MATAYO 24
24
1Kïngeta Yeso Kö pö Tororöt akwotini kitö kïwetöy, kïpkonchï kinetankachi akuporchï wölo kikïtekta Köyini pö Tororöt. 2Kuyokyï Yeso lö, “Osïwïyekwa teksyonete kïmïkul nya? Omwowokwa nyoman lö möminye kagh ompö akonga nyo kïpïsyini kughyongo parakuto kada anka, kïwirchini ngwïny löwïr.”
Kisusut nko kichopata kong
(Mrk 13:3-13; Luk 21:7-19)
3Akwotini kimpuröy Yeso kutïng pö Arol, kïpkonchï kinetankachi akïtep ompö sison lö, “Mwowecha köny lö oyï ato ighisyot ngalechï akï ne nyo poru lö ketïta ato ingwïnenyi nko ato lïku sörömu ngwïny?” 4Kuyokyï Yeso chane lö, “Orip kegh tömölïsak chi. 5Ompöwölo pkonöy pich ompö kaynenyan cho lentöy, ‘Ochan Kristo,’* akïlïs pich cho chang. 6Olïmekwa ngala poryotïn nko putintöno poryotïn. Orip kegh motyö, ompöwölo itu ngalechoni nyo mötïny, wölo meporucha ngalechoni lö kikwitïta sörömu ngwïny. 7Ompöwölo setyini kegh puntonï akïporyö pöytoghi pöyunöt anka nko pöyunöt anka. Itu kömeywok nko potanata ngwïny ompö woptin löwïr. 8Karkegh tïkuchoni löwïr nko kïghöto lusyogh.
9 #
Mat 10:22. “Kïnömekwa tökechopekwa kong aketïghokwa. Töghokwa koroswö löwïr ompö ani. 10Pïstoy osiswechoni pich cho chang kighanatengwa akïwïchtö kegh chane akurey kegh. 11Atolapay kuchumï werkoyi putintön cho möngörï kïlïsöy pich cho chang. 12Wïsöy nyu chomnyo pich cho chang ompöwölo töso ghöyityö. 13#Mat 10:22. Wölo ato mïkukön chi ntökwït söröm, kesöru. 14Wölo kyomchini Lökoy cho Karamach pö Pöyunöto Tororöt ngwïny kïmïkul tökïlïkwï söwintön ompö pipö Punton löwïr kwitï nyu sörömu ngwïny.
Kiwongunöt nyo wow
(Mrk 13:14-23; Luk 21:20-24)
15 #
Dan 9:27; 11:31; 12:11. “Ato asïwekwa nyu ‘Ghöyïn pö otyogh pö Kinyarat,’ nyo kimwa werkoyon Daniel kughyongö ato tïlil. (Akanya kïpköchï chi nyo somönöy ngalechï!) 16Akany kïryoghchï pich cho mi Yudea kutïngkot. 17#Luk 17:31. Makany kïrökwï chi nyo mi pörkö tökïsuw tïkuchi cho köpïsyï konyi, 18amakany kïmïla chi nyo mi par tökïsuw sïrenyi. 19Heywey wechï ghöyitu ompö osiswechoni ompö kor cho mirsïyi nko cho rerïyöy monïng! 20Asagha Tororöt atömalïkwï osiswechoni oryöghöy osiswo kaghïtan anta asispa Sapato!* 21#Dan 12:1; Ngo 7:14. Ompöwölo yetu osiswechoni ghöyïn kïtïl anka tïkwïl kïngeta otini kikïtowï ngwïny ntökïtenö nyete le ye amelö tökungwïnöy anka ngat. 22Wölo ntökimelö kikingörïngit osiswechoni, kitömöminye chi nyo kïsöru nyonikïny. Wölo kingörïngitöy osiswechoni ompö kïlanpa Tororöt.
23“Kïlenyona nyu, ato lenchokwa chi, ‘Arose anyï Kristo,’ anta lenchok, ‘Anyinö mi otinö,’ maghan. 24Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt. 25Alïma nyu, komwowokwa kïtomö kwitï ngalechï.
26 #
Luk 17:23. “Anta ato lenchokwa chi, ‘Arosa, anyinö mi surkwen,’ mapa wölini, anta lenchokwa, ‘Arose, anyï ghïpo yi,’ maghan. 27Ompöwölo ngwïnöy Wero Chi le kiryal nyo otini keryala kongasis kesöchini ta.
