Kem Lingón 90
90
BOK 4
Kem Lingón 90—106
Lingón Musis yóm tau Dwata
1Ó Dwata, yóm gónó me mogot,
són uu se tendo gónó me glébéd lemwót bè kbuten.
2Gu laanem là deng dmimun du yó kem bulul
ne yóm klamangen benwu,
deng sana kem yó ne yóm keDwatahem,
ne laen kô dù sónen yóm keDwatahem yó.
3Okóm kul yó kem tau, bud gel hulékem lu bè kfung
bè yóm tehe gónó le gu lemwót.
Bud gel hbalingem lu kfung.
4Yóm lemibu halay béléem kóm, Dwata, lómón ke tek sendaw,
lómón yóm ekimel deng sana miwes,
ne lómón yóm sotu uras kifu là kóen legen.
5Là kóen legen yóm klowil me
lómón ke hkonulem mi bè dunuk,
ne lómón ke olo kna yóm klowil me là kóen legen.
Kéng tô me bnes lomi sut hlafus,
6tilob ktowoken hyu wen bulóken.
Timbow kifu bè yó deng sana menes.
7Lemwót bè lebutem, Dwata, gónó me meglà.
Ya tey sidek klikò me du yóm kebutem yó.
8Gotu suem dyó bè soluhem yó kem salà me.
Kdê yó kem salà bnos me, gotu tonem.
9Igò me mowil, Dwata, igoen se nô ta me yóm kebutem kum.
Sal dolong bè kegesón yóm klowil me.
10Yóm klowil me, olon gefet bè hitu folò halay.
Ke wen kgis me, gefet me bè wolu folò halay.
Okóm yóm klawi me mowil yó, tey dê gónó me glayam,
ne tey dê lenóngón nawa me.
Là kóen té yóm klowil me, sana me mfu.
11Tau du de deng gemnóm du yóm alì ksidek kebutem, Dwata?
Ke deng gnómen, nawaw deng tey sidek klikoen.
12Hol heftulón nawam kum yóm kukol yóm klowil me
anì eles me temgama.
13Kilón de kkóhen yóm kebutem kum?
Hol knoduhem mi sen, Dwata, kem tau tóbóng lówóhem.
14Hol hegnómem kum ket hlafus
yóm là konolen yóm kbong nawahem kum,
anì yó, sónmò me semngal
ne hligal bè yóm klawi me mowil.
15Tey bong yóm keblat nawa deng blayem kum ekni
bè yóm tehe igò me glayam.
Hol lómón yó dé bud kbongen yóm kligal tles bud blayem kum ni.
16Htonem kum mi kem kóm tau yóm tey kegbekem.
Ne bud htonem yó kem semfu gu bélê me snéen
yóm tey klinggelen yóm kegbekem yó.
17Hol senflósem kmudung kum, Dwata,
yakà uu du yóm mogot kum.
Knudungem mi anì wen gónón e kól yóm kdê nmò me.
Currently Selected:
Kem Lingón 90: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 90
90
BOK 4
Kem Lingón 90—106
Lingón Musis yóm tau Dwata
1Ó Dwata, yóm gónó me mogot,
són uu se tendo gónó me glébéd lemwót bè kbuten.
2Gu laanem là deng dmimun du yó kem bulul
ne yóm klamangen benwu,
deng sana kem yó ne yóm keDwatahem,
ne laen kô dù sónen yóm keDwatahem yó.
3Okóm kul yó kem tau, bud gel hulékem lu bè kfung
bè yóm tehe gónó le gu lemwót.
Bud gel hbalingem lu kfung.
4Yóm lemibu halay béléem kóm, Dwata, lómón ke tek sendaw,
lómón yóm ekimel deng sana miwes,
ne lómón yóm sotu uras kifu là kóen legen.
5Là kóen legen yóm klowil me
lómón ke hkonulem mi bè dunuk,
ne lómón ke olo kna yóm klowil me là kóen legen.
Kéng tô me bnes lomi sut hlafus,
6tilob ktowoken hyu wen bulóken.
Timbow kifu bè yó deng sana menes.
7Lemwót bè lebutem, Dwata, gónó me meglà.
Ya tey sidek klikò me du yóm kebutem yó.
8Gotu suem dyó bè soluhem yó kem salà me.
Kdê yó kem salà bnos me, gotu tonem.
9Igò me mowil, Dwata, igoen se nô ta me yóm kebutem kum.
Sal dolong bè kegesón yóm klowil me.
10Yóm klowil me, olon gefet bè hitu folò halay.
Ke wen kgis me, gefet me bè wolu folò halay.
Okóm yóm klawi me mowil yó, tey dê gónó me glayam,
ne tey dê lenóngón nawa me.
Là kóen té yóm klowil me, sana me mfu.
11Tau du de deng gemnóm du yóm alì ksidek kebutem, Dwata?
Ke deng gnómen, nawaw deng tey sidek klikoen.
12Hol heftulón nawam kum yóm kukol yóm klowil me
anì eles me temgama.
13Kilón de kkóhen yóm kebutem kum?
Hol knoduhem mi sen, Dwata, kem tau tóbóng lówóhem.
14Hol hegnómem kum ket hlafus
yóm là konolen yóm kbong nawahem kum,
anì yó, sónmò me semngal
ne hligal bè yóm klawi me mowil.
15Tey bong yóm keblat nawa deng blayem kum ekni
bè yóm tehe igò me glayam.
Hol lómón yó dé bud kbongen yóm kligal tles bud blayem kum ni.
16Htonem kum mi kem kóm tau yóm tey kegbekem.
Ne bud htonem yó kem semfu gu bélê me snéen
yóm tey klinggelen yóm kegbekem yó.
17Hol senflósem kmudung kum, Dwata,
yakà uu du yóm mogot kum.
Knudungem mi anì wen gónón e kól yóm kdê nmò me.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.