OBUBALI 2
2
Obuloosie bwetsinzibulo mukambi
1OMWAMI yahelesia Musa nende Haruni amalako kano. 2“Olwa Abaisiraeli bakhoma ekambi yabwe, buli mundu yombokhe liheema lilie hasimanyilo siomukanda kwabwe nende ependela yolwibulo lwabwe. Amahema kombokhwe okhubotokhana Liheema liokhubaho khwanje.
3“Yabo abakhoma ekambi yabwe khulubeka lwebukwe ahe eliuba lirul'langa, nababe abomukanda kwabandu bali hasi hependera ya Yuda, ne Nashoni omwana wa Aminadabu nali niye omwemeli wabwe. 4Omukandakwe, yabo ababalwa khubo, bali etsielefu amakhumi kane nakataru natsine nende tsimia tsisasaba. 5Yabo abalakhoma ekambi yabwe okhulondokhana n'naye niyabo abolwibulo lwa Isakari, Netsaneli omusiani wa Suari nali niye omwemeli wabwe. 6Omukandakwe, yabo ababalwa khubo, bali etsielefu amakhumi karano natsine, netsimia tsine. 7Ma olwibulo lwa Sabuloni, Eliabu omusiani wa Heloni nali niye omwemeli wabwe. 8Omukandakwe, yabo ababalwa khubo bali etsielefu amakhumi karano natsine natsitaru netsimia tsine. 9Yabo bosi ababalwa abokhukambi ya Yuda bali etsielefu emia ndala namakhumi munane natsisasaba, nende tsimia tsine, mumikanda chiabwe. Nibo abanabaranjil'lenje okhurula.
10“Khulubeka lwenandete, abesimanyilo siomukanda kwa Rubeni nabakhomeho ekambi yabwe. Elisuri omusiani wa Shedeuri nali niye omwemeli weinzu ya Rubeni. 11Omukandakwe, yabo ababalwa khubo, bali etsielefu amakhumi kane natsisasaba, netsimia tsirano. 12Yabo abalakhoma ekambi yabwe okhulondokhana n'naye, niyabo abolwibulo lwa Simioni, Selumieli omusiani wa Surishadai nali niye omwemeli wabwe. 13Omukandakwe, yabo ababalwa khubo, bali etsielefu amakhumi karano natsirano natsine netsimia tsitaru. 14Ma olwibulo lwa Gadi, Eliasafu omusiani wa Reneli nali niye omwemeli wabwe. 15Omukandakwe yabo ababalwa khubo, bali etsielefu amakhumi kane natsirano, tsimia tsisasaba namakhumi karano. 16Yabo bosi ababalwa abokhukambi ya Rubeni, bali etsielefu emia ndala namakhumi karano nandala, tsimia tsine namakhumi karano. Nabo nababetsenje abakhabili okhurula.
17“Ma nilwo olweliheema liokhubaho khwo MWAMI nalirulenje okhulondokhwo, halala nekambi ya Balawi hakari wetsikambi tsindi. Singa obwa bakhomanga amaheema kabwe, nimbwo nabarulenje khandi, buli mundu habunduwe khubilolelo biabwe.
18“Khulubeka lwemasaba, esilolelo siekambi ya Efuraimu silabaho mumikanda chiabwe; Elishama omusiani wa Amihudi nali niye omwemeli wabwe. 19Omukandakwe, yabo ababalwa khubo, bali etsielefu amakhumi kane netsimia tsirano. 20Yabo abalakhoma ekambi yabwe okhulondokhana n'naye, niyabo abolwibulo lwa Manase, Gamalieli omusiani wa Pedasuri nali niye omwemeli wabwe. 21Omukandakwe, yabo ababalwa khubo, bali etsielefu amakhumi kataru natsibili netsimia tsitaru. 22Ma olwibulo lwa Benjameni, Abidani omusiani wa Gideoni nali niye omwemeli wabwe. 23Omukandakwe, yabo ababalwa khubo, bali etsielefu amakhumi kataru natsirano, netsimia tsine. 24Yabo bosi ababalwa abokhukambi ya Efuraimu, emikanda chiabwe, bali etsielefu emia ndala namunane, nende emia ndala. Nabo nababetsenje abakhataru okhurula.
