MALAKI 3
3
1 #
Mat 11:10; Mrk 1:2; Luk 1:76; 7:27. Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”
2 #
Yol 2:11; Ngo 6:17. Wölo, ekïngo nyu köny nyo köngöy asisoni ngwïnöy nyinte? Ekïngo nyo lentöy oghyongöy, akany otini chumu nyinte?
“Karkegh nyinte nko ma nyo ngwan nyo pelöy nyïngwïtyan ntökïyï karïn akï karkegh nko sapuni nyo kiwunö sïro. 3Ngwïnöy nyinte kurwokyini pich le chi nyo wunöy akutïlil silpa. Tïlilöy pipö ara Lawi cho le tïsï atökumï kwipchï ECHOTYON ropöw cho tenote. 4Ngörokyini nyu atoni ECHOTYON ropöwo amörostin cho ipchini nyinte pipö Yuda nko Yerusalem le wölo kilata tagh.
5“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.
Ropöwo kareranpa taman
6“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs. 7Kïngeta osiswo papotïnekwa melö kitö arïpakwa kirurutköchan. Kïlenyona oyokunö kegh wölo omitan atö oyokwan kegh wölo omikwa. Wölo otepekwa lö, ‘Kiyokucha kegh wölo iminyi lö ne?’ 8Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa. 9Kikechïpokwa ye nyu nko kore kïmïkul ompöwölo kachoranïkwa. 10#Law 27:30; Kiy 18:21-24; Krt 12:6; 14:22-29; Nem 13:12. Opunö töpotenyan ropöwo kareranpa taman löwïr tökïmi Konyan omisyö atyamanïn nyu.
Mwoghöy ECHOTYON Kimuktoghin.
“Ato aghakwa lenyoni, oyotwokwa tïrisyeni yïm, akonokwa kisoyönut cho möngörï. 11Opkongan ptölök mam pagh nko omisyewut walaka cho mi parenikwa. Yinöy keti sapipun akwa nyo mötïny. 12Kurokwa nyu atoni pipö ngwïny kïmïkul lö, ‘Pich cho soyönote,’ ompöwölo lïku korenkwa kor nyo pïrchini pich kïmang.”
Mwoghöy Echotyon Kimuktoghin.
Kiyomisï Tororöt kisyonchin
13Lentöy ECHOTYON, “Kamwaghakwa ngal cho ghach nyoman parakunyan. Wölo otepekwa lö, ‘Akï ngal ne cho kakïmwaghacha parakungu nya?’ 14Otï kamwaghakwa lö, ‘Kwïle nyoman kepöghisyechï ECHOTYON. Nyiwu ne kegh kïgh kïrïp kegh nko kirurut pö ECHOTYON Kimuktoghin ata kelokyotö kuporï lö kikelelacha ompö tawunyi? 15Lentöy chi pich cho kisoyönöy kï pich cho le menet. Pich cho le mwokïyis cho kisoyönöy akï kïrkegh kïtyam chane Tororöt, puryö kïgh nyo kidoy chane.’ ”
16Atolapay kïngölonchinö pich cho kiwöghöy ECHOTYON. Kïter nyinte akïlïm ngalanengwa atolapay, ompö tawunyi, kekirchï kitapu kinanat kaynötut pö pïchoni kiwoghöy ECHOTYON akïkonyïtöy kaynenyi. 17Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte. 18Pkönchinokwa nyu ngat asisoni lö mi sisïn kwenu pipö man nko mwokïyis nko kwenu chi nyo pöghisyechini Tororöt nko melö pöghisyechini.”
Itu Asispa ECHOTYON
Currently Selected:
MALAKI 3: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
