1 KORINTUS 16
16
Pononga ahkan sama ihto ulun Kristen
1 #
Rum. 15:25-26
Uhuntuh tohou duit ijo ihkam kani nongaoh ahkan sama ihto ulun Kristen, ahku pingat mangat ihkam nguai sorurui potunjuk ijo jari ahku nonga ahkan ukup-ukup ang Galatia. 2Aang ondou pahtukoh, nyinong menggu, kopiosoh Konduang paringoh misah duit, nyinong behti sorurui umba kodahpotoh. Ngina duit orih nyiring ahku lombut, mangat aang ohkot rih eam porulu hino tonipun. 3Noin amat ahku lombut, ahku ahkan nyuhu ulun-ulun ijo jari ihkam sotujuoh. Ahku ahkan nonga ahkan iro surat pongitot, mangat iro ngomin duit pononga rih nokuh Yerusalem. 4Tutang amat topahjahoh pios, ijo ahku tulak ka'a umba iro, mahka ahku ahkan tulak homboh iro.
Rancana Paulus
5 #
Kes. Ras. 19:21
Ahku ahkan masap ihkam ulimba nguha Makedonia, bain ahku boniat ahkan nguha anan. 6Tou ka'a ahku ahkan mohcon honjulu umba ihkam, mihkoh kotahin musim sorongin. Uliorih ihkam duon dohop ahku noturus ponyalak nokuh unuk ijo pongooh. 7Ahku eam kani masap ihkam, sokadar tondo iou. Amat Tuhan ngijin, ahku jolik mohcon hawui tahi umba ihkam.
8 #
Lew. 23:15-21; Deut. 16:9-11 #Kes. Ras. 19:8-10 Pondehan rih ahku ahkan mohcon ang lowu tuh, ang Epesus, nyiring Ondou Pentakosta. 9Aro kosapetoh ang ohtoi ahkan karon-gawi ijo boguna, olu ka aro ka'a ulun ijo molawan.
10 #
1Kor. 4:17
Amat Timoteus lombut, nyambut io honong pios, mangat io nginyam rajin ang louk ihkam, tului io kolou ahku ka'a bogawi ahkan Tuhan. 11A'ai nyiring anai ijo moremeh io. Dohop io mangat io duon noturus ponyalaioh buli nokuh ahku hawui solamat, kotului ahku ngindoi polombutoh, homboh umba konduang-konduang ijo bohkonoh.
12Tohou konduang ihto Apolos, jari pira tikat ahku nonga tiruk ahkaioh, mangat io homboh konduang ijo bohkonoh, tulak masap ihkam. Tahpi io jaha komo yakin, ijo io harus tulak uhuntuh. Olu kodorih, amat anai kosapet noin, puna io ahkan lombut.
Ponuhtup surat
13Kohondakrih ihkam borondong tutang segah ang pombolum'mu kolou ulun Kristen. Nguanaang hawui bohanyi tutang jadi ba'as. 14Paring ijo ihkam nguai, nguan rih hawui ngasi.
15 #
1Kor. 1:16
Konduang punaoh ngosono Stepanus tutang ukup jolahai; iro ijo pahtukoh monjadi ulun Kristen ang Akhaya. Iro honong kotuwi ahtoi, bogawi khusus ahkan mohalu ukup Pohotala. 16Ahku nongatiruk honong tu'u-tu'u, mangat ihkam nutut okon ulun-ulun ijo kolourih, hawui ulun-ulun bohkon ijo bogawi sama tutang mohalu homboh iro.
17Ahku sanang ngosan polombut Stepanus, Portunatus, tutang Akkaikus; Iro koloujahka tokirin ihkam ahkak'ku. 18Iro jari napa ahtoi'ku monjadi jorih, kolou iro ngojorih ahtoi'mu. Ulun-ulun kolou orih harus tonorega.
19 #
Kes. Ras. 18:2
Ukup-ukup ang Asia ngirim taben iro ahkan ihkam. Akwila tutang Priskila, hawui ukup ijo hopuhpung ang lohpou iro ka, ngirim taben Kristen ijo bolasut. 20Paring konduang ang ohtoi ngirim tahbe ahkan ihkam.
Hotabe-hotabe ijo mesra kolou konduang Kristen.
21Ahku ndahangoh ang ohtoi, tabe ijo ahku nyuratoh bongok: Tahbe tahkan ahku, Paulus.
22Ulun ijo eam sita Tuhan, nauhoh io buah tulut!
MARANAHTA – Tuhan ihkai, lombut iou!
23Keleh Tuhan Yesus mborehkat Konduang.
24Homboh kasih ahkan Konduang paringoh ijo hihco umba Kristus Yesus.
Horomat ihkai, Paulus
Currently Selected:
1 KORINTUS 16: OTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1997 Indonesian Bible Society (Lembaga Alkitab Indonesia)
