Kem Lingón 114
114
1Timbow tebel yó kem tau Israél
yóm benwu Idyip,
tikóng tebel yó kem sfu Jakub yóm benwu là kul du yó,
2yóm benwu Juda nmò Dwata mò gónón nô,
ne nmoen Israél mò tau nogoten.
3Tikóng ton Mohin Hulô lu, tódô hetlasik mdó bè lan le yóm mohin yó.
Dalang se yóm Él Jurdan, tódô teflok yóm tbulen.
4Yó kem bulul, gotu le hkak lómón ke hkak yó kem ubiha logi,
dalang se yó kem bulul lemnek, gotu le hkak lómón ke hkak kem ngà ubiha.
5Moen de, Mohin Hulô, ke hetlasiki mdó bè lan le?
Moen de kóm du, Él Jurdan, ke teflok yóm klelem?
6Moen de, kem bulul, ke hkak ye lómón kem ubiha logi?
Moen de kuy du, kem bulul lemnek, ke hkak ye lómón kem ngà ubiha?
7Ó tonok, holi megsinsig bè solu Dwata,
bè solu yóm Dwata tehe Jakub.
8Yóm botu, gbek Dwata hembaling du busung él.
Tahu se, wen él semfut gu bè yóm tey botu bong.
Currently Selected:
Kem Lingón 114: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
