OBUBALI 19
19
Okhusiiywa okhurula mumusilo
1OMWAMI yalaka Musa nende Haruni 2okhuhaana amalako kano khu Baisiraeli. Muler're Musa nende Haruni ing'ombe inando#19:2 Inando Muluheburania mbu: Inzakhanyu. eralikhwo nobulema bwosi, khandi esili okhureebwakhwo likokolo tawe, 3ma muhelesie omwesaalisi Eliasa. Naye atsihiinie esioba wekambi, omundu achisinze naye nalola. 4Ma Eliasa omwesaalisi abukule khumatsahi kayo khusiteresie, nakamiitsa hali khane nakhataru nachoomisie ahe Liheema liokhubaho khwo MWAMI. 5Ma omundu asambe ing'ombe tsana halala neliseelo liayo neinyama, namatsahi, nobuse imbeli womwesaalisi. 6Ne omwesaalisi abukule olusaala lwomusiita, namabinu, nomukoye omwakhanyu, abifuube mumul'lo. 7Ma olunyuma, omwesaalisi asaabe tsingubotsie, niyesinga omubili mumaatsi, ne olunyumakhwo yenjile mukambi; nebutswa omwesaalisi uyo alaba mumusilo okhwola khumukolooba kwelitukhu yilio. 8Owokhuchisamba khandi naye asaabe tsingubotsie, niyesinga omubili; naye khandi alaba mumusilo okhwola khumukolooba okwelitukhu yilio. 9Ne omundu oli omusiiyikhu ayoye likokhe lieing'ombe tsana, nalibiikha esioba wekambi habundu ahasiyikhu. Libiikhilwe abandu ba Isiraeli okhulomba amaatsi kokhuhinia omusilo. Omulukha yikwo kukholwe khulwo khuhinia.#Heb. 9:13 10Owokhuyoya likokhe tsana naye asaabe tsingubotsie, naye khandi alaba mumusilo okhwola khumukolooba. Lilako yili lirumikhilwenje amatukhu kosi aketsanga ne okhwola lihesibwe na Baisiraeli nende abacheni abamenyibwa mubo.
Okhutiila khumulambo
11Omundu wosi owakhatiila khumulambo kwomufu wosi abe mumusilo khulwamatukhu kane nakataru. 12Omwene uyo yesiiye mumaatsi kokhusiiya khwitukhu liakhataru, nende khwitukhu liakhane nakhataru, ma alaba omusiiyikhu. Ne naba nareesiiya khwitukhu liakhataru nende khwitukhu liakhane nakhataru, sialaba nali omusiiyikhu tawe. 13Omundu wosi owakhatiilakhwo khumulambo kwomundu wosi ofwiye, ne naresiiya tawe, amenyanga nali mumusilo, sichila amaatsi kokhusiiya sikamwohwakhwo tawe.
14Omundu naba nafwila mwiheema, omundu wosi oba naali mwiheema yimwo, olwene yilwo nende omundu wosi oba niyenjila mwo, alaba owomusili amatukhu kane nakataru. 15Khandi esindu siosi esiba nisiikuukhile, nisirafuunikhilwekhwo esifuunikho tawe, silaba esiomusilo. 16Kata omundu wosi oba natiilakhwo khumundu owiriywe esioba nolukanga, nohomba khumulambo kwosi, nohomba khwikumba liomundu kata khusilindwa, alaba mumusilo amatukhu kane nakataru.
17Okhuhiiniaho omusilo yikwo, abandu babukulekhwo khwikokhe lieing'ombe inando eyali okhusambwa khulwokhuhinia tsimbi ma balire mundabu nibatsokanisiamwo amaatsi amalengelu. 18Ma olwokhuranga, omundu omusiiyikhu abukule amabinu, yene mumaatsi tsana, namiitsa khwiheema, nokhubimanulwa biosi, nokhubandu abaali nibaliho. Olwakhabili, omundu omusiiyikhu amiitse amaatsi tsana khumundu mwene otiil'lekhwo khwikumba, nohomba khu uyo owir'rwe nohomba khusilindwa. 19Khandi khwitukhu liakhataru nende khuliakhane nakhataru, omundu omusiiyikhu amiitse amaatsi khumundu womusilo uyo. Ne khwitukhu liakhane nakhataru amusiiye, ne omundu wosi asaabe tsingubotsie, niyesinga omubili mumaatsi, ma khumukolooba alaba nali omusiiyikhu.
20Nebutswa omundu wosi oba nali mumusilo ne naresiiya omwene tawe, omundu uyo alatsilil'la okhuba mumusilo sichila amaatsi kokhusiiya sikaali okhwohwa khuye tawe. Afwabianga Liheema lio MWAMI ne salabalwakhwo singa mulala khubandu ba Nyasaye tawe. 21Okhwola muhesie lilako lino amatukhu kosi aketsanga. Omundu omiitsanga amaatsi kokhusiiya okhwola asaabe tsingubotsie; omundu wosi otiilakhwo khumaatsi alaba mumusilo okhwola khumukolooba. 22Ne siosi siosi esiomundu oli mumusilo atiilakhwo, nasio silikwa esiomusilo; ne omundu ositiilakhwo alaba owomusilo okhwola khumukolooba.