25“Khulubeka lwesinyolu, abesimanyilo siomukanda kwa Dani balakhomayo ekambi yabwe. Abieseri omusiani wa Amishadai nali niye omwemeli wabwe. 26Omukandakwe, yabo ababalwa khubo, bali etsielefu amakhumi kasasaba natsibili netsimia tsine natsitaru. 27Yabo abalakhoma ekambi yabwe okhulondokhana n'naye balaba abolwibulo lwa Asheri; Pagieli omusiani wa Okirani nali niye omwemeli wabwe. 28Omukandakwe, yabo ababalwa khubo, bali etsielefu amakhumi kane nandala netsimia tsirano. 29Ma olwibulo lwa Nafutali; Ahira omusiani wa Enani nali niye omwemeli wabwe. 30Omukandakwe, yabo ababalwa khubo, bali etsielefu amakhumi karano natsitaru netsimia tsine. 31Yabo bosi ababalwa abokhukambi ya Dani bali etsielefu tsimia amakhumi karano natsine natsitaru netsimia tsisasaba. Nibo abalamal'likha okhurula, khubilolelo biabwe.”
32Yabo nibo abandu ba Isiraeli ababalwa bosi mubilibwa biabwe; mutsikambi tsiabwe, nende mumikanda chiabwe, bali etsielefu tsimia tsisasaba natsitaru netsimia tsirano namakhumi karano. 33Nebutswa Abalawi sibabal'lwa mubandu ba Isiraeli tawe, singa butswa obwa OMWAMI yalaka Musa.
34Kho abandu ba Isiraeli bakhola amang'ana kosi ako MWAMI yalaka Musa. Bakhoma etsikambi, buli mundu hasilolelo siabwe, khandi olwa bachaaka okhuchenda, buli mundu yalinji mubeinyumba yabwe, mubilibwa biabwe.
Currently Selected:
OBUBALI 2: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
OBUBALI 2
2
Obuloosie bwetsinzibulo mukambi
1OMWAMI yahelesia Musa nende Haruni amalako kano. 2“Olwa Abaisiraeli bakhoma ekambi yabwe, buli mundu yombokhe liheema lilie hasimanyilo siomukanda kwabwe nende ependela yolwibulo lwabwe. Amahema kombokhwe okhubotokhana Liheema liokhubaho khwanje.
3“Yabo abakhoma ekambi yabwe khulubeka lwebukwe ahe eliuba lirul'langa, nababe abomukanda kwabandu bali hasi hependera ya Yuda, ne Nashoni omwana wa Aminadabu nali niye omwemeli wabwe. 4Omukandakwe, yabo ababalwa khubo, bali etsielefu amakhumi kane nakataru natsine nende tsimia tsisasaba. 5Yabo abalakhoma ekambi yabwe okhulondokhana n'naye niyabo abolwibulo lwa Isakari, Netsaneli omusiani wa Suari nali niye omwemeli wabwe. 6Omukandakwe, yabo ababalwa khubo, bali etsielefu amakhumi karano natsine, netsimia tsine. 7Ma olwibulo lwa Sabuloni, Eliabu omusiani wa Heloni nali niye omwemeli wabwe. 8Omukandakwe, yabo ababalwa khubo bali etsielefu amakhumi karano natsine natsitaru netsimia tsine. 9Yabo bosi ababalwa abokhukambi ya Yuda bali etsielefu emia ndala namakhumi munane natsisasaba, nende tsimia tsine, mumikanda chiabwe. Nibo abanabaranjil'lenje okhurula.
