MATAYO 18
18
1 #
Luk 22:24. Kïpkonchï Yeso kinetan kachi akïtep lö, “Ngo nya nyo wow ompö Pöyunöto Yïm?” 2Kïkur Yeso monïng akïkany kughyongö tawungwa 3#Mrk 10:15; Luk 18:17. atolapay kïlö, “Omwowokwa nyoman lö ato mowöghökisyekwanye akarkegh nko monïng cho mïnkech, kïmolïtekwanye Pöyunöto Yïm nyonikïny. 4Chi anka tïkwïl nyo ipöy kegh ngwïny le monïngï, kï nyinte nyo wow ompö Pöyunöto Yïm. 5Akwanka tïkwïl nyo toköy monïng akonga nyo lata nyete ompö kaynenyan, kïtokanïn.
Tïkwïn cho mïtyini pich ngokï
(Mrk 9:42-48; Luk 17:1-2)
6“Ato töp chi ntökïlelchï akonga ompö monechï mïnkech kïpïstö kighanatengwa nyo tïng ompö ani kötö mïchini kerötyï katïnyi koghpa pagh nyo mamïnïng akewirchï nanam ori. 7Heywey ngwïny nyo pkono työmut cho ighöy pich kïpïstö kighanatengwa! Pkonöy tyomut nyo mötïny wölo heywey chichini pkono!
8 #
Mat 5:30. “Kïlenyona ato ighïn ewungu anta keltöngu igha ngokï, idingtö aiwirta! Karam ompö nyi nyorunö söpon kïpuryö egh anta kel kïtïl mitenö nko moriku kwodeny anta kelyeku kwodeny akewirchin mapa kokay. 9#Mat 5:29. Akwoto ighïn kontangu igha ngokï, iködötï aiwirta! Karam ompö nyi nyoruno söpon ichï toler kïtïl mitenö nko konyiku kwodeny akewirchinyi mapa kokay.
Körkeyïn pö kech nyo kipot
(Luk 15:3-7)
10 #
Luk 19:10. “Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [ 11Ompöwölo kingwïn Wero Chi kïsörï pich cho kikupotyö.] 12Olentekwa ne nya? Ighöy ne chi nyo tïng kechir 100 ato pot nyo le akonga, kïpïsyini chinö le 99 achey akïwö kïyarata nyinö le akonga kepot. 13Otini könyorï, omwowokwa nyoman lö ngörökyini tya kechanini le akonga kïtïl chay melö kepotyö le 99. 14Kïlenyoni tïkwïl, mömökönye Paponkwa nyo mi yïm lö tepot nyo le ompö akonga ompö monechï mïnkech.
Wölo kingöroktoy kegh
15 #
Luk 17:3. “Ato lelun werïngwo, iwö imwochï nyinte lelutyenyi ompö sison akwa opïn. Ato terunyi, kï kesörunyi werïngwo. 16#Krt 19:15. Wölo ato möterunyinye, imït chi akonga anta pikö walaka odeny kïpa nko nyi atökechïchim ngölyon anka tïkwïl ompö kutïwa söwï odeny anta sömök. 17Wölo ato möterchïnye chane, imwochï kanisa. Kïkany ato möterchïnye kanisa, oyit nyu nyinte kïkarkegh nko chi nyo menkïtnye Tororöt akïkarkegh nko kwöghinto surï.
Ketagha nko kechömchï
18 #
Mat 16:19; Yna 20:23. “Omwowokwa nyoman lö kïgh anka tïkwïl nyo orötokwa ngwïny, keröto yïm akï kïgh anka tïkwïl nyo otyokokwa ngwïny, ketyoko yïm.
19“Omwowokwa ngat lö ato chomnyechï pich odeny ompö akwa kïgh anka tïkwïl nyo somöy ompö ngwïny, kwighchini Paponyan nyo mi yïm. 20Ompöwölo ato tuyö pich odeny anta sömök ompö otö akonga ompö kaynatenyan omitan kwenungwa.”
Körkeyïn pö mötworin nyo mölöstoghchïnye chitö anka
21 #
Luk 17:3-4. Atolapay kïwechi Petro Yeso akïlenchï, “Ato lelwanïn werïncha, olöstoghchinan nyinte kïnyïl ata? Kïnyïl mut nko odeny?” 22#Luk 17:3-4. Kuyokyï Yeso lö, “Ewo, melö kïnyïl mut nko odeny, wölo 70 kïnyïl mut nko odeny. 23Ompöwölo karkegh Pöyunöto Yïm nko pöytoghin nyo kimököy kunkïtu wölo kiriptoy mötworichi ropïyenichi. 24Nyo otini kitökïmi kwighöy lenyoni kemïtï nyinte akonga ompö mötworichi nyo kipösön ropïyen cho makïrar. 25Kimötïngnye mötworintonini ropïyen chonikïny cho kighoktegho pösöntanyi, kïlenyona kïmwatïta echotyontenyi kyalta kïlïkwï sekeyon, nyinte nko korkenyi nko monechi nko tïkwïn löwïr cho kitïng atökemï keghakta pösöntanyi. 26Kupïtyï mötworintonay kelyo echotyontenyi akïlenchï, ‘Mïkukönwante atoghokun pösöntöngu kïmïkul!’ 27Kusyonchï echotyontononi, akïmötochï ghosyonini akïpïstö kïwechï kegh.
28“Wölo kïngeta mötworintonay ataye akïtuyeghö mötworintengwa anka nyo kighoköy nyinte ropïyen 100. Kïnam akuket kïlenchini, ‘Ghokunö pösöntönyan!’ 29Kupïtï ngwïny mötworintonay kipöghisïyi tïkwïl akïsagh nyinte lö, ‘Mïkukönwante atoghokun pösöntöngu!’ 30Wölo kimöternye akïnyinö kitömïkukönchini kutötö nyinte ketorchï chela ntökïtenö kïghokï pösönay. 31Otini kisïwa mötwori walaka ngalechini kighisyö, kwotyö nyoman, kïpa akimwochï echotyontengwa ngalechini kighisyö. 32Kïkur nyu echotyontenyi mötworintonini kïwö kö ori akïlenchï, ‘Ichinyi mötworin nyo gha! Kyomötowunyi pösönay kïmïkul ompöwölo kisaghaninyi, 33melö so kitömïchininyi syonchinö mötworintonï kemitenyi tïkwïl le wölini kyosyonchinyi?’ 34Kïnarek nyoman echotyontonay akutötö nyinte kenyaril kong ntökïtenö kïghokï pösöntö löwïr.”
35Kuwany nyu Yeso kïlenchï pïchay, “Lenyoni asïyech wölo idoy Paponyan nyo mi yïm, chi anka tïkwïl nyo mölöstoghchininye werïngwa ompö mïkulöwunyi kïmïkul.”
Kinet Yeso paraku kityakat ompö kensyö
(Mrk 10:1-12)
Currently Selected:
MATAYO 18: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
