Kem Lingón 120
120
Sngal bè yóm kneged le ebè Jirusalim
1Bè yóm tehe kwen gfau,
tmabahe ebè Dwata, ne bnalaen o.
2Yó tabahu, “Lenwaem ou, Dwata,
bè yó kem tau gel mò kéng,
ne bè yó kem tau gel smukat.”
3Yu kem tau gel mò kéng, tedu se angat nmò Dwata bélê ye?
Tedu se kmò angat ktafaken kuy?
4Yó angat tafaken kuy, duhen yóm hanak sendalù alì telem,
ne yóm bala ofi kemyóngón.
5Tey sidek kegnómu du yóm knóu lem blóng ye,
lómón ke nóe bè benwu Misak ne bè benwu Kidar.#120:5 Yó kem benwu boluyen Misak ne Kidar yó, benwu alì mayuk gónó le nô yó kem tau sidek klóbô le.
6Tey kegenu nô lem blóng yó kem tau kenbê le ke menek benwu.
7Ke yó dou udél gbak bè kenek kbenwu,
mom yó kul, mit le sgida.
Currently Selected:
Kem Lingón 120: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