10“Khulubeka lwenandete, abesimanyilo siomukanda kwa Rubeni nabakhomeho ekambi yabwe. Elisuri omusiani wa Shedeuri nali niye omwemeli weinzu ya Rubeni. 11Omukandakwe, yabo ababalwa khubo, bali etsielefu amakhumi kane natsisasaba, netsimia tsirano. 12Yabo abalakhoma ekambi yabwe okhulondokhana n'naye, niyabo abolwibulo lwa Simioni, Selumieli omusiani wa Surishadai nali niye omwemeli wabwe. 13Omukandakwe, yabo ababalwa khubo, bali etsielefu amakhumi karano natsirano natsine netsimia tsitaru. 14Ma olwibulo lwa Gadi, Eliasafu omusiani wa Reneli nali niye omwemeli wabwe. 15Omukandakwe yabo ababalwa khubo, bali etsielefu amakhumi kane natsirano, tsimia tsisasaba namakhumi karano. 16Yabo bosi ababalwa abokhukambi ya Rubeni, bali etsielefu emia ndala namakhumi karano nandala, tsimia tsine namakhumi karano. Nabo nababetsenje abakhabili okhurula.
17“Ma nilwo olweliheema liokhubaho khwo MWAMI nalirulenje okhulondokhwo, halala nekambi ya Balawi hakari wetsikambi tsindi. Singa obwa bakhomanga amaheema kabwe, nimbwo nabarulenje khandi, buli mundu habunduwe khubilolelo biabwe.
18“Khulubeka lwemasaba, esilolelo siekambi ya Efuraimu silabaho mumikanda chiabwe; Elishama omusiani wa Amihudi nali niye omwemeli wabwe. 19Omukandakwe, yabo ababalwa khubo, bali etsielefu amakhumi kane netsimia tsirano. 20Yabo abalakhoma ekambi yabwe okhulondokhana n'naye, niyabo abolwibulo lwa Manase, Gamalieli omusiani wa Pedasuri nali niye omwemeli wabwe. 21Omukandakwe, yabo ababalwa khubo, bali etsielefu amakhumi kataru natsibili netsimia tsitaru. 22Ma olwibulo lwa Benjameni, Abidani omusiani wa Gideoni nali niye omwemeli wabwe. 23Omukandakwe, yabo ababalwa khubo, bali etsielefu amakhumi kataru natsirano, netsimia tsine. 24Yabo bosi ababalwa abokhukambi ya Efuraimu, emikanda chiabwe, bali etsielefu emia ndala namunane, nende emia ndala. Nabo nababetsenje abakhataru okhurula.
25“Khulubeka lwesinyolu, abesimanyilo siomukanda kwa Dani balakhomayo ekambi yabwe. Abieseri omusiani wa Amishadai nali niye omwemeli wabwe. 26Omukandakwe, yabo ababalwa khubo, bali etsielefu amakhumi kasasaba natsibili netsimia tsine natsitaru. 27Yabo abalakhoma ekambi yabwe okhulondokhana n'naye balaba abolwibulo lwa Asheri; Pagieli omusiani wa Okirani nali niye omwemeli wabwe. 28Omukandakwe, yabo ababalwa khubo, bali etsielefu amakhumi kane nandala netsimia tsirano. 29Ma olwibulo lwa Nafutali; Ahira omusiani wa Enani nali niye omwemeli wabwe. 30Omukandakwe, yabo ababalwa khubo, bali etsielefu amakhumi karano natsitaru netsimia tsine. 31Yabo bosi ababalwa abokhukambi ya Dani bali etsielefu tsimia amakhumi karano natsine natsitaru netsimia tsisasaba. Nibo abalamal'likha okhurula, khubilolelo biabwe.”
32Yabo nibo abandu ba Isiraeli ababalwa bosi mubilibwa biabwe; mutsikambi tsiabwe, nende mumikanda chiabwe, bali etsielefu tsimia tsisasaba natsitaru netsimia tsirano namakhumi karano. 33Nebutswa Abalawi sibabal'lwa mubandu ba Isiraeli tawe, singa butswa obwa OMWAMI yalaka Musa.
34Kho abandu ba Isiraeli bakhola amang'ana kosi ako MWAMI yalaka Musa. Bakhoma etsikambi, buli mundu hasilolelo siabwe, khandi olwa bachaaka okhuchenda, buli mundu yalinji mubeinyumba yabwe, mubilibwa biabwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019