasavo gobukima bu ta li namamera, namasavo gamasidza, na masavo gamadiri.
14Ya vika, kuli lilaga lya dada wewe Daudi, ubulohidzi bwelitovoka lyavasalisi ku butumiki bwavo, na lya Valevi ku bulindi bwavo, ku li santidza, nokutumika imbiri wava salisi, kuli lyenya lyemiluka gyama diku gosi; navalindi veviribwa ku litovoka lyavo mu kiribwa se kilala: kigira ni ndiyo Daudi mundu wa Nyasaye ya laga. 15Na va vula kutwula ku yago gomwami ya laga ku vasalisi na Valevi mu makuva gosi, kinga ku makuva ga akiba.
16Kunangwa miyinzi gyosi gya Solomoni gya tegekwa kuduka lidiku lyenyumba ya Yahova ya temwa hasi, kuduka litweka lyemiyinzi. Ma inyumba ya Yahova ya tweka.
17Hene yaho Solomoni ya tsia Eziongeberi, na Elothu, ku lugi nga lwenyanza yekivala kya Edom. 18Huram ya mu letera amato na makono gavatumekiri veve, navatu mekiri ava manya makuva genyanza, va tsia Ofiru halala navatumekiri va Solomoni, ni va vugula yo tsitalenta tsimia tsine na makumi gatano tsye thahabu, na va tsi leta ku mwami Solomoni.
©Bible Society of Kenya, 1967