Kem Lingón 6
6
Lingón Dabid
1Ó Dwata, béem nudél ou ke mlan bè kebutem,
ne béem abay tnafak ou ke hlanem bè alì kebutem.
2Knoduhem ou, Dwata, abay se laen dù bud kgisu.
Hkóhem dou nim des lem lówóhu, Dwata, abay se alì sidek kegnómu du.
3Tey sidek kebà nawahu.
Kegenen ne duen, Dwata, ominem tmóbóng dou?
4Beklili ebéléu, Dwata, hewaem ou.
Lenwaem ou lem hatay lemwót bè yóm là konol nawahem ebéléu.
5Abay se bè benwu yó kem tau deng matay,
laen dù bud tau hemtulón kóm nawa.
Tau du se tô dmóyón kóm bè yó?
6Denge tey miteg ne bè yóm gel klangagu.
Tódô keten kifu héfê gónów tungô lemwót bè lewoku.
Tódô senflósen héfê
kamahu.
7Tendo lembóg matahu lanu alì mkik.
Nkiku yóm tendo nmò le béléu yó kem hohonu.
8Ó kem tau gel mò sidek, hlayuk ye béléu,
yakà deng gungol Dwata du yóm kkiku.
9Deng gungol Dwata yóm kehkoduhu béléen.
Angat bnalaen yóm hnihu yó.
10Angat le gotu mulék myak yó kem hohonu, mung du yóm tey klikò le.
Angat le tódô kendel mlóy semfulék, ya tey sidek kyak le.
Currently Selected:
Kem Lingón 6: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
