PONGORINAH 15
15
Molehkat umba kosusah ijo kolaiuoh
1Pongohuli ahku nohto ang langit aang'co ijo helan, tutang luar biasa hebatoh. Anai pihtu molehkat hawui pihtu kosusah ijo laiuoh. Tuhrih koapah tikatoh Pohotala nusuh kosangit-Oh.
2Uliorih ahku nohto ang'co, ijo topahjahoh kolou tasik soramin sampur baho. Ahku nohto ka'a ulun-ulun ijo jari manang ngosan ohcin tutang kopahtungoh, tutang manang ngosan-ulun ijo araioh tononanda honong angka. Ulun-ulun ijo manang rih, tombok ang saran tasik soramin honong nambit kocahpi ijo tononga bain Pohotala ahkan iro. 3#Ex. 15:1 Tutang iro monyanyi, nyanyian Museh, jihpon Pohotala, tutang nyanyin Anak Tobiri. Koloutuh auhoh,
‘‘Tuhan, Pohotala Mahakowasa,
eaminon kohajoi tutang kohelanoh gawin-gawin-Mu!
Lahca kokaron uhtus,
eaminonrih adil tutang morong tindakan-tindakan-Mu!
4 #
Yer. 10:7; Msm. 86:9 Iairih ijo eam mihkoh umba-Mu Tuhan?
Iairih ijo eam kani mborihta kohajon-Mu?
Ihko iourih ijo borasih.
Paring uhtus ahkan lombut nyembah Ihko
tului tindakan-tindakan-Mu ijo adil
jari tonohto bain paring ulun.’’
5 #
Ex. 38:21
Uliorih ahku nohto Lohpou Tuhan ang soruga buap, tutang Kemah Tuhan anai ang luwangoh. 6Turus kopihtu molehkat rih, honong kopihtu kosusah rih, soluka tahkan Lohpou Pohotala. Hahtin iro tahkan benang lena ijo borasih tutang ngorolondang. Tutang iro mohapan ponutup husuk ijo tonawas umba bulou. 7Pongohuli anai ihco tahkan ohpat angbolum rih, nonga ahkan kopihtu molehkat rih, pihtu bawak kondarah bulou, ijo tuwi umba kosangit Pohotala – Pohotala ijo bolum turus-jahamoh. 8#Ex. 40:34; 1Lahc. 8:10-11; 2Kron. 5:13-14; Yes. 6:4 Mahka Lohpou Pohotala rih tuwi umba asop, tahkan kohajon tutang kowasa Pohotala. Tutang kotahin kopihtu kosusah ijo tonomin bain kopihtu molehkat rih jaha kolaiu, eam anai ihcobehti ka ijo dahpot nyolong nokuh luwang Lohpou Pohotala.
Currently Selected:
PONGORINAH 15: OTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1997 Indonesian Bible Society (Lembaga Alkitab Indonesia)
