OBUBALI 20
20
Amaatsi akarula mulwanda
(Okhur. 17:1-7)
1Mumwesi kwokhuranga omukanda kwosi okwa Baisiraeli kwenjila musitsiimi sia Sini ma nibamenya musibala sia Kadeshi; naye Miriamu nafwilayo, nayabilwa ebwene yiyio.
2Ne habwene yaho amaatsi sikalikhwoho khulwa abomukanda tawe; nabo nibebunjikha halala okhwekaan'na Musa nende Haruni. 3Abandu bekaana nibaboola mbu, “Bwakhabeye bulahi nikhwakhafwiliye imbeli we Liheema lio MWAMI halala na Baisiraeli basiefwe. 4Busina nimukhuleera ifwe musitsiimi muno, mbu ifwe nende emiruko chiefwe khufwilemwo? 5Khandi busina nimukhuhinia okhurula Emisiri nimukhuleera habundu habi ahesindu sirakhulanga hano? Sihali habundu hokhuraaka amatuma, nohomba emikhuyu, nohomba emisabibu kata emikomoli tawe; kata amaatsi kokhunywa kabulaho.” 6Ma Musa nende Haruni nibarula ahabandu bali nibenjikhile nibatsia habwinjil'lo bwe Liheema liokhubaho khwo MWAMI nibeenamia obweni bwabwe hasi; oluyali lwo MWAMI nilubalolekhela.
7OMWAMI nabool'la Musa mbu, 8“Bukula indabusi eli imbeli we Lisanduku lie Indakano, ma obunjelesie abomukanda, ibe nende Haruni omwana wenywe; ma mul'lome khulwanda yilwo imbeli wabwe, mbu luhaane amaatsi kalwo; ne olwanda lulahinia amaatsi. Ibe olahinia amaatsi okhurula mulwanda khulwabandu okhunywa khandi nende emiruko chiabwe.” 9Kho Musa yatsia nabukula indabusi tsana singa OMWAMI yali namulachile.
10Ma Musa nende Haruni nibabunjelesia omukanda halala imbeli wolwanda, naye nababool'la mbu, “Hulile inywe abeinduli; kali ifwe khwakhamuhiniisia amaatsi mulwanda imu noho?” 11Musa nachinguula omukhono kukwe, nakhupa olwanda neindabusiye khabili. Amaatsi nikarulamwo amenji, ma abomukanda nibanywa, khandi emiruko chiabwe nichinywa.
12OMWAMI nabool'la Musa nende Haruni mbu, “Sichila simwabeye nobusubili obuhela mu ise khulwokhuhaana oluyali khubunyali bwanje obutsienukhu imbeli wabandu ba Isiraeli tawe, sinamubemel'le okhwola musibala sia ndesuha okhubaha tawe.” 13Kano kekholekhela Meriba#20:13 Meriba Muluheburania liboolanga mbu okhwekaana., aha abandu ba Isiraeli bekaan'na OMWAMI, naye namanyia obutsienukhubwe mubo.
Omuruchi wa Edomu yeekal'la Abaisiraeli balekhe okhubira musibalasie
14Ma Musa naruma abarumwa khumuruchi wa Edomu okhurula Kadeshi, naboola mbu, “Abekho benywe ba Isiraeli baboolanga mbu, mumanyile amatinyu kosi akakhukwila, 15singa obwa abakuka befwe bakongoma nibatsia Emisiri, ifwe nikhumenya Emisiri oluhono olurambi; Abaamisiri nabo nibakhukhupia khusibi, ifwe nende abakuka befwe. 16Ne olwa khwalakayila OMWAMI, yahulila omwoyo kwefwe, naruma om'malaika, nakhuhiinia Emisiri; ne lola, khuli hano Kadeshi, litaala elili khulwakho lwesiba sienywe. 17Khumusaayanga mbu mukhuhuchiil'le khubir're musibala sienywe. Sikhulabir'ra m'mukunda kwosi, kata mumukunda kwemisabibu nohomba kata okhunywa khumaatsi akomumayabo tawe. Khulabir'ra khumuhanda kwomuruchi; sikhulebera khumukhono omusaatsa kata omukhasi tawe, okhwola olwa khuba nikhubir're esibala sienywe.”
18Abaedomu nabo nibabakalusia mbu “Murakhabir'rakhwo musibala siefwe tawe; khwakharula netsinganga okhumulwana.”
