Kem Lingón 89
89
Lingón bè yóm kwen gfà yó kem tau Israél#89:1 Nim Lingón 89 ni, lingón yóm sotu tau boluyen Itan.
1Ó Dwata, tendo lingónu yóm là
keskóhen yóm kbong nawahem kum.
Laen dù sónen yóm tendo gel keheglalagu du yóm là konol nawahem.
2Tngónu yóm kbong nawahem kum, laen dù mtukul sónen.
Ne yóm là kili nawahem ebélê me,
hol lómón yóm là kili yóm longit.
3Deng tehe monem, “Wen fasadu yóm tau deng néléku, duhen Dabid yóm sotu tau tóbóng lówóhu.
4Yó tehe fasadu du, monu, ‘Sal gel wen bè yó kem semfu gu béléem baling tau hol geta mò mogot benwu bélê ye,
ne là kô nmou du sónen yóm kogot ye benwu.’ ”
5Ó Dwata, kdê yó kem gel nô bè yó kem longit seglafin, gotu le semngal.
Utóm sngal le yóm kdê hyu gel nmoem,
ne yóm là konol nawahem.
6Laen dù nô bè longit ke skél kóm, Dwata.
Laen kô dù bè yó kem nô bè yó ke semnged kóm.
7Balù yó kem deng genlalem bè yó,
gotu wen klikò le kóm.
Tey kadat le kóm yóm kdê le.
8Ó Dwata yóm Dwata gónóhu mogot,
yóm Dwata laen dù là gbeken du
laen dù bud mfasang sentahem.
Tódô gfan bè kdéen yóm là konol nawahem, Dwata.
9Gotu knamalem yóm tey mohin lamang,
ne gbekem henek du balù nô kbong lewóken.
10Uu se tehe hmatay du yóm blol bong nô lem mohin boluyen Rahab.#89:10 Yóm blol bong monen ni, hnigaden yóm kdéen sidek gel sembeweg benwu.
Lemwót bè yóm tey kegbekem,
yó gónón laen dù gmò le béléem yó kem hohonem.
11Kóm funen yóm klamangen longit,
ne bud kóm funen snéen yóm klamangen tonok.
Uu se tehe mò du yóm klamangen benwu,
ne gotu nmoem snéen yóm kdéen nô tahen.
12Deng nmoem yóm fi debwak
ne deng nmoem se yóm fi leged.
Yóm bulul Tabur ne yóm bulul Hérmun,
lómón ke eles le tendo hligal semngal ebéléem.
13Teyi mfasang, Dwata, ne teyi gembek.
14Yó hol hembegel du yóm kogotem tau,
duhen yóm tey ktedeng kmoem
ne yóm tey ktedeng kogotem kukum.
Tendo gfan bè kdê nmoem yóm kbong nawahem kum
ne yóm là konol nawahem ebélê me.
15Tey le hligal yó kem tau tmaba ebéléem
hlan le bè sngal le.
Tendo nmò le yóm gónón hyu nawahem ebélê le.
16Lemwót bè yóm gel któbóngem kul,
yó gónón tendo wen kligal le lemwót hlafus kól kimel.
Tey kdóyón le kóm lemwót bè yóm tey kehyu kmoem ebélê le.
17Tey kehgmoem kum bè yó kem hohon me.
Yó gónón laen dù gmò le bélê me
lemwót bè yóm tey kbong nawahem kum.
18Uu se, Dwata, deng tehe mélék du bélê me yóm tau mò mofin kum,
yakà uu du yóm Dwata yó kem tau Israél
yóm Dwata laen dù belenen.
Uu se tehe mélék du yóm tau mò tau hol geta bélê me.
Yóm fasad Dwata ke Dabid
19Ó Dwata, wen tehe hegfanem ekni
bè yó kem tau tóbóng lówóhem alì teneb.
Yó tehe monem mò kul,
“Deng tnóbóngu yóm sotu sendalù alì tótól bè kwiten sfatay.
Deng néléku lem blóng yó kem dumuhen mò henbalingu tau hol geta mogot benwu,
20duhen Dabid se yóm deng néléku yó, sotu tau tóbóng lówóhu.
Deng hetwélu hnolo te kuluhen mò ilô yóm deng kéléku du.
21Eles tendo nô béléen yóm kgisu.
Ne lemwót bè kfasangu gónón mbegel ktauhen.
22Laen dù gmò le béléen yó kem tau hmohon du.
Senged se yó kem tau gel mò sidek,
laen kô dù gmò le béléen.
23Angat gotu genlau yó kem tau hmohon du,
ne gotu hnatayu yó kem tau kmutó nawa du.
