MATAYO 7
7
1“Morwokyï pich, tömokirwokwok, 2#Mrk 4:24.ompöwölo kïle wolini orwokyintokwa pikö walaka, kïlenyoni wölo kirwokyintonokwa akepöghisyegho kipimöwontonini opöghisyeghokwa ompö pikö walaka. 3Ompö ne terosenyi wïtanian nyo mi konto werïngwo mesïwïyenyinye nyu ket nyo mi kontangu? 4Imukenyi lö ne mwochine werïngwo lö, ‘Pïswante asyar wïtanian nyo mi kontangu,’ akwanyï mi ket kontangu? 5Ichinyi lïsïn! Nyagha chengunö ketoni mi kontangu temuka nyu syara wïtanian nyo mi konto werïngwo.
6“Motö kukïdin kïgh nyo tïlil, ompöwölo ngetöy kïsïrokwa. Amowirchï sanayikwo cho pïchighöch tawu nkïruwen atömekurkurö ngwïny.
Osomö, ayar, akonykony
(Luk 11:9-13)
7“Osomö tökekonok, ayara tonyorunö, okonykonyö, tökeyotwok kukat. 8Ompöwölo chi anka tïkwïl nyo somöy, ketöni akwanka tïkwïl nyo yöröy kïnyoru, akeyotyini chi kukat nyo konykonyöy. 9Anta ngo papo ompö akwa, nyo ato som werïnyi makatyan kutö kogh? 10Anta ato som koghoghwö kutö moroy? 11Ato onkïtökwa nyu pich cho ghach otöni monekwo tïkwïn cho karamach, töni nyu Paponkwa nyo mi yïm pich cho somöy nyinte tïkwïn cho karamach kïtya? 12#Luk 6:31. Oghchinö pich tïkwïn cho omökekwa kwighwekwa chane. Nka nyoni kïgh nyo netöy Kirurut pö Musa nko kinetut pö werkoy.
Kukat nyo marich
(Luk 13:24)
13“Olïtö kukat nyo marich ompöwölo pöro kukat akï tapes or nyo itöy ngwen akï chang pich cho petöy aranoni. 14Wölo marich kukat akwaghïgh or nyo ipöy pich wölo mi söpon akï pich cho ngörï cho nyoru.
Ket nko akwechi
(Luk 6:43-44)
15“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch. 16Onkïtukwa chane ompö ighisyewutkökwa. Melö kïpïto sapipun sankakay amelö kïpïto makany tökölten. 17Yinöy ket nyo karam akwa cho onyïn, kuyinöy ket nyo gha akwa cho ngwonöch. 18Memukönye ket nyo karam kuyin akwa cho ngwonöch amemukönye ket nyo gha kuyin akwa cho onyïn. 19#Mat 3:10; Luk 3:9. Kïtöröy ket anka tïkwïl nyo meyinönye akwa cho onyïn akewirchï ma. 20#Mat 12:33. Kïlenyona, onkïtunekwa werkoy pö putintön ompö ighisyewutkökwa.
Melö kyonkïtokwa
(Luk 13:25-27)
21“Molenchï kegh lïtöy Pöyunöto Yïm chi anka tïkwïl nyo mwoghöy lö, ‘Echotyon, Echotyon,’ kïpoto chi cho ighöy machata Paponyan nyo mi yïm. 22Lenchinanïn pich ompö Asisoni, ‘Echotyon, Echotyon! Kikyamtecha ompö kaynengu akeyon oy cho ghach, akegh töngönchintin cho chang.’ 23#Tum 6:8. Wölo olenchinan chane, ‘Kimonkïtokwanye. Angetena tawunyan mwokïyischï!’
Teki korïn cho le odeny
(Luk 6:47-49)
24“Kïlenyona nyu, karkegh chi nyo lïmöy ngalechan akïrïp nko chi nyo ngöghom nyo kitek konyi paraku ghat. 25Nyo otini kiropan akungwïn puseryonta nyo wow akïkut chepkiriri, melö kirul ompöwölo kikïtek paraku ghat.
26“Wölo chi anka tïkwïl nyo lïmöy ngalechan chete, amarïpnye, kemustoy nyinte chi nyo le sölwö nyo kitek konyi ngoyomwö parak. 27Nyo otini kiropan akungwïn puseryonta nko chepkiriri kwarman koyay, kïrul aki wow rulötenyi!”
Tïngeto Yeso owesyö
28 #
Mrk 1:22; Luk 4:32. Otini kiwany Yeso kïmwa ngalechï, kïtangany söpïchoni kilïm wölo kinetïta nyinte, 29ompöwölo kinet le chi nyo kitïng owesyö amelö kilata konetikwa cho pö kirurut.
Kesopö Yeso chi nyo kyamate psenkwet
(Mrk 1:40-45; Luk 5:12-16)
Currently Selected:
MATAYO 7: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
