PONGORINAH 5
5
Balun surat tutang Anak Tobiri
1 #
Yeh. 2:9-10; Yes. 29:11 Pongohuli, ahku nohto ijo balun surat, ang longon Io ijo tuot ang pododusan rih. Surat rih tuwi umba surat ang sila-ngosilaoh, tutang tonyegeloh umba pihtu segel. 2Turus ahku nohto ihcobehti molehkat ijo mamut na'ah-na'ah umba auh ijo hajo, ‘‘Iai ijo pahtut musit segel-segel tuh, tutang nguap surat tuh?’’ 3Tahpi pios ang soruga kanika ang tana, ata'ai ang pinda tana sinoka eam anai sombang ihcobehti ka'a ijo sanggup nguap surat tuh, tutang nohto koluwangoh. 4Mahka ahku nangih sosoguk tului eam anai ihcobehti ka ijo pahtut nguap surat rih, tutang nopahjah ko luwangoh. 5#Gen. 49:9; Yes. 11:1, 10 Turus anai ihcobehti tahkan louk okon-okon rih, nuhtui umba ahku, ‘‘Ara nangih! Nohto! Singa tahkan uhtus Yahuda, lihit Dawid ijo hajo, jari manang. Io sanggup musit pihtu segel tutang nguap surat rih.’’
6 #
Yes. 53:7; Sak. 4:10 Pongohino ahku nohto ihcokungan Anak Tobiri, tombok ang tohun pododusan-pododusan rih, tokodiling bain koohpat angbolum tutang paring okon rih. Anak Tobiri rih gihtanoh kolou jari tonyombolih. Io tepun pihtu tanduk tutang pihtu mahta; yorih pihtu roh tahkan Pohotala, ijo jari tonyuhu nokuh hopus kolunon. 7Pongohuli Anak Tobiri rih miar, tutang ngomin balun surat rih, tahkan longon kotoun ulun ijo tuot ang ngosan pododusan. 8#Msm. 141:2 Pondehan Anak Tobiri rih nguan kolourih, sembah-sukuh koohpat angbolum tutang koduo pulu ohpat ohkon rih ang husukoh. Iro nyino-nyinong nambit kocahpi tutang pihkan bulou ijo bosuang manyan, yorih do'a-do'a ukup Pohotala. 9#Msm. 33:3, 98:1; Yes. 42:10 Iro monyanyi ihco lagu ijo bohua:
‘‘Ihko pahtut ngomin surat rih
tutang musit segel-segeloh.
Tului Ihko jari tomunu, tutang honong popahtoi-Mu,
ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.
10 #
Ex. 19:6; Pongr. 1:6 Ihko jari ngonjodian iro ihco uhtus khusus imam-imam,
mangat iro mohalu Pohotalan ihto
tutang moretah ang ngosan tana.’’
11 #
Dan. 7:10
Pongohuli ahku nohto hino. Ahku ngonih auh molehkat, ijo bo kuhja-kuhjan tutang bo laksa-laksa karoioh. Iro tombok ngodiling pododusan tutang koohpat angbolum, homboh okon-okon rih. 12Tutang iro monyanyi umba auh ijo muhing,
‘‘Anak Tobiri ijo jari tonyombolih rih, pahtut ahkan norima kowasa,
ponahtou, kopihtaran tutang koba'as;
Io pahtut tonohoromat iou, tonohajo, tutang tonara-nara!’’
13Turus ahku ngonih angbolum-angbolum ang langit, ang tana, ang pinda tana, tutang ang luwang tasik – kourusoh angbolum-angbolum rih ang hopus-pinda-langit tuh – monyanyi,
‘‘Io ijo tuot ang ngosan pododusan, tutang Io Anak Tobiri rih,
anairih tonara tutang tonohoromat,
hawui ponohajo tutang bokowasa ahkan turus-jahamoh!’’
14Mahka koohpat angbolum rih numbah, ‘‘Amen!’’ Tutang okon-okon rih ka'a suhkuntu'ut tutang nyembah.
Currently Selected:
PONGORINAH 5: OTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1997 Indonesian Bible Society (Lembaga Alkitab Indonesia)
