Kem Lingón 113
113
1Hol dóyón tekuy Dwata.
Tahu se, kem tau tóbóng lówó Dwata, hol dóyón tekuy.
Hol dóyón tekuy yóm boluy Dwata.
2Laen kô dù tul sónen yóm hol kegdóyón tekuy du.
3Yóm klamangen benwu lenwóten fi dmata kdaw kól desdef,
hol dóyón tekuy yóm boluy Dwata.
4Yakà Dwata se hol geta senta yóm kdéen benwu,
yóm tey keklóónen hol mkay senta kegeta yó kem longit.
5Tmau du se mkél bè yóm sana kut Dwata hol gónó mogot,
yóm Dwata myón bè yóm gónón myón kmamal ditu hol fi tta?
6Ditu filaanen tey mayuk béléen yó kem longit ne tonok.
Kudung temngel elaan,
7ne nkayen gu lem kfung yó kem tau élél,
ne nwahen gu desenfól yó kem tau laen dù gónó le ma.
8Hmungen lu myón bè yó kem ngà tau hol geta,
balù yó kem ngà tau hol geta bè yó kem kun tau.
9Hefligalen yóm libun atil mlan bè kehngaen du.
Hol dóyón tekuy Dwata.
Currently Selected:
Kem Lingón 113: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
