Kem Lingón 8
8
Lingón Dabid yóm kegeta Dwata, ne yóm kehegeta Dwata tau
1Ó Dwata, yóm hol gónó me mogot,
deng tey gfan bè klamangen benwu yóm alì kegeta yóm boluyem
Botong gefet ditu ta yó kem longit seglafin yóm tey keslinangem.
2Gbót dóyón le uu yó kem ngà lemnek
kkólen bè yó kem ngà tolo hebon.
Mlan bè yóm kul kdóyón kóm
gónóm hemseng yó kem tau gel hmohon kóm.
Laen kô dù gmò le béléem.
3Ke gele lengalà ebè longit yóm deng tehe nmoem,
tonu yóm bulón ne yó kem blotik deng eles mdengen gónóm hemsù kul.
4Ke hendemu yóm deng nmoem yó,
le hilu he kun yó kem olo tau tonok.
Kiholen yóm tey nawahem ebélê le.
5Bè yóm tehe kifilem tau,
tek udì yóm gónóm là hsenged du béléem.
Deng tey kehegetahem du,
ne tey kadatem du.
6Deng gotu sigangem tahen yóm kentihen
7yó kem ógóf gel tnomò,
ne yó kem ógóf gel nô lem bnes,
8ne kdéen móyóng te kmawang,
ne kentihen nô lem él,
ne kentihen nô lem mohin
deng gotu sigangem tahen yóm kentihen.
9Ó Dwata, uu se yóm mogot kum.
Tey gfan bè klamangen benwu yóm kegetahem.
Currently Selected:
Kem Lingón 8: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
