Kem Lingón 61
61
Lingón Dabid
1Ó Dwata, hol hnungolem yóm
kehtóbóngu béléem.
Hnungolem yóm hnihu béléem.
2Htóbónge béléem, kewótu bè sokol tonok
abay se tey sidek kegnómu du.
Hol nwitem ou ebè yóm botu geta sentahu
gónón laen dù hemenu,
3yakà són uu du yóm tinof gónó e mlo,
yóm gónów hofin gónó le là gmuta dou yó kem hohonu.
4Hol hnóem ou bè yóm kóm Gónô kól bè laen dù sónen,
laen kô dù hemenu ke hgolunge laan hafakem.
5Deng gungolem, Dwata, yó kem fasadu kóm.
Deng sana wen blayem dou lemwót bè yó kem deng henyuhem yóm mò genfun yó kem tau kmikò kóm.
6Hol htahaem klowil yóm tau hol geta efet dê bud lugoden.
Hyu ke dê lugod tau tonen.
7Hyu ke laen dù sónen yóm kogoten benwu bè solu Dwata.
Hol lambungem du, Dwata, yóm là konolen yóm kbong nawam du ne yóm ktenebem béléen.
8Ominu yó tendo semngal yó kem sngal dmóyón kóm
yóm igou dmohò du ket kdaw yó kem fasadu kóm.
Currently Selected:
Kem Lingón 61: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