28 #
Luk 17:37. “Ryomo mötonywö wop anka tïkwïl wölo mi kïgh nyo kama.
Kingwïnata Wero Chi
(Mrk 13:24-27; Luk 21:25-28)
29 #
Isa 13:10; 34:4; Esk 32:7; Yol 2:10,31; 3:15; Ngo 6:12-13. “Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm. 30Atolapay kïrumunö kiporunöto Wero Chi yïm. Riryöt nyu puntoni ngwïny löwïr otoni söchï Wero Chi kungwïno poltoy nko owesyö nko ororyö nyo wow. 31Yontoy nyinte malaykenichi nko kontï nyo chöghöy tya kïghamïtyï kïlankachi kïngetunö wop anka tïkwïl ompö ngwïny, kïngetunö yïm söröm nko söröm.
Körkeyïn pö moköngwö
(Mrk 13:28-31; Luk 21:29-33)
32“Anetene kegh körkeyïn pö moköngwö nyo otini kasanach morichi akusïl sökechi onkïtukwa lö, karikï osiswo kitokot. 33Kïlenyoni tïkwïl otini kasïwekwa tïkuchï löwïr, onkïtï lö karich kwitï Wero Chi, mi kukat. 34Omwowokwa nyoman lö mewerönye pïnete kïtomö kwighisyö ngalechï löwïr. 35Weröy yïmö nko ngwïny, wölo meweröcha nyonikïny ngalechan.
Möminye chi nyo nkït asista anta saye
(Mrk 13:32-37; Luk 17:26-30,34-36)
36“Wölo möminye chi nyo nkït ato itu asisini anta saye, kïrkegh malayken cho mi yïm anta Weri, poto Paponyan onkït. 37#Tow 6:5-8. Lenye kingwïnata Wero Chi wölo kilata osiswo Noa. 38Otini kitomönye kïnyïghï pögh ngwïny, kï kimi pich kwomisïyi akïgheghsïyi, ki kensïyi pich akuyiltoy monekwa ntökïtenö kwit asisini kilït Noa meli ori, 39akimenkïtcha lö ekine nyo kigha ntökïtenö kïnyïghï pögh ngwïny akuchut pich löwïr. Lïku nyoni nyu otini ngwïnöy Wero Chi. 40Mi pich odeny par atoni, kemït anka kepïstö anka. 41Ngoghöy korï odeny pagh, kemït anka kepïstö anka. 42Oripsyenö nyu, ompöwölo monkïtökwanye lö ekwasis ne ato itu Echotyontenkwa. 43#Tow 7:6-24. Wölo anane ngölyontonï: ntökenkït chito kot lö sa ne nyo ngwïnöy chorin, kötempuröy kïripsïyi melö kötöpïsyini chorin kïwiröy konyi. 44Kïlenyona, otïpinö kïpsach, ompöwölo itu Wero Chi sa nyo melö kokönekwa.”
Mötworin nyo ghanate nko nyo melö meghanate
(Luk 12:41-48)
45Kulet Yeso tagh kïlö, “Ngo mötworintö nyo ghanate akï ngöghom nyo töni echotyontenyi kïpayta pikachi atökutö mötworichi omisyengwa otini kömïchini ketö? 46Soyönote mötworintö nyo nyoru echotyontenyi ighöy lenyini ato mïla! 47Omwowokwa nyoman lö töni echotyontenyi mötworintononi kughyongchï tïkuchi löwïr. 48Wölo ato mötworin nyinte nyo gha, kunonchini kegh ompö mïkulöwunyi lö, ‘Tökuropu echotyontenyan ompö osis cho chang,’ 49kutor nyu kïmuny mötwori walaka akwomisyö akïgheghsyö nko ptamasis. 50Mïlo echotyonto mötworintononi ato mekönönye, akwompö sa nyo menkïtnye. 51Tïghöy mötworintononi nyoman le wölo kïtïghtoy chepölköstin, akutö wölo riryegho pich akïnyagh kelat ompö kichïr.
Körkeyïn pö tipïn taman
Currently Selected:
MATAYO 24: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