24Tey tendo kbong nawahu du yóm Dabid,
là kóen monol yóm nawahu ebéléen.
Tendo gel hegmou bè yó kem hmohon du.
25Hlamangu yóm benwu nogoten,
lenwóten bè yóm mohin Miditiranyan kól bè yóm él Yufratis.
26Yó angat mon Dabid mò dou,
‘Uu se dou Mà, ne uu se yóm dou Dwata.
Ne bud uu se yóm gónóhu gel heklung,
ne yóm gel lemwà dou.’
27Ne yó angat nmou bè Dabid,
angat blayu du yóm kun kwalis yóm ngà logi twogu.
Nmou hol geta bè yóm kdéen tau hol geta talak tonok.
28Là kô klifótu du yóm deng fasadu du.
Ne laen kô dù mtukul sónen yóm deng senfasad me.
29Laen kô dù sónen yóm kogoten benwu,
hol lómón yóm klaen dù són longit.
Sal gel wen bè yó kem semfu gu béléen
angat baling tau hol geta.
30Okóm ke là nimón le du yó kem dou hlau
yó kem tau semfu gu béléen,
ne ke là lolò le du yó kem dou hlau kul,
31ne ke snonol le yó kem dou hlolò kul,
ne là sù le du bè nawa le yó kem dou hlau kul,
32angat tey ktafaku kul bè yó kem salà le yó
anì na le hol glayam lemwót bè yó kem sidek nmò le.
33Okóm ke Dabid, là kô naw e tenflok du
yóm kbong nawahu du,
ne là kô klifótu du yóm deng fasadu du.
34Là kô gbeku gembà du yóm deng senfasad me.
Balù sotu bè yó kem deng fasadu du yó,
là kô naw e klifót du.
35Deng tehe wen fasadu ke Dabid hlanu bè dou boluy,
ne là kô tenlesu du.
Laen kô kéng nmou bè Dabid.
36Yó tehe fasadu du, tendo gel wen semfu gu béléen,
ne tendo bnenteyu yóm kogot le benwu bè yóm igoen tolo wen kdaw.
37Là kóen na a mili yóm kogot le benwu,
lómón yóm là kili yóm bulón nô bè longit.”
Lingón langag lemwót bè yóm là kegmò yóm tau hol geta bélê le
38Okóm ni, Dwata, deng lenbutem yóm tau hol geta deng nélékem.
Deng tódô bayaem, deng kenbéem.
39Deng genbaem yóm deng tehe senfasad ye yóm tau tóbóng lówóhem yó.
Deng kóhem bè kuluhen yóm kurunahen,
ne deng botem ebè tonok.
40Deng gotu genbaem yóm beng hilol syudaden,
ne deng gotu hensidekem yó kem gónóhen tehe gel heklung bè yó kem hohonen.
41Kdéen tau mius, gotu hemnagaw du yó kem kimuhen.
Gotu knuli yó kem dumuhen sebét.
42Mom hegmoem yó kem hohonen,
tey kehefligalem kul.
43Lemwót béléem gónón là bud hyu yó kem ngomen sfatay.
Yó gónón là gemmò bè yó kem hohonen.
44Deng kóhem béléen yóm gel nogoten mò ilô yóm kegetahen,
ne deng gotu lugodem ta tonok yóm gónón myón kmukum.
45Deng mom htuhahem igoen lomi tau.
Tey sidek kehyakem du.
Kni le tóbóng bè Dwata anì lenwaen lu
46Ó Dwata, tódô hlós ne kô yóm kehebnosem kum?
Kegenen de yóm alì ksidek kkinì kuluhem bélê me?
47Hendemem dé yóm tey kukol klowilu.
Hendemem yóm tehe kmoem kum, oluhem kum tau gel matay.
48Laen kô dù tau tódô hlós mowil ke là matayen.
Là kô gbeken hemseng du ke sut béléen yóm hatay.
49Ó Dwata, nô se yóm tehe gel nmoem bélê me,
yóm gónón gel gfan yóm kbong nawahem kum?
Gónón nô se yó kem tehe fasadem ke Dabid?
50Béem klifót yóm tey kehnê le dou yó kem tau,
yakà ou du yóm gel tóbóng lówóhem.
Tey kehbalahu du yóm gel kehtolo le dou
yó kem tau laen dù ketngón le kóm.
51Hono hohonem, Dwata, yó kem tau hemnê yóm tau hol geta deng nélékem.
Kihu gónón e solu, tendo hennê le.
52Hol bê tekuy lensón yóm kdóyón tekuy ke Dwata
yóm hol gónó tekuy mogot.
Hono tahu se yóm utóm lingónu ni.
