ABALAWI 2
2
Ebihanwa biobuswache
1Olwomundu wosi ahaana omusango kwobuswache khu MWAMI, okhwola kube okwobusie obunyukhe. Okhwola atsukhekhwo amafura komuseituni nende obwali 2ma akuleere khubesaalisi. Omwesaalisi orumikhanga olwene yilwo afumbarekhwo obusie m'mukhono nende amafura nende obwali bwosi, ma abusambile khulusambwa singa esifwanani okhumanyia mbu obusie bwosi buhan'nwe khu MWAMI. Okhuhunya khwebiokhulia ebihanwanga yibi khuyanzisianga OMWAMI. 3Omusango kwobuswache okusikalanga kwosi nokwabesaalisi; nomutsienukhu okhusila sichila kurulanga khubiokhulia ebihanwanga khu MWAMI.
4Esihanwa yisio nisiakhaba omukaati okutekheywe mwichiiko okhwola khube omukaati okuralimwo amamela. Chinyala okhuba emihayila emisiro echilombelwe khubusie obutsokan'nemwo amafura kemiseituni nohomba ebibisikuti ebibakhilwekhwo amafura komuseituni.
5Esihanwa yisio nisiakhaba omukaati okutekheywe khusichuma esitekhelwangakhwo emikaati, kulombwe khubusie obutsokelwemwo amafura kemiseituni nebutswa kube sila amamela. 6Okutubule ma otsukhekhwo amafura kandi olwoba nokuhananga singa omusango.
7Esihanwa yisio nisiakhaba omukaati okutekheywe musifuria, okhwola kulombwe khubusie obutsookelwe mwo amafura komuseituni. 8Akuleere singa esihanwa khu MWAMI ma akuhaane khumwesaalisi, naye akuyile khulusambwa. 9Omwesaalisi yetsa okhubukulakhwo obusie butiti khubwo singa esifwanani okhumanyia mbu kwosi kumal'le okhuhanwa khu MWAMI, ma akusambile khulusambwa. Okhuhunya khwebiokhulia ebihanwanga yibi khuyanzisianga OMWAMI. 10Esihanwa sisikalanga siosi siabesaalisi; nesitsienukhu okhusila sichila sirulanga khubiokhulia ebihanwanga khu MWAMI.
11Esihanwa siobuswache siosi siosi obwohaananga khu MWAMI burakhalombelwakhwo mwo amamela tawe; murarakhwo amamela nohomba obuukhi mubiokhulia ebihanwanga khu MWAMI tawe. 12Esihanwa siobuswache bwokhuranga okhucheswa khubuli muhika buleerwe khu MWAMI, nebutswa burasambilwakhwo khulusambwa tawe. 13Onyul'lusie echumbi khusiomusango kwobuswache sichila echumbi ekobokhelanga indakano hakari wenywe nende Nyasaye. (Okhwola munyul'lusie echumbi khumisango chienywe chiosi). 14Olwa oleera khu MWAMI esihanwa siobuswache bwokhuranga ohaane obuswache obukhalange nohomba obuswache obuseywe. 15Omeetekhwo amafura komuseituni nende obwali. 16Omwesaalisi alasamba esitonye silala siobuswache nende amafura okhuba singa esifwanani halala nende obwali bwosi, okhuba singa ebiokhulia ebiokhuhaana khu MWAMI.
Currently Selected:
ABALAWI 2: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