19Ne abandu ba Isiraeli nibababool'la mbu, “Khulalonda khumuhanda kwonyene; ne kata ifwe nikhuba nikhunywakhwo khumaatsi kenywe nohomba emiruko chiefwe nichinywakhwo nakhurunje obukusi bwako – esiakhwenyanga butswa nokhubir'ramwo khubilenje, khubula akandi.”
20Abaedomu nibakalusia nibaboola mbu, “Simulabir'ramwo tawe,” ma nibarula okhutsia okhuseera abandu ba Isiraeli nibali nabasikari abetsingufu tsinyinji. 21Khulwa mbu abandu ba Edomu bekal'la Abaisiraeli okhubir'ra musibala siabwe, Abaisiraeli basukhana okhurula khubo nibalonda khunjila yindi.
Okhufwa khwa Haruni
22Abomukanda kwosi okwa Abaisiraeli barula Kadeshi, ma niboola hasikulu sia Hori, 23esili khulwakho lwa Edomu. Habwene yaho, OMWAMI yal'loma na Musa nende Haruni naboola mbu, 24“Haruni siyetsa okhwinjila musibala esia ndesuha okhuhelesia abandu ba Isiraeli tawe; yetsa okhufwa sichila ibe n'naye mwali okhusuula okhulonda lilako lianje nimuli hamaatsi ka Meriba. 25Bukula Haruni nende Eliasa omusianiwe, witse n'nabo khusikulu sia Hori; 26ma ohiinie Haruni tsingubotsie tsiobwesaalisi, otsibiikhe khu Eliasa omusianiwe ebwene iyo.” 27Kho Musa nakhola singa OMWAMI yamulaka. Baniina khusikulu sia Hori imbeli womukanda kwosi. 28Ma Musa nahiinia Haruni tsingubotsie tsiobwesaalisi namubiikha Eliasa omusianiwe ma Haruni nafwilayo khubutenje bwesikulu tsana. Ma Musa nende Eliasa nibeekha okhurula khusikulu,#Okhur. 29:29; Obub. 33:38; Okhuka. 10:6 29Ne olwa abomukanda kwosi balola mbu Haruni ufwiye, bosi bamwekhuula khulwa amatukhu amakhumi kataru.
Currently Selected:
OBUBALI 20: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
OBUBALI 20
20
Amaatsi akarula mulwanda
(Okhur. 17:1-7)
1Mumwesi kwokhuranga omukanda kwosi okwa Baisiraeli kwenjila musitsiimi sia Sini ma nibamenya musibala sia Kadeshi; naye Miriamu nafwilayo, nayabilwa ebwene yiyio.
2Ne habwene yaho amaatsi sikalikhwoho khulwa abomukanda tawe; nabo nibebunjikha halala okhwekaan'na Musa nende Haruni. 3Abandu bekaana nibaboola mbu, “Bwakhabeye bulahi nikhwakhafwiliye imbeli we Liheema lio MWAMI halala na Baisiraeli basiefwe. 4Busina nimukhuleera ifwe musitsiimi muno, mbu ifwe nende emiruko chiefwe khufwilemwo? 5Khandi busina nimukhuhinia okhurula Emisiri nimukhuleera habundu habi ahesindu sirakhulanga hano? Sihali habundu hokhuraaka amatuma, nohomba emikhuyu, nohomba emisabibu kata emikomoli tawe; kata amaatsi kokhunywa kabulaho.” 6Ma Musa nende Haruni nibarula ahabandu bali nibenjikhile nibatsia habwinjil'lo bwe Liheema liokhubaho khwo MWAMI nibeenamia obweni bwabwe hasi; oluyali lwo MWAMI nilubalolekhela.
7OMWAMI nabool'la Musa mbu, 8“Bukula indabusi eli imbeli we Lisanduku lie Indakano, ma obunjelesie abomukanda, ibe nende Haruni omwana wenywe; ma mul'lome khulwanda yilwo imbeli wabwe, mbu luhaane amaatsi kalwo; ne olwanda lulahinia amaatsi. Ibe olahinia amaatsi okhurula mulwanda khulwabandu okhunywa khandi nende emiruko chiabwe.” 9Kho Musa yatsia nabukula indabusi tsana singa OMWAMI yali namulachile.
