Kem Lingón 142
142
Lingón Dabid bè yóm tehe knóen lem kilib
1Tey kehtóbóngu bè Dwata,
tey kehkoduhu béléen.
2Gotu tulónu du yóm dê tnalawu bè klowilu,
ne yó kem alì blat nô tahu, gotu tulónu du.
3Bè yóm gónóhu là bud gbala,
tódô tngón Dwata yóm lan mò lolou.
Bè ket tô lanu, wen sù le du yó kem hohonu mò tô alu le dou.
4Ke temngele gu hilolu, laen kô dù tonu tau ke tmóbóng do.
Balù sotu ke wen hemdem do.
Laen dù tau tmóbóng dou.
Laen dù tau hemdem du ke wen gel glumfaku.
5Ominu htóbóng béléem, Dwata.
Monu mò kóm, “Tek són uu mò gónóhu heklung.
Sónen uu yóm hol bong muhen bè klowilu.
6Hol hnungolem yóm tey kehkoduhu béléem,
yakem wen se bud nefet nawahu.
Hol lenwaem o lem tdok yó kem hohonu,
yakà tey le alì kemgis sentahu.
7Hol kóhem tahu yóm alì hemblat do.
Ke yó se nmoem béléu, nénégem angat tey kdóyónu kóm.
Angat le gotu stifun béléu yó kem tau tedeng kmò le
lemwót bè yóm tey kehyu nmoem béléu.”
Currently Selected:
Kem Lingón 142: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
