Kem Lingón 149
149
1Hol dóyón tekuy Dwata.
Semngal tekuy ebè Dwata yóm lomi sngal.
Hol dóyón tekuy lem blóng yó kem tau deng stifun,
yó kem tau là mili nawa le ebè Dwata.
2Ó kem tau Israél, hol hnigal ye yóm deng mifil kuy.
Dalang se kuy, kem tau bè Jirusalim, hol hnigal ye yóm Hol Geta bélê ye.
3Hol dóyón ye boluyen mlan bè kadal ye,
hmung ye bè yóm tamburin gel nuni ye
ne bè yó kem gel kenbit ye.
4Abay se yóm Dwata, tey hligal bè yó kem tauhen.
Wen ofol blayen yó kem tau hulung heglaan,
duhen yóm kehewaen kul.
5Hol le hligal yó kem tauhen bè yóm kadaten kul yó.
Hol le hligal semngal igò le hlilil bè gónó le tungô.
6Hol utóm le bè sumóng le yóm kdóyón le ke Dwata,
igò le mkem yóm sudeng alì telem,
7anì bneles le yó kem dumu benwu hmohon kul,
ne tnafak le yó kem tau nô lemen.
8Ne nfét le kedina yó kem tau hol geta bélê le,
dalang se yó kem genlal bélê le,
9anì tafak le kul yóm tafak deng mon Dwata bè sulaten.
Ni se mò gónó le megdóyón yó kem tau là monol nawa le bè Dwata.
Hol dóyón tekuy Dwata.
Currently Selected:
Kem Lingón 149: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