10Ma Musa nende Haruni nibabunjelesia omukanda halala imbeli wolwanda, naye nababool'la mbu, “Hulile inywe abeinduli; kali ifwe khwakhamuhiniisia amaatsi mulwanda imu noho?” 11Musa nachinguula omukhono kukwe, nakhupa olwanda neindabusiye khabili. Amaatsi nikarulamwo amenji, ma abomukanda nibanywa, khandi emiruko chiabwe nichinywa.
12OMWAMI nabool'la Musa nende Haruni mbu, “Sichila simwabeye nobusubili obuhela mu ise khulwokhuhaana oluyali khubunyali bwanje obutsienukhu imbeli wabandu ba Isiraeli tawe, sinamubemel'le okhwola musibala sia ndesuha okhubaha tawe.” 13Kano kekholekhela Meriba#20:13 Meriba Muluheburania liboolanga mbu okhwekaana., aha abandu ba Isiraeli bekaan'na OMWAMI, naye namanyia obutsienukhubwe mubo.
Omuruchi wa Edomu yeekal'la Abaisiraeli balekhe okhubira musibalasie
14Ma Musa naruma abarumwa khumuruchi wa Edomu okhurula Kadeshi, naboola mbu, “Abekho benywe ba Isiraeli baboolanga mbu, mumanyile amatinyu kosi akakhukwila, 15singa obwa abakuka befwe bakongoma nibatsia Emisiri, ifwe nikhumenya Emisiri oluhono olurambi; Abaamisiri nabo nibakhukhupia khusibi, ifwe nende abakuka befwe. 16Ne olwa khwalakayila OMWAMI, yahulila omwoyo kwefwe, naruma om'malaika, nakhuhiinia Emisiri; ne lola, khuli hano Kadeshi, litaala elili khulwakho lwesiba sienywe. 17Khumusaayanga mbu mukhuhuchiil'le khubir're musibala sienywe. Sikhulabir'ra m'mukunda kwosi, kata mumukunda kwemisabibu nohomba kata okhunywa khumaatsi akomumayabo tawe. Khulabir'ra khumuhanda kwomuruchi; sikhulebera khumukhono omusaatsa kata omukhasi tawe, okhwola olwa khuba nikhubir're esibala sienywe.”
18Abaedomu nabo nibabakalusia mbu “Murakhabir'rakhwo musibala siefwe tawe; khwakharula netsinganga okhumulwana.”
19Ne abandu ba Isiraeli nibababool'la mbu, “Khulalonda khumuhanda kwonyene; ne kata ifwe nikhuba nikhunywakhwo khumaatsi kenywe nohomba emiruko chiefwe nichinywakhwo nakhurunje obukusi bwako – esiakhwenyanga butswa nokhubir'ramwo khubilenje, khubula akandi.”
20Abaedomu nibakalusia nibaboola mbu, “Simulabir'ramwo tawe,” ma nibarula okhutsia okhuseera abandu ba Isiraeli nibali nabasikari abetsingufu tsinyinji. 21Khulwa mbu abandu ba Edomu bekal'la Abaisiraeli okhubir'ra musibala siabwe, Abaisiraeli basukhana okhurula khubo nibalonda khunjila yindi.
Okhufwa khwa Haruni
22Abomukanda kwosi okwa Abaisiraeli barula Kadeshi, ma niboola hasikulu sia Hori, 23esili khulwakho lwa Edomu. Habwene yaho, OMWAMI yal'loma na Musa nende Haruni naboola mbu, 24“Haruni siyetsa okhwinjila musibala esia ndesuha okhuhelesia abandu ba Isiraeli tawe; yetsa okhufwa sichila ibe n'naye mwali okhusuula okhulonda lilako lianje nimuli hamaatsi ka Meriba. 25Bukula Haruni nende Eliasa omusianiwe, witse n'nabo khusikulu sia Hori; 26ma ohiinie Haruni tsingubotsie tsiobwesaalisi, otsibiikhe khu Eliasa omusianiwe ebwene iyo.” 27Kho Musa nakhola singa OMWAMI yamulaka. Baniina khusikulu sia Hori imbeli womukanda kwosi. 28Ma Musa nahiinia Haruni tsingubotsie tsiobwesaalisi namubiikha Eliasa omusianiwe ma Haruni nafwilayo khubutenje bwesikulu tsana. Ma Musa nende Eliasa nibeekha okhurula khusikulu,#Okhur. 29:29; Obub. 33:38; Okhuka. 10:6 29Ne olwa abomukanda kwosi balola mbu Haruni ufwiye, bosi bamwekhuula khulwa amatukhu amakhumi kataru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019