Currently Selected:
OBUBALI 19: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
OBUBALI 19
19
Okhusiiywa okhurula mumusilo
1OMWAMI yalaka Musa nende Haruni 2okhuhaana amalako kano khu Baisiraeli. Muler're Musa nende Haruni ing'ombe inando#19:2 Inando Muluheburania mbu: Inzakhanyu. eralikhwo nobulema bwosi, khandi esili okhureebwakhwo likokolo tawe, 3ma muhelesie omwesaalisi Eliasa. Naye atsihiinie esioba wekambi, omundu achisinze naye nalola. 4Ma Eliasa omwesaalisi abukule khumatsahi kayo khusiteresie, nakamiitsa hali khane nakhataru nachoomisie ahe Liheema liokhubaho khwo MWAMI. 5Ma omundu asambe ing'ombe tsana halala neliseelo liayo neinyama, namatsahi, nobuse imbeli womwesaalisi. 6Ne omwesaalisi abukule olusaala lwomusiita, namabinu, nomukoye omwakhanyu, abifuube mumul'lo. 7Ma olunyuma, omwesaalisi asaabe tsingubotsie, niyesinga omubili mumaatsi, ne olunyumakhwo yenjile mukambi; nebutswa omwesaalisi uyo alaba mumusilo okhwola khumukolooba kwelitukhu yilio. 8Owokhuchisamba khandi naye asaabe tsingubotsie, niyesinga omubili; naye khandi alaba mumusilo okhwola khumukolooba okwelitukhu yilio. 9Ne omundu oli omusiiyikhu ayoye likokhe lieing'ombe tsana, nalibiikha esioba wekambi habundu ahasiyikhu. Libiikhilwe abandu ba Isiraeli okhulomba amaatsi kokhuhinia omusilo. Omulukha yikwo kukholwe khulwo khuhinia.#Heb. 9:13 10Owokhuyoya likokhe tsana naye asaabe tsingubotsie, naye khandi alaba mumusilo okhwola khumukolooba. Lilako yili lirumikhilwenje amatukhu kosi aketsanga ne okhwola lihesibwe na Baisiraeli nende abacheni abamenyibwa mubo.
Okhutiila khumulambo
11Omundu wosi owakhatiila khumulambo kwomufu wosi abe mumusilo khulwamatukhu kane nakataru. 12Omwene uyo yesiiye mumaatsi kokhusiiya khwitukhu liakhataru, nende khwitukhu liakhane nakhataru, ma alaba omusiiyikhu. Ne naba nareesiiya khwitukhu liakhataru nende khwitukhu liakhane nakhataru, sialaba nali omusiiyikhu tawe. 13Omundu wosi owakhatiilakhwo khumulambo kwomundu wosi ofwiye, ne naresiiya tawe, amenyanga nali mumusilo, sichila amaatsi kokhusiiya sikamwohwakhwo tawe.
14Omundu naba nafwila mwiheema, omundu wosi oba naali mwiheema yimwo, olwene yilwo nende omundu wosi oba niyenjila mwo, alaba owomusili amatukhu kane nakataru. 15Khandi esindu siosi esiba nisiikuukhile, nisirafuunikhilwekhwo esifuunikho tawe, silaba esiomusilo. 16Kata omundu wosi oba natiilakhwo khumundu owiriywe esioba nolukanga, nohomba khumulambo kwosi, nohomba khwikumba liomundu kata khusilindwa, alaba mumusilo amatukhu kane nakataru.
17Okhuhiiniaho omusilo yikwo, abandu babukulekhwo khwikokhe lieing'ombe inando eyali okhusambwa khulwokhuhinia tsimbi ma balire mundabu nibatsokanisiamwo amaatsi amalengelu. 18Ma olwokhuranga, omundu omusiiyikhu abukule amabinu, yene mumaatsi tsana, namiitsa khwiheema, nokhubimanulwa biosi, nokhubandu abaali nibaliho. Olwakhabili, omundu omusiiyikhu amiitse amaatsi tsana khumundu mwene otiil'lekhwo khwikumba, nohomba khu uyo owir'rwe nohomba khusilindwa. 19Khandi khwitukhu liakhataru nende khuliakhane nakhataru, omundu omusiiyikhu amiitse amaatsi khumundu womusilo uyo. Ne khwitukhu liakhane nakhataru amusiiye, ne omundu wosi asaabe tsingubotsie, niyesinga omubili mumaatsi, ma khumukolooba alaba nali omusiiyikhu.
20Nebutswa omundu wosi oba nali mumusilo ne naresiiya omwene tawe, omundu uyo alatsilil'la okhuba mumusilo sichila amaatsi kokhusiiya sikaali okhwohwa khuye tawe. Afwabianga Liheema lio MWAMI ne salabalwakhwo singa mulala khubandu ba Nyasaye tawe. 21Okhwola muhesie lilako lino amatukhu kosi aketsanga. Omundu omiitsanga amaatsi kokhusiiya okhwola asaabe tsingubotsie; omundu wosi otiilakhwo khumaatsi alaba mumusilo okhwola khumukolooba. 22Ne siosi siosi esiomundu oli mumusilo atiilakhwo, nasio silikwa esiomusilo; ne omundu ositiilakhwo alaba owomusilo okhwola khumukolooba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019