Kem Lingón 136
136
1Hol dóyón tekuy Dwata,
yakà teyen hyu yóm Dwata tekuy.
Laen kô dù tul sónen yóm kbong nawahen tekuy là monolen.
2Hol dóyón tekuy yóm Dwata bè kdéen dwata,
Laen kô dù tul sónen yóm kbong nawahen tekuy là monolen.
3Hol dóyón tekuy Dwata,
yóm tahu gónó mogot bè kdéen gónó mogot.
Laen kô dù tul sónen yóm kbong nawahen tekuy là monolen.
4Hol dóyón tekuy Dwata,
tek són du gembek mò du yó kem tey hentaw ton.
Laen kô dù tul sónen yóm kbong nawahen tekuy là monolen.
5Hol dóyón tekuy Dwata,
lemwót bè yóm kun khulung gónón mò du yóm longit.
Laen kô tul sónen yóm kbong nawahen tekuy là monolen.
6Hol dóyón tekuy Dwata,
gbeken hemsù du ta él yóm tonok.
Laen kô dù tul sónen yóm kbong nawahen tekuy là monolen.
7Hol dóyón tekuy Dwata,
gbeken mò du yó kem mnóng gu bè longit.
Laen kô dù tul sónen yóm kbong nawahen tekuy là monolen.
8Nmoen yóm kdaw mò mnóng kemdaw.
Laen kô dù tul sónen yóm kbong nawahen tekuy là monolen.
9Nmoen yóm bulón ne yó kem blotik mò mnóng ke kifu.
Laen kô dù tul sónen yóm kbong nawahen tekuy là monolen.
10Hol dóyón tekuy Dwata,
gotu hnatayen yó kem ngà logi twogu bè yó kem tau Idyip.
Laen kô dù tul sónen yóm kbong nawahen tekuy là monolen.
11Gbeken mit kul hewà gu bè Idyip yó kem tau Israél.
Laen kô dù tul sónen yóm kbong nawahen tekuy là monolen.
12Hewaen lu lemwót bè yóm tey kgisen.
Laen kô dù tul sónen yóm kbong nawahen tekuy là monolen.
13Hol dóyón tekuy Dwata,
yóm semsólól yóm Mohin Hulô.
Laen kô dù tul sónen yóm kbong nawahen tekuy là monolen.
14Ne hlanen lemen se yó kem tau Israél.
Laen kô dù tul sónen yóm kbong nawahen tekuy là monolen.
15Okóm gotu hneben lu lem Mohin Hulô le Faro yóm tau hol geta ne yó kem sendaluen.
Laen kô dù tul sónen yóm kbong nawahen tekuy là monolen.
16Hol dóyón tekuy Dwata,
yóm malak yó kem tauhen lem yóm benwu laen hol wen tauhen.
Laen kô dù tul sónen yóm kbong nawahen tekuy là monolen.
17Hol dóyón tekuy Dwata,
yóm gemlà yó kem tau hol geta alì gembek.
Laen kô dù tul sónen yóm kbong nawahen tekuy là monolen.
18Hnatayen yó kem tau hol geta alì mfasang.
Laen kô dù tul sónen yóm kbong nawahen tekuy là monolen.
19Hnatayen Sihon
yóm tau hol geta bè yó kem tau Amurayt.
Laen kô dù tul sónen yóm kbong nawahen tekuy là monolen.
20Bud hnatayen Og
yóm tau hol geta bè yó kem tau bè Basan.
Laen kô dù tul sónen yóm kbong nawahen tekuy là monolen.
21Gotu nwahen yó kem tonok le,
ne blayen bè yó kem tauhen mò kul nfun.
Laen kô dù tul sónen yóm kbong nawahen tekuy là monolen.
22Gotu hfunen yó kem tau Israél,
kem tau tóbóng lówóhen.
Laen kô dù tul sónen yóm kbong nawan tekuy là monolen.
23Là kô klifóten du yóm tehe gónó tekuy là gemmò bè yó kem hohon tekuy.
Laen kô dù tul sónen yóm kbong nawahen tekuy là monolen.
24Deng lenwaen tekuy lem hólól yó kem hohon tekuy.
Laen kô dù tul sónen yóm kbong nawahen tekuy là monolen.
25Gotu benlayen ken yóm kdéen mowil talak tonok.
Laen kô dù tul sónen yóm kbong nawahen tekuy là monolen.
26Hol dóyón tekuy yóm Dwata nô bè longit.
Laen kô dù tul sónen yóm kbong nawahen tekuy là monolen.
Currently Selected:
Kem Lingón 136: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