Currently Selected:
Kem Lingón 89: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 89
89
Lingón bè yóm kwen gfà yó kem tau Israél#89:1 Nim Lingón 89 ni, lingón yóm sotu tau boluyen Itan.
1Ó Dwata, tendo lingónu yóm là
keskóhen yóm kbong nawahem kum.
Laen dù sónen yóm tendo gel keheglalagu du yóm là konol nawahem.
2Tngónu yóm kbong nawahem kum, laen dù mtukul sónen.
Ne yóm là kili nawahem ebélê me,
hol lómón yóm là kili yóm longit.
3Deng tehe monem, “Wen fasadu yóm tau deng néléku, duhen Dabid yóm sotu tau tóbóng lówóhu.
4Yó tehe fasadu du, monu, ‘Sal gel wen bè yó kem semfu gu béléem baling tau hol geta mò mogot benwu bélê ye,
ne là kô nmou du sónen yóm kogot ye benwu.’ ”
5Ó Dwata, kdê yó kem gel nô bè yó kem longit seglafin, gotu le semngal.
Utóm sngal le yóm kdê hyu gel nmoem,
ne yóm là konol nawahem.
6Laen dù nô bè longit ke skél kóm, Dwata.
Laen kô dù bè yó kem nô bè yó ke semnged kóm.
7Balù yó kem deng genlalem bè yó,
gotu wen klikò le kóm.
Tey kadat le kóm yóm kdê le.
8Ó Dwata yóm Dwata gónóhu mogot,
yóm Dwata laen dù là gbeken du
laen dù bud mfasang sentahem.
Tódô gfan bè kdéen yóm là konol nawahem, Dwata.
9Gotu knamalem yóm tey mohin lamang,
ne gbekem henek du balù nô kbong lewóken.
10Uu se tehe hmatay du yóm blol bong nô lem mohin boluyen Rahab.#89:10 Yóm blol bong monen ni, hnigaden yóm kdéen sidek gel sembeweg benwu.
Lemwót bè yóm tey kegbekem,
yó gónón laen dù gmò le béléem yó kem hohonem.
11Kóm funen yóm klamangen longit,
ne bud kóm funen snéen yóm klamangen tonok.
Uu se tehe mò du yóm klamangen benwu,
ne gotu nmoem snéen yóm kdéen nô tahen.
12Deng nmoem yóm fi debwak
ne deng nmoem se yóm fi leged.
Yóm bulul Tabur ne yóm bulul Hérmun,
lómón ke eles le tendo hligal semngal ebéléem.
13Teyi mfasang, Dwata, ne teyi gembek.
14Yó hol hembegel du yóm kogotem tau,
duhen yóm tey ktedeng kmoem
ne yóm tey ktedeng kogotem kukum.
Tendo gfan bè kdê nmoem yóm kbong nawahem kum
ne yóm là konol nawahem ebélê me.
15Tey le hligal yó kem tau tmaba ebéléem
hlan le bè sngal le.
Tendo nmò le yóm gónón hyu nawahem ebélê le.
16Lemwót bè yóm gel któbóngem kul,
yó gónón tendo wen kligal le lemwót hlafus kól kimel.
Tey kdóyón le kóm lemwót bè yóm tey kehyu kmoem ebélê le.
17Tey kehgmoem kum bè yó kem hohon me.
Yó gónón laen dù gmò le bélê me
lemwót bè yóm tey kbong nawahem kum.
18Uu se, Dwata, deng tehe mélék du bélê me yóm tau mò mofin kum,
yakà uu du yóm Dwata yó kem tau Israél
yóm Dwata laen dù belenen.
Uu se tehe mélék du yóm tau mò tau hol geta bélê me.
Yóm fasad Dwata ke Dabid
19Ó Dwata, wen tehe hegfanem ekni
bè yó kem tau tóbóng lówóhem alì teneb.
Yó tehe monem mò kul,
“Deng tnóbóngu yóm sotu sendalù alì tótól bè kwiten sfatay.
Deng néléku lem blóng yó kem dumuhen mò henbalingu tau hol geta mogot benwu,
20duhen Dabid se yóm deng néléku yó, sotu tau tóbóng lówóhu.
Deng hetwélu hnolo te kuluhen mò ilô yóm deng kéléku du.
21Eles tendo nô béléen yóm kgisu.
Ne lemwót bè kfasangu gónón mbegel ktauhen.
22Laen dù gmò le béléen yó kem tau hmohon du.
Senged se yó kem tau gel mò sidek,
laen kô dù gmò le béléen.
23Angat gotu genlau yó kem tau hmohon du,
ne gotu hnatayu yó kem tau kmutó nawa du.
