MATAYO 16
16
1 #
Mat 12:38; Luk 11:16. Kïpa Parisaytin* nko Sadukaytin* wölo mi Yeso, kimököy chane kutö nyinte ngöghöp, kïlenyona kïsom nyinte lö teporchï kiporunöt nyo ngwïno yïm. 2Wölo kuyokyï Yeso lö, “Otini kemön olekwa, ‘Peköy asïyech ompöwölo pïrir yïmö!’ 3Kïkany kuwas olekwa, ‘Ropönöy ompöwölo pïrir yïmö akï kïruntï.’ Ato onkïtökwa angoröy atöptino osis otini kotopönökwa yïm akwanyï momuchekwanye ntangor möchey pö otöptino osiswechï. 4#Mat 12:39; Luk 12:39. Pïn nyo gha nyo melö ghanate nyo yöröy kiporunöt! Wölo möminye kiporunötö nyo osïkekwa nyonikïny, kïpoto nyanya pö Yona.” Kïpïstö Yeso chane akïwechï kegh.
Mumara Parisaytin nko Sadukaytin
(Mrk 8:14-21)
5Otini kyoghyö kinetankachi nanamay kïlö kiros kichö kïwutyeghö chane kwip makatin. 6#Luk 12:1. Kïlenchï Yeso chane, “Orip kegh mumara Parisaytin nko Sadukaytin.” 7Kumöl kegh chane opïn kïlentöy, “Kamwa so lenyoni ompöwölo melö kakipucha makatin.” 8Kunkïtï Yeso wölini kimwoghtoy chane, kïtep lö, “Kölö ne tomölekwa kegh lö ompöwölo melö kakipucha makatin? Wechï mïnïng kighanatenkwa! 9#Mat 14:17-21.Tomönye so kïpköchokwa? Mononekwanye atanya kyamïnchïran makatin mut apagha mïrön 5,000, kyanyïghitakwa ngötunön köröpon ata? 10#Mat 15:34-38. Anta makatinechanya le mut nko odeny kyapaghan mïrön 4,000? Kyanyïghitakwa ngötunön köröpon ata? 11Kwompö ne tömöpköchokwa lö melö kongölononan ngala makatin? Oripenö kegh mumara Parisaytin nko Sadukaytin!” 12Atolapay kunkïtï kinetankachi lö melö kirirchini nyinte chane lö orip kegh mumar cho kïpöghisyegho ompö makatin, wölo kimököy chane kïripo kegh kinetut pö Parisaytin nko Sadukaytin.
Kamwa Petro lö, Wero Tororöt Yeso
(Mrk 8:27-30; Luk 9:18-21)
13Otini kit Yeso okumpö Kaysaria Pilipi, kïtep nyinte kinetankachi lö, “Lentöy pich ngo Wero Chi nya?”
14 #
Mat 14:1-2; Mrk 6:14-15; Luk 9:7-8. Kuyokyï lö, “Lentöy walaka ichinyi Yoana Kipatisanin, kïlentöy walaka Eliya, kïlentöy walaka Yeremia anta akonga ompö werkoy.”
15Kïtep Yeso chane lö, “Ekï akwa köny, olentekwa ochan ngo?”
16 #
Yna 6:68-69. Kuyokyï Simon Petro lö, “Ichinyi Kristo,* Wero Tororöt nyo satate.”
17Kïlenchï Yeso, “Ichinyi soyönote, Simon Par Yona, ompöwölo melö kenkïtunyi ngalechï pö man ompö chïreryo ptangengmöt, wölo köngongunyi Paponyan nyo mi yïm. 18Kïlenyona ye nyu, omwowunyi Petro lö, ichinyi ghat atekan paraku ghatyanï kanisenyan nyo memukönye ompö meghat kïrïntoy. 19#Mat 18:18; Yna 20:23. Okoninyi yotöwo Pöyunöto Yïm, kïgh anka tïkwïl nyo keratanyi ompö ngwïny keröto yïm tïkwïl, akï kïgh anka tïkwïl nyo kechömchinyi ompö ngwïny, kechömchini tïkwïl ompö yïm.” 20Atolapay kïtagha Yeso kinetankachi lö tömömwochï chane chi anka tïkwïl lö ki Kristo nyinte.
Kingalana Yeso kiwongunötenyi nko meghenyi
(Mrk 8:31–9:1; Luk 9:22-27)
21Kutor Yeso kïngeta atoni kuporchï kinetankachi lö, “Mïchinanïn owan atang Yerusalem atökuchopanïn kong poyï nko tïsï cho echön nko koneti kirurut ompö wölini, akïtïghanïn, wölo otutunan asispa sömök.” 22Kumït Petro nyinte kamas akïchil, kïlenchï, “Möminye kïgh nyo igho ompö nyi, Echotyon. Melö imeghenyi.”
23Kïwaghaka Yeso akïlenchï Petro, “Ngetena tawunyan Onyötonï! Ichinyi tömölin, ompöwölo melö pö kinonutköku Tororöt, pö ptangengmöt!” 24#Mat 10:38-39; Luk 14:27. Kïlenchï nyu Yeso kinetankachi, “Ato mököy chi anka tïkwïl kïrïpanïn kïmïchini kusalta kegh akïkasan kimurtöwontenyi akïrïpanïn. 25#Mat 10:39; Luk 17:33; Yna 12:25. Ompöwölo chi tïkwïl nyo mököy kïsöru söpontanyi, kwighöy kupotöy, wölo anka tïkwïl nyo soltoy söpontanyi ompö ani kïsöru. 26Ompöwölo tïng chi kinyiwut ne ato nyorï ngwïny kïmïkul akupotö söpon? Möminye kïgh nyonikïny nyo muköy chi ntökwala söpontanyi. 27#Tum 62:12; Mat 25:31; Rum 2:6. Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi. 28Omwowokwa nyoman lö mi pich yeteyi cho melö sïwïyi meghat ntökïtenö kïsïwa Wero Chi kungwïnöy ompö Pöyunötenyi.”
Kewenga Yeso
(Mrk 9:2-13; Luk 9:28-36)
Currently Selected:
MATAYO 16: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
