Kem Lingón 82
82
Lingón Asaf
1Dwata se fen kmukum bè longit,
knukumen yó kem tau mogot kukum te tonok.
2Yó udélen ebélê le, monen, “Kmò kegenen de yóm là ktedeng kukum ye.
Kmò kegenen de yóm tendo kfi ye yó kem tau gel mò sidek?
3Hol hentedeng ye kmukum kul yó kem tau élél ne yó kem ngà hikit.
Hol ndà ye yóm kul ktahu yó kem tau hen-gnok
ne yó kem tau laen dù genbek le.
4Hol lenwaem lu lem tdok yó kem tau gel mò sidek.
5Okóm yó kem tau hemgnok kul, laen kô dù tngón le.
Là kô le hulung hedem.
Hol lómón ke nô le lem kifu.
Yó gónóm mon, là bud tonem du te tonok ne yóm tau tedeng kkukumen.
6Yó tehe monu mò kul yó kem tau kmukum yó,
‘Lómón ke dwata ye, hono ye ngà yóm Dwata Hol Dandónen Geta.
7Okóm ke angat ye matay, mkél ye bè yó kem tau te tonok.
Angat ye matay, lómón katay yó kem ngà yóm tau hol geta te tonok,
abay se kdéen tau, gotu le matay.’ ”
8Ó Dwata, hgéhéli ne, nem e knukum yóm kdéen tau te tonok,
abay se kdéen benwu talak tonok, hono kóm funen.
Currently Selected:
Kem Lingón 82: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