24Tey tendo kbong nawahu du yóm Dabid,
là kóen monol yóm nawahu ebéléen.
Tendo gel hegmou bè yó kem hmohon du.
25Hlamangu yóm benwu nogoten,
lenwóten bè yóm mohin Miditiranyan kól bè yóm él Yufratis.
26Yó angat mon Dabid mò dou,
‘Uu se dou Mà, ne uu se yóm dou Dwata.
Ne bud uu se yóm gónóhu gel heklung,
ne yóm gel lemwà dou.’
27Ne yó angat nmou bè Dabid,
angat blayu du yóm kun kwalis yóm ngà logi twogu.
Nmou hol geta bè yóm kdéen tau hol geta talak tonok.
28Là kô klifótu du yóm deng fasadu du.
Ne laen kô dù mtukul sónen yóm deng senfasad me.
29Laen kô dù sónen yóm kogoten benwu,
hol lómón yóm klaen dù són longit.
Sal gel wen bè yó kem semfu gu béléen
angat baling tau hol geta.
30Okóm ke là nimón le du yó kem dou hlau
yó kem tau semfu gu béléen,
ne ke là lolò le du yó kem dou hlau kul,
31ne ke snonol le yó kem dou hlolò kul,
ne là sù le du bè nawa le yó kem dou hlau kul,
32angat tey ktafaku kul bè yó kem salà le yó
anì na le hol glayam lemwót bè yó kem sidek nmò le.
33Okóm ke Dabid, là kô naw e tenflok du
yóm kbong nawahu du,
ne là kô klifótu du yóm deng fasadu du.
34Là kô gbeku gembà du yóm deng senfasad me.
Balù sotu bè yó kem deng fasadu du yó,
là kô naw e klifót du.
35Deng tehe wen fasadu ke Dabid hlanu bè dou boluy,
ne là kô tenlesu du.
Laen kô kéng nmou bè Dabid.
36Yó tehe fasadu du, tendo gel wen semfu gu béléen,
ne tendo bnenteyu yóm kogot le benwu bè yóm igoen tolo wen kdaw.
37Là kóen na a mili yóm kogot le benwu,
lómón yóm là kili yóm bulón nô bè longit.”
Lingón langag lemwót bè yóm là kegmò yóm tau hol geta bélê le
38Okóm ni, Dwata, deng lenbutem yóm tau hol geta deng nélékem.
Deng tódô bayaem, deng kenbéem.
39Deng genbaem yóm deng tehe senfasad ye yóm tau tóbóng lówóhem yó.
Deng kóhem bè kuluhen yóm kurunahen,
ne deng botem ebè tonok.
40Deng gotu genbaem yóm beng hilol syudaden,
ne deng gotu hensidekem yó kem gónóhen tehe gel heklung bè yó kem hohonen.
41Kdéen tau mius, gotu hemnagaw du yó kem kimuhen.
Gotu knuli yó kem dumuhen sebét.
42Mom hegmoem yó kem hohonen,
tey kehefligalem kul.
43Lemwót béléem gónón là bud hyu yó kem ngomen sfatay.
Yó gónón là gemmò bè yó kem hohonen.
44Deng kóhem béléen yóm gel nogoten mò ilô yóm kegetahen,
ne deng gotu lugodem ta tonok yóm gónón myón kmukum.
45Deng mom htuhahem igoen lomi tau.
Tey sidek kehyakem du.
Kni le tóbóng bè Dwata anì lenwaen lu
46Ó Dwata, tódô hlós ne kô yóm kehebnosem kum?
Kegenen de yóm alì ksidek kkinì kuluhem bélê me?
47Hendemem dé yóm tey kukol klowilu.
Hendemem yóm tehe kmoem kum, oluhem kum tau gel matay.
48Laen kô dù tau tódô hlós mowil ke là matayen.
Là kô gbeken hemseng du ke sut béléen yóm hatay.
49Ó Dwata, nô se yóm tehe gel nmoem bélê me,
yóm gónón gel gfan yóm kbong nawahem kum?
Gónón nô se yó kem tehe fasadem ke Dabid?
50Béem klifót yóm tey kehnê le dou yó kem tau,
yakà ou du yóm gel tóbóng lówóhem.
Tey kehbalahu du yóm gel kehtolo le dou
yó kem tau laen dù ketngón le kóm.
51Hono hohonem, Dwata, yó kem tau hemnê yóm tau hol geta deng nélékem.
Kihu gónón e solu, tendo hennê le.
52Hol bê tekuy lensón yóm kdóyón tekuy ke Dwata
yóm hol gónó tekuy mogot.
Hono tahu se yóm utóm lingónu ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.