2 Kyetsinyinga 22
22
1Na avamenyi mu Yerusalemi vamehidza Ahazia mukogoti womwami mbugono bwibwe; kigira kiduma kyavandu vadza hokusosa halala na Vaarabu viita avanene vosi. Ma Ahazia mwana wa Jehoram mwami wa Yuda yameha. 2Ahazia ya li wemihiga makumi gane negyi viri lwa ya tanga kwameha; yameha muhiga mulala mu Yerusalemi: na lieta lya mama wewe lya langwa Athalia mukana wa Omri. 3Uyu kandi ya genda mu tsinzira tsyenyumba ya Ahabu; kigira mama wewe ya li mboli wewe wokumuvika mmakuva madamano. 4Ya kola ubudamano mu tsimoni tsya Yahova, kuli yavo avenyumba ya Ahabu va kola: kigira va li avavoli veve inyima welikudza lya dada wewe, ku lidividza lilye. 5Ya londa amakuva gavo na ya tsia halala na Jehoram mwana wa Ahabu mwami wa Israeli ku tsia mbulwani ha Ramothugileadi ku Hazaeli mwami wa Siria: Avasi ria va tumita Joram. 6Naye yi rana Jezireeli na kutsia kulwalidzwa tsing'oma tsya yatirwa ha Rama, lwa ya lwana na Hazaeli mwami wa Siria. Na Ahazia mwana wa Je horam mwami wa Yuda ya sulu nguta kutsia Jezireeli kulola Jehoram mwana wa Ahabu, kigira ya li mu lwaye.
7Kunangwa lidividza lya Ahazia lya twula ku Nyasaye, ku litsia lilye ku Joram: kigira lwa ya mala kuduka, ya tsia na Jehoram kutwulira Jehu mwana wa Nimshi, wa Yahova ya vaka maguta a duke kutwulidza inyumba ya Ahabu. 8Na ga duka lwa Jehu ya li mu likalaga ku inyu mba ya Ahabu, ya nyola avanene va Yuda, avana vavamwavo Ahazia, ava li va tumekiranga Ahazia, na ya viita. 9Na yenya Ahazia, ni va mu gumira (naye ya li ni yivisi Samaria), na va mu leta ku Jehu, ni va mwiita; ni va mu ta, kigira va vola, Uyu nomwana wa Jehoshafatu, wa li ni yenya Yahova nomwoyo gwigwe gwosi. Na inyumba ya Ahazia si ya li netsingulu tsyokwa meha ubwami.
10Na lwa Athalia mama wa Ahazia ya lola mwana wewe na a kudzi ya vuka na a dividza lwivulo lwosi iwobwami lwenyumba ya Yuda. 11Navutswa Jehoshabeathu, mu kana womwami, ya vugula Joashu mwana wa Ahazia, ya mwiba hagati ha vana vomwami aviitwa, na a muvika nomuleli wewe mu inyumba yokugona. Ma Jehoshabeathu, mu kana womwami Jehoram, mukali wa Jehoiada musalisi (kigira ya li mbotso wa Ahazia), ya mu visa ku Athalia, a vule kumwiita. 12Na ya viswa halala navo mu inyumba ya Nyasaye mihiga gyitano nomulala: na Athalia yameha ku kivala.
©Bible Society of Kenya, 1967