Kem Lingón 137
137
1Myón me bè kilil yó kem él bè
Babilun.
Tey kkik me bè yó, gtulón bè nawa me Sayun yóm kum benwu.
2Sdang me yó kem kenbit me bè yó kem hanga koyu moni bè yó,
là bud me móyô kembit kul.
3Dók le mi semngal yó kem tau megef kum,
kóyô le ke hnigal me lu.
Yó mon le mò kum,
“Sngal ye kum yóm tehe gel sngal ye bè Sayun.”
4Là kô gbek me semngal du bè tólóng benwu yóm sngal Dwata.
5Ke klifótu yóm dou benwu Jirusalim,
hol kóhem béléu, Dwata, yóm khulungu kembit.
6Ke klifótu Jirusalim, ne ke là lemwóten béléen yóm kligalu,
hol kóhem béléu, Dwata, yóm khulungu semngal.
7Ó Dwata, bè yóm kdaw tehe kegbà kem tau Babilun du yóm Jirusalim,
hol béem klifót yóm tehe kul nmò yó kem tau Idom.#137:7 Yó kem tau Idom yó, hono tau semfu gu bè yóm tehe Iso yóm tehe dumun segeng sut Jakub. Yóm Jakub, du se gónô le gu semfu yó kem tau Israél.
Béem klifót yóm tehe gel kmon le du,
“Hol genbà ye dé, béen wen tebel du.”
8Ne bud uu se, benwu Babilun, angat wen he tau gembà kóm se kóm.
Hligal yóm tau bud mò du bélê ye yóm tehe nmò ye bélê me.
9Angat bud nwahen se yó kem kuy ngà lemnek,
gotu tefesen lu bè botu,
lómón yóm kuy tehe nmò bélê me.
Currently Selected:
Kem Lingón 137: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
