Kem Lingón 64
64
Lingón Dabid
1Ó Dwata, hol hnungolem dou nim
tnalawu.
Hol lenwaem ou bè ni kem tey ifis le dou yó kem hohonu.
2Hol kenlungem ou bè yó kem tau gel mò sidek matul dou,
ne bè yó kem tey tau wen deng matul dou.
3Tey telem dilak le, hol lómón ktelem yóm sudeng sbalà bak.
Yóm kdes yóm udél le, hol lómón kdes yóm bak hanak gónó matay.
4Tódô hnékét gentì le yó kem tau laen dù salà le,
tódô kentut gentì le lu, balù udì ke wen klikò le.
5Sónmò le tendo sbót mò sidek ne matul hmolot.
Yó mon le, “Laen kô dù tau mton kum.”
6Yóm igò le matul mò du yóm sidek, yó mon le,
“Deng wen atul nmò me hono hyu.”
Tahu se, yóm kehedem tau ne yóm nawahen,
tey hulung mò atul.
7Okóm ke Dwata, gbeken gemtì kul.
Là kói temdemen, tódô le gotu metlool bè bak hanaken.
8Lemwót bè yóm kudél le, yó gónó Dwata gemlà kul.
Kdê yó kem mton yóm keglà le, angat le gotu hising.
9Angat le gotu likò yóm kdéen tau,
ne gotu tulón le yó kem tey genbek deng nmò Dwata,
ne sónmò le hemdem du yó kem deng gendengen.
10Kdê yó kem tau tedeng nmò le, hol le hligal
lemwót bè yóm deng nmò Dwata, ne bè Dwata gónó le e mlo.
Ne yó kem tau hyu kmò le,
tey kdóyón le ke Dwata.
Currently Selected:
Kem Lingón 64: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
