Kem Lingón 93
93
Lingón bè yóm hol kegeta Dwata
1Dwata se yóm hol dandónen geta
mogot klamangen.
Yó henged nes leseken, duhen yóm kegetahen ne yóm tey kekgisen.
Tey mbegel kehdaen du yóm benwu,
là kóen na a sliwo.
2Lemwót bè hol kbuten, Dwata,
tey mbegel yóm kkamalem yóm klamangen.
Gu laanem là deng mbut du yóm kdéen,
deng sana kem yó ne yóm keDwatahem.
3Tey lemwók yóm mohin bong, Dwata,
ne tey sidek lungkul lewóken.
4Dwata se yóm hol dandónen geta kmamal longit.
Yóm kun kgis, mkay senta kgis yóm tey lewók mohin,
ne mkay senta yóm tey lungkulen.
5Yó kem kóm hlau, Dwata, là kóen megetles.
Ne yóm kóm Gónô, yó heklóón du, duhen yóm klaen dù belenem
laen kô dù tul sónen.
Currently Selected:
Kem Lingón 93: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